[Pooya/Ali Commentary 70:42] (see commentary for verse 40)

آیت 42 تا 44

42- فَذَرْهُـمْ يَخُوْضُوْا وَيَلْعَبُوْا حَتّـٰى يُلَاقُوْا يَوْمَهُـمُ الَّـذِىْ يُوْعَدُوْنَ 43- يَوْمَ يَخْرُجُوْنَ مِنَ الْاَجْدَاثِ سِرَاعًا كَاَنَّـهُـمْ اِلٰى نُصُبٍ يُّوْفِضُوْنَ 44- خَاشِعَةً اَبْصَارُهُـمْ تَـرْهَقُهُـمْ ذِلَّـةٌ ۚ ذٰلِكَ الْيَوْمُ الَّـذِىْ كَانُـوْا يُوْعَدُوْنَ ترجمعہ 42- انھیں ان کی حالت پر چھوڑ دے، تاکہ وہ اپنے باطل میں غوطہ زن رہیں اور کھیل کود میں لگے رہیں ، یہاں تک کہ وہ اپنے یوم موعود سے ملاقات کریں۔ 43- وہی دن جب وہ اپنی قبروں سے تیزی کے ساتھ نکلیں گے، گویا وہ اپنے بتوں کی طرف دوڑ رہے ہیں۔ 44- درآنحالیکہ ان کی آنکھیں شدت وحشت سے نیچے کی طرف جھکی ہوئی ہوں گی اور ذلت و خواری کے پردہ نے انھیں ڈھانپ رکھا ہوگا (اور ان سے کہا جائےگا) یہ وہی دن ہے، جس کا تمھیں وعدہ دیا جاتا تھا۔

گویا اپنے بتوں کی ظرف دوڑ رہے ہیں

تفسیر گویا اپنے بتوں کی طرف دوڑ رہے ہیں ان آیات میں جو سُورہ معارج کی آخری آیات ہیں۔ ہٹ دھرم، ٹھٹھہ کرنے والے اور سخت کافروں کو انڈار و تہدید کے عنوان سے فرماتا ہے: "انھیں ان کی حالت پر چھوڑ دے، تاکہ وہ اپنے باطل مطالب میں ڈوبے رہیں اور کھیل کود میں ڈوبے رہیں یہاں تک کہ وہ اپنے یوم موجود سے ملاقات کریں"(فذرھم یخوضوا و یلعبوا حتٰی یلا قوا یومھم الذی یوعدون)۔ ؎1 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ؎ 1 "یخو ضوا" "خوض" (بروزن خوض) کے مادہ سے اصل میں پانی چلے کے معنی میں ہے۔ اس کے کہنا یہ کے طور پر ان سوارو میں جہاں انسان باطل مطالب میں غوطہ زن ہو، استعمال ہوا ہے۔ ــــــــــــــــــــــــــــــــــــــــــــــــــــــــــــــــــــــــــــ اس سے زیادہ استدلال اور موعظہ کی ضرورت نہیں ہے، وہ نہ تو اہل منطق ہیں اور نہ ہی بیدار ہونے کے لیے آمادگی رکھتے ہیں ، چھوڑو انھیں وہ اپنی باطل اور بےہودہ باتوں میں غوطہ زن ہیں اور بچوں کی طرح کھیل کود میں لگے رہیں،یہاں تک کہ ان کا موعود دن ، قیامت کادن آن پہنچے اور وہ ہر چیز کو اپنی انکھ سے دیکھ لیں ۔ یہ آیت اسی تعبیر کے ساتھ اور کسی قسم کی تبدیلی کے بغیر سورہ زخرف کی آیہ 83 میں بھی آئی ہے۔ اس کے بعد اس موعود دن کا تعارف کراتے ہوئے اس وحشت ناک اور ہولناک دن کی نشانیاں بیان کرتا ہے، اور فرماتا ہے، وہی دن جس میں وہ اپنی قبروں سے تیزی کے ساتھ خارج ہوں گے اور اس طرح تیزی سے چل رہے ہوں گے، گویا کہ وہ اپنے بتوں کی طرف جا رہے ہیں" (یوم یخر جون من الاجداث سراعًا کانھم الٰی نصب یوفضون)۔ کیسی عجیب تعبیر ہے ؟ قیمت میں ان کی حاکت کی کیفیت کی، جبکہ وہ تیزی کے ساتھ دادگاہ عدل الٰی کی طرف چل رہے ہوں گے ان کے کسی جشن یا عزا کے دن بتوں کی طرف ، ہجوم کرنے کی ساتھ تشبیہ دی گئی ہے، لیکن وہ کہاں اور یہ کہاں؟ اور حقیقت میں یہ ان بےہودہ عقائد کے بارے میں ، جو وہ دنیا میں رکھتے تھے، ایک تنسخر اور استہزاء ہے۔ اجداث" "جدث" (برزن عبث) کی جمع ہے جو "قبر" کے معنی میں ہے۔ "سراع""سریح" کی جمع ہے (جیسے ظراف و ظریف) اس شخص یا چیز کے معنی میں ہے، جو جلدی سے چلے۔ "نصب""نصیب" کی جمع ہے اور وہ بھی بعض کے قول کے مطابق "نصب"(بروزن مقف) کی جمع ہے، یہ اصل میں اس چیز کے معنی میں ہے جو کسی جگہ نصب ہوئی ہو اور ان بتوں کو بھی کہتے ہیں، جنھیں ایک پتھر کے ٹکڑے کی صورت میں کسی جگہ نصب کرکے اس کی پرستش کرتے تھے، اور اس کے اوپر قربانی کرکے اس کا خون اس پر ڈال دیتے تھے اور اس میں اور "صنم" میں یہ فرق تھاکہ "صنم" تو وہ بت تھا، جس کی کوئی خاص شکل و صورت ہوتی تھی، لیکن "نصب" پتھر کے ایسے ٹجڑے ہوتے تھے جن کی کوئی شکل و صورت نہیں ہوتی تھی جن کی وہ کسی سبب سے پرستش کرتے تھے، جیسا کہ سورہ مائدہ کی آیہ 3 میں آیا ہےکہ وہ حرام گوشتوں میں سے اس جانور کے گوشت کو بھی شمار کرتے تھے جو ان بتوں پر ذبح ہوتے تھے(وما ذبح علی النصب)۔ "یوفضون""فاضہ" کے مادہ سے، تیز چلنے کے معنی میں ہے، پانی کے چشمہ سے چلنے کی تیزی سے مشابہ۔ بعض نے یہ بھی کہا ہے کہ زیر بحث آیت میں نصب سے مراد وہ پرچم ہیں جنھیں لشکروں یا قافلوں کے درمیان کسی ایک جگہ نصب کر دیتے ہیں اور ہر شخص تیزی سے اپنے آپ کو ان تک پہچتا ہے، لیکن پہلی تفسیر زیادہ مناسب نظر آتی ہے۔ ــــــــــــــــــــــ اس کے بعد دوسری نشانیاں پیش کرتے ہوئے مزید کہتا ہے: "یہ اس حالت میں ہوگا کہ ان کی آنکھیں ہول اور وحشت کی وجہ سے نیچے کی طرف جھکی ہوئی ہوں گی اور وہ خضوع کے ساتھ دیکھ رہے ہوںگے " (خاشعۃ ابصارھم)۔ "اورذلت و خواری کے پردہ نے انھیں ڈھانپ رکھا ہوگا"(ترھقھم ذلۃ)۔ ؎ 1 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ؎ 1 "ترھقھم" "رھق" (بروزن سفق) کے مادہ ہے، جبری طور پر ڈھانپنے کے معنی میں ہے۔