1. World: The world is made up, for the most, of fools and knaves, both irreconcilable to Truth. First being slaves to a blind credulity (bigotry), the last, too jealous of that power. They have usurped over folly and ignorance of others which the establishment of the empire of reason would destroy (in resurrection). 2. Contact with the world either breaks or hardens the heart (hence be disinterested in worldly affairs). 3. The life of the mere votary of the world is, of all others, the most uncomfortable for which is his god, does not always favour him, and which should be never. 4. To understand the world is wiser than condemn it. To study the world is better than to shun it. To use the world (to eternal end) is nobler than to abuse it. 5. Buying, possessing, accumulating (for the future state) merely with a view to secure Divine Will is not worldliness but to do it for the love of the world is bad. 6. Never forget to thank God for His countless bounties by acting on Godly ways in all walks of life. Get attached to Divine refuge in preference to be far away from Him. 7. Of all duties, love for truth with faith and constancy in its ranks first and highest. To serve God and love truth are one and the same, i.e. why it is said, “Peace if possible, but Truth, at any rate, c.f. “Lives of Ali and Hussain.”

حرم امن!

گزشہ آیات میں بھی مشرکین کے اس بہانے کی طرف دوسری صورت سے اشارہ ہو ا تھا کہ : ” ہم اس با ت سے ڈرتے ہیں کہ اگرہم اظہار ایمان کردیں اور ا س کے ساتھ ہجرت کریں تو ہماری زندگی تو مختل ہو جائے گی “ قرآن میں ان کے اس بہانے کا مختلف طریقوں سے جواب دیاگیا ہے ۔ زیر بحث آیات میں انھیں ایک اور طریقے سے جواب دیاگیاہے . خدا فرماتا ہے : کیا انھوں نے نہیں دیکھا کہ ہم نے ان کے لیے حرم امن قرار دیاہے . ( یعنی سرزمین پاک و مقدس مکہ ) : اولم یرو واانا جعلنا حرما امنا ) ۔ جب کہ سارے عرب بدامنی کی حالت میں زندگی بسر کررہے ہیں . ” اس سرزمین سے باہر انسانوں کو اٹھا کے لے جاتے ہیں “ . ہر طرف قتل و غارت کا بازار گرم ہے مگر اس سر زمین میں بیک حا ل امن و امان برقرار رہتا : ( و یتخطف الناس من حو لھم ) ۔ وہ خد اجو اس امر پرقادر ہے کہ حجاز کے اس بحر متلاطم وطوفان نی میں حرم مکہ کو آرام وامن کے ایک جزیرہ کی مانند بنادے ، تو کیا اس میں اتنی قدرت نہیں ہے کہ انھیں دشمنوں سے محفوظ رکھے ؟ وہ لوگ خدائے قادر و توانا کے مقابلے میں ان ضعیف و باتوان لوگوں سے کیوں ڈرتے ہیں ۔ کیااس کے باوجود وہ باطل پرایمان رکھیں گے اور خدا کی نعمت کاانکار کرتے ہیں گے : ( افبالبا طل یئو منون و بنعمة اللہ یکفرون ) ۔ مختصر با ت یہ ہے کہ جو خدا اس امر پر قادر ہے کہ ایک پرفساد ملک مین جہاں نیم و حشی لوگ آباد ہیں ، ایک چھوٹے سے علاقے کوجائے امن قرار دے دے . کیا وہ یہ نہیں کرسکتا ہے کہ کافروں اور بے ایمان لو گوں میں مومنین کو آفات سے محفوظ رکھے ۔ قرآن میں اس روشن دلیل کے ذکر کے بعد بطور استقرء ایک کلیّہ قائم کیاگیا ہے : آیاان لوگو ں سے بھی زیادہ ظلم کوئی ہے جو خدا پر بہتان باندھتے ہیں . یاجب حق ان کے پاس آتاہے تواس کاانکار کرتے ہیں . ( ومن اظلم ممن افتری علی اللہ کذبااو کذب بالحق لما جائہ)۔ ہم نے تمہارے لیے اس امر کی واضح دلائل قائم کردی ہیں کہ اللہ کے سوا کوئی اورعبادت کے لائق نہیں ہے . مگر تم تو خدا پر بہتان لگاتے ہو اور اس کے لیے شریک بنالیتے ہو . یہا ں تک اپنے اس کفر و شرک کے لیے یہ دعوی کرتے ہو کہ یہ سب کچھ بھی رضائے الہٰی سے ہو رہاہے ۔ دوسری بات یہ ہے کہ ہم نے تم پر قرآن نازل کیاجس میں حق کے دلائل واضح اور روشن ہیں . لیکن تم ان چیزوں سے قطع نظر کے انھیں پس پشت ڈال دیتے ہو . کیا اس سے بھی بڑا کوئی ظلم و ستم متصور ہو سکتا ہے ۔ یہ شیوہ اپنے اوپر اور تمام بنی نوع انسان پرظلم ہے کیونکہ شرک اورکفر ظلم عظیم ہے ۔ یہ الفاظ دیگر وسیع معنی کے لحاظ سے ظلم کا مفہوم یہ ہے کہ ” کسی چیز کو اس کے مناسب مقام سے نکالنا اور منحرف کردینا “ اس لحاظ سے ... کیا اس سے بھی بدترین کوئی بات ہو سکتی ہے کہ انسان ایک بے حقیقت پتھر اورلکڑی کوخالق زمین و آسمان کا شریک و سہیم بنادے ۔ علاوہ ازیں شرک جملہ معاشرتی مفاسد کی بنیاد ہے . درحقیقت دوسرے مظالم اسی سے پیدا ہوتے ہیں مثلا ہو ا پر ستی جاہ پرستی یادنیا پرستی . ان میں سے ہرایک ایک قسم کاشرک ہے ۔ لیکن ہرشخص متنبہّہ رہے کہ ” ایک نامبارک انجام “ مشرکین کے انتظار میں ہے . کیا کافرورں کامقام و محل دوزخ نہیں ہے :( الیس فی جھنم مثوی للکافرین ) ۔ یہ امر قابل توجہ ہے کہ قرآن مجید میں پندرہ مقامات پرجن لوگوں کوظالم ترین افراد کہاگیا ہے ، ان سب کا ذکر جملہ استفہام میہ سے کیاگیا ہے . یعنی ” من الظلم “ ( یہ استفہام انکار ی ہے ) ۔ ان آیات میں غور و فکر سے یہ واضح ہوتا ہے کہ اگرچہ بظاہران میں مختلف مسائل بیان ہوئے ہیں مگر دیکھاجائے توان سب کی بنیاد شرک ہے . اس لیے ان میں کوئی تضاد نہیں ہے ۔ مزید و ضاحت کے لیے جلد پنجم میں سورہ انعام آیت ۲۱ کے تحت دیکھئے : زیرنظر آیات میں سے آخری آیت میں جس پر سورہ منکبوت کااختتا م ہوتا ہے ،ایک اہم حقیقت کو بیان کیاگیا ہے . جو اس تما م سورت کاجو ہر ہے اوراس کے آغاز سے ہم آہنگ ہے ۔ فرمایاگیاہے اگرچہ راہ خدامیں بہت سی مشکلات ہیں . ایک دشواری حق کو پہچاننے کی جہت سے ہے ۔ شیاطین جن وانس کے وسوسوں کے لحاظ سے بھی دشوار ی ہے . بے رحم اورمغرور دشمنوں کی مخالفت بھی ایک دشوار ی ہے ۔ علاوہ بریں وہ لغرشیں بھی ایک مشکل ہیں جن کا انسان سے سرزد ہوناممکن ہے .لیکن اس مقام پر ایک ایسی حقیقت بھی ہے جو ان مشکلات کے مقابلے میں دل کوا طمینان بخشتی اور قو ی رکھتی ہے اور وہ یہ ہے کہ ” جولوگ ہماری راہ میں جہاد کرتے ہیں ہم انھیں اپنے راستوں کی طرف ہدایت کرتے ہیں اورخدا نیکوکاروں کے ساتھ ہے “ : (والذین جاھدو فینا لنھد ینھم سبلنا وان اللہ لمع المحسنین ) ۔ اب رہا یہ مسئلہ کہ اس مقام پر کلمہ ” جہاد “ سے کیا مراد ہے ؟ آیا اس سے مراد ” جہاد بادشمن ہے “ یاجہاد بالنفس ؟ یاجہاد در راہ معرفت خدا “ بذریعہ علم واستد لال ہے ۔ مفسرین نے اس کے مفہوم کے لیے متعدد احتمالات کاذکر کیاہے . ا سی طرح کلمہ ” فینا “ کی تعبیرات میں بھی اختلاف ہے آیااس سے مراد ” راہ رضائے الہٰی “ ہے ؟ یاراہ جہاد بالنفس مراد ہے ؟ یہ طریقہ عبادت مراد ہے ؟ یادشمنان اسلام سے جنگ کرنا مراد ہے ؟ لیکن ... یہ ایک روشن امر ہے کہ کلمہ ” جہاد “ اوراسی طرح کلمہ ” فینا“ کامفہوم نہایت وسیع ہے اوراس کا اطلاق ہمہ جہت ہے . وہ تمام کوششیں اور ہر قسم کا جہاد جوراہ خدا میں صرف اس کی رضاکے لیے کیاجائے اورجس کی غایت یہ ہو کہ انسان منشائے الہٰی کے تحت زندگی بسر کرے ، اس مفہوم میں شامل ہیں . خواہ انسان اکتساب معرفت الہٰی کی راہ میں وشش کر ے یااپنے نفس سے جہاد کرے یادشمنان اسلام سے جنگ کرے یا اطاعت الہٰی کی مشقت کو برداشت کرے یا وسوسٴہ معصیت کے مقابلہ میں استقامت اختیار کرے یااپنی توانائی مستضعف افراد کی مدد کرنے میں صرف کرے یا کوئی اور نیک کام کرے . غرض سب باتیں کلمات ” جہاد “ اور” فینا “ کے مفہوم میں شامل ہیں ۔ الغرض جولوگ مذکورہ راہوں میں جس شکل و صورت سے بھی مجاہدہ کرتے ہیں خدا کی حمایت و ہدایت انکے شامل حال رہتی ہے ۔ جوکچھ ہم نے بیان کیاہے اس سے ضمنا یہ بھی واضح ہوتاہے کہ آیت میں کلمہ ” سبل “ ( جمع سبیل بمعنی راہ ) سے مراد مختلف راستے ہیں ، جو خدا تک پہنچتے ہیں . یعنی جن کی غایت رضائے الہٰی ہے مثلا : راہ جہاد بالنفس ،راہ جہاد بادشمنان اسلام ،راہ تحصیل علم ودانش غیرہ .خلاصہ کلام یہ ہے کہ ان مقاصد میں سے انسان کسی مقصد کے لیے بھی جہاد کرے تو وہ ا س رہ پر گام زن ہو جاتا ہے جو خداتک پہنچتی ہے ۔ خدانے اپنی راہ کے تمام مجاہدہ ین سے یہ دعوہ کیا ہے . تو اس وعدہ کو مختلف تاکید ات سے ( مثلا : لام تاکید اور نون تاکید ثقیلہ سے ) مئو کدّ کیا ہے اورانسان کی کامیابی ، ترقی اروحصول مقامات روحانی کودوچیزوں میں ( محصور کردیا ہے اوروہ ہیں ” جہاد “ اور ” خلوص نیت “ ۔ کچھ فلاسفہ کاعقیدہ ہے کہ ” تفکر اور مطالعہ “ سے علم و دانش حاصل نہیں ہوتی . بلکہ یہ ورزش ذہنی انسان کی روح کو ” صور معقولات “ کے قبول کرنے کے لیے تیار کردیتی ہے اور جس وقت انسان کی روح انھیں قبول کرنے کے لیے آمادہ ہو جاتی ہے تو خالق متعال و واہب الصور کی جانب سے انسان کی روح پر فیض علم کی بارش ہوتی ہے ۔ اس بناء پر انسان کو اس راہ میں جہاد توضرو ر کرنا چاہیئے لیکن ہدایت خداکے اختیار میں ہے . نیز حدیث میں یہ جووار د ہوا ہے کہ : حصول علم کاانحصار تعلیم کی کثرت پرنہیں ہے بلکہ علم ایک نور ہے کہ خدا جس قلب کواہل اورمناسب حال سمجھتا ہے اس میں و دیعت کردیتا ہے ۔ ممکن ہے کہ اس کا اشارہ بھی ہمارے بیان کردہ مفہوم کی طرف ہو ۔

۲۔ لوگ تین قسم کے ہیں

۱۔ ایک گروہ ہٹ دھرم منکرین کا ہے کہ کوئی ہدایت بھی ان کے لئے سود مند نہیں ہے ۔ ۲۔ دوسرا گروہ ان مخلصین کا ہے جو حق کی جستجو میں رہتے ہیں اور نتیجتا حق کو پالیتے ہیں ۔ ۳۔ تیسرا گروہ ان سے بھی برتر ہے . وہ لو گ حق سے دور نہیں ہیں کہ کو شش کے نزدیک ہوں . وہ حق سے جدا نہیں ہیں کہ کوشش کرکے اس سے جاملیں بلکہ وہ ہمیشہ حق کے ساتھ ہیں ۔ آیت ۶۸ میں ” ومن اظلم ممن افتری “ کا اشارہ گروہ اول کی طرف تھا . اور ۔ آیت ۶۹ میں ” والذین جاھدوا فینا “ سے فروہ دوم مراد ہے . اوراسی آیت ” میں ان اللہ لمع المحسنین “ سے گروہ سوم کے لیے ہے .ان الفاظ سے یہ مفہوم بھی اخذ ہوتا ہے کہ ” محسنین “ کامقام مجاہدین سے ارفع ہے . کیونکہ یہ لوگ جہاد اوراپنی نجات کے لیے کوشاں ر ہنے کے علاوہ مقام ایثار و احسان پربھی فائز ہیں اور دوسروں کے لیے اپنے آپ کوخطرات میں ڈالنے سے پہلو تہی نہیں کرتے ۔ اے پروردگار ! توہمیں ایسی توفیق عنایت فرماکہ تمام عمر تیری راہ میں سعی و کوشش سے دست برادرنہ ہوں ۔ خدا وندا ! . .. توہمیں ایسا اخلاص مرحمت فرماکہ ہمیں تیرے سوا کسی غیرکا خیال بھی نہ آئے اورکسی غیر کی طرف ہمارا قدم نہ اٹھے ۔ بار الہٰا ! تو ہمارا مقام مجاہدین سے بلند کردے اورہمیں محسنین کے مقام احسان و ایثا ر پرفائز کردے اور تمام عمر تو ہمارے سروں پراپنی ہدایت کاسایہ رکھ . آمین یارب العالمین ۔

شان نزول

تفسیر” درالمنثور “ میں زیر بحث آیت کے متعلق ابن عباس سے یہ روایت منقول ہے ۔ مشرکین کے ایک گروہ نے رسول اللہ صلی اللہ علیہ و آلہ وسلم سے یہ کہا : ہم آپ کے دین میں اس وجہ سے داخل نہیں ہوتے کہ ہم ڈرتے ہیں کہ لوگ ( مخالفین ) ہمیں اٹھاکرلے جائیں گے ( اور جلد ہی موت کے گھاٹ اتار دیں گے کیونکہ ہماری تعداد کم ہے . اور مشرکین عرب کی جمعیت زیادہ ہے . جیسے ہی انھیں یہ اطلاع ملے گی کہ ہم نے آپ کادین قبول کرلیاہے تو وہ ہمیں اٹھا کر لے جائیں گے ہم ان میں سے صرف ایک ہی شخص کو خوراک ہیں ۔

۱۔ جہاد و اخلاق

آیات ماقبل سے یہ مطلب بخوبی اخذ ہوتاہے کہ ہمیں جو بھی شکست و ناکامی پیش آتی ہے ، وہ ان دو اسباب میں سے کسی ایک کی وجہ سے ہوتی ہے . یاقوم ہم نے جہاد میں کوتاہی کی ہے یاہمارے عمل میں خلوص نہ تھا . اگر یہ دونوں شرائط ( جہاد و اخلاص ) باہم ہو جائیں تواللہ کے تاکید ی وعد ے کے مطابق ان کے لیے مقاصد میں کامیابی اورصراط مستقیم کی طرف ہدایت یقینی ہے ۔ اگرہماری منہاج فکردرست ہو تو ہم اسلامی معاشروں کو پیش آنے والی مشکلات اور مصائب کے اسباب معلوم کرسکتے ہیں اورجان سکتے ہیں کہ جو مسلمان کل تک رہنمائے عالم تھے ، آ ج پس ماندہ کیوں ہوگئے ہیں ؟ و ہ زندگی کے ہر پہلو یہاں تک کہ ثقافت ، کلچر اوراپنے قوانین کے لیے بھی دوسروں کی طرف دست نیاز کیوں دراز کرتے ہیں ؟ وہ سیاسی طوفانوں اور بیرونی جی حملو ں کی صورت میں دوسروں پربھروسہ کیوں کرتے ہیں ؟ ایک وقت وہ تھا کہ دوسرے ان کے خوان علم و ثقافت کے ریزہ چیں تھے . اور آج و ہ دوسروں کے دستر خوان سے رافع احتیاج کرتے ہیں ۔ وہ کیوں اغیار کے دست ہوس میں گرفتار ہیں اوران کے ملک دوسروں کے تصرف میں کیوں ہیں ؟ ان تمام سوالات کا ایک ہی جواب ہے وہ یہ کہ توہم نے جہاد کو فراموش کردیا ہے یا ہماری نیتوں خلو ص باقی نہیں رہا ۔ ہاں ... بالکل درست ہے کہ علمی و ادبی ، سیاسی واقتصادی اورفوجی محاذوں پر ہم نے جہاد کو قطعی فرموش کردیاہے .ا س کے بجائے مسلمانوں پر حب نفس ، دنیا کی محبت ، راحت طلبی خیالی اوراغراض شخصی غالب آگئی ہیں .یہاں تک کہ ان کے اپنے ہاتھ کے مقتولین کی تعداد اس سے کہیں زیادہ ہے جتنی کہ دشمن نے قتل کی ہے ۔ ایک مغرب زدہ یامشرق گروہ ہے جس نے اپنی عزت نفس اوراپنی خودی کوا ن اقوام کے مقابل ہاردیاہے . اسلامی ممالک کے صاحبان اقتدار اور رہنمایان قوم نے اپنے . آپ کوغیراقوام کے ہاتھ فروخت کردیا ہے ۔ اہل دانش اورصاحبان فکر و تدبیرنے نے مایوس ہو کر خلوت نشینی اختیار کرلی ہے . ان سب اسباب نے جذبہٴ جہاد اور اخلاص کو محور کردیا ہے ۔ جس وقت بھی ہمارے اندر تھوڑا سااخلاص بھی پید ا ہو جائے گا ارو ہمارے مجاہدین میں حرکت عمل پیدا ہو گی تو یکے بعد دیگر کامیابیاں حاصل ہوتی جائیں گی . غلامی کو زنجیر یں ٹوٹ جائین گی . مایوسیاں امید سے اور ناکا میابی سے ،ذلت عزّت و سربلند ی سے ، انتشار ونفاق و حد ت تنظیم باہمی سے بد جائے گی ۔ قرآن کتنا باعظمت والہام بخش ہے کہ اس نے ایک مختصر جملے میں درد و درمان دو نوں کو بیان کردیا ہے ۔ در ست ہے کہ جو لوگ راہ خدامیں جہاد کرتے ہیں ہداایت ِ الہٰی ان کے شامل حال رہتی ہے اور یہ بدیہی ہے کہ ہدایت الہٰی کے ہوتے ہوئے گم راہی اور شکت کبھی پیش نہیں آسکتی ۔ اہل بیت علیہ السلام کی بعض روایا ت سے معلوم ہوتا ہے کہ اس آیت کا مرجع آل محمد صلی اللہ علیہ و آلہ وسلم اور ان کے پیروہیں . تودر حقیقت وہ اس مفہوم کے مصداق کامل ہیں کیونکہ یہ حضرات طریق ِ جہاد اورراہ اخلاص میں پیش قدم اور پیش رو تھے . اس تفسیر سے آیت کامفہوم محدود نہیں ہوتا ۔ بہرحال ہر شخص اپنی جدو جہد کے دوران میں اس حقیقت قرآنی کو واضح طو ر پر محسوس کرتا ہے کہ جس وقت بھی وہ راہ خدا میں س عی و کوشش اور جہاد کے لیے آمادہ ہوتا ہے تواس کے لیے آسانیوں کے درواز ے کھل جاتے ہیں اور مشکلا ت آسان ہو جاتی ہیں اوراس کے لیے سختیاں قابل تحمل ہو جاتی ہیں اوروہ ان پر غالب آجاتا ہے ۔

سوره عنکبوت / آیه 67 - 69

67 .اٴَ وَ لَمْ یَرَوْا اٴَنَّا جَعَلْنا حَرَماً آمِناً وَ یُتَخَطَّفُ النَّاسُ مِنْ حَوْلِہِمْ اٴَ فَبِالْباطِلِ یُؤْمِنُونَ وَ بِنِعْمَةِ اللَّہِ یَکْفُرُونَ ۔ 68.وَ مَنْ اٴَظْلَمُ مِمَّنِ افْتَری عَلَی اللَّہِ کَذِباً اٴَوْ کَذَّبَ بِالْحَقِّ لَمَّا جاء َہُ اٴَ لَیْسَ فی جَہَنَّمَ مَثْویً لِلْکافِرینَ ۔ 69. وَ الَّذینَ جاہَدُوا فینا لَنَہْدِیَنَّہُمْ سُبُلَنا وَ إِنَّ اللَّہَ لَمَعَ الْمُحْسِنینَ ۔ ترجمہ ۶۷۔ کیاانھوں نے نہیں دیکھا کہ ہم نے حرم کومقام امن بنایا ہے .درآں حالیک لوگ اس کے اطراف سے اچک لیے جاتے ہیں .کیا یہ لوگ باطل پر ایمان لاتے ہیں اورخدا کی نعمت کاانکار کرتے ہیں ؟ ۶۸۔ اس سے زیادہ ظالم کون ہے جوخدا پرجھوٹ باندھتا ہے یاجب اس کے سامنے حق بات آئے تواس کی تکذیب کرتا ہے ؟ کیاکافروں کا ٹھکانا جہنم نہیں ہے ؟ ۶۹۔ اورجن لوگوں نے ہماری راہ میں ( خلوص نیت کے ساتھ ) جہاد کیا ہم ضرور انھیں ہدایت کریں گے اورخدا تونیکو کاروں کے ساتھ ہے ۔

[Pooya/Ali Commentary 29:69] Aqa Mahdi Puya says: Allah is always with those who do good to others; and He guides those who strive in His way. This is the most promising assurance held out for those who sincerely strive in the way of Allah.