This is the most difficult period being first of Eternity and last of the world. When laid in the grave, four angels will appear standing: (1) in front, (2) right, (3) left, (4) at foot. They will say, (1) worldly period is passed, (2) property has disappointed and its evil effects have remained, (3) avocations have left and issues remain behind, (4) happy is the soul who earned honestly and engaged self in Divine Proximity.

آیت 26 تا 30

26- كَلَّآ اِذَا بَلَغَتِ التَّرَاقِيَ 27- وَقِيْلَ مَنْ ۜ رَاقٍ 28- وَظَنَّ اَنَّهُ الْفِرَاقُ 29- وَالْتَفَّتِ السَّاقُ بِالسَّاقِ 30- اِلٰى رَبِّكَ يَوْمَئِذٍ ِۨالْمَسَاقُ ترجمہ 26- اس طرح نہیں ہے، جب تک اس کی جان گلے تک نہ پہنچے، وہ ایمان نہیں لاۓ گا۔ 27- اور یہ کہا جاۓ گا: کیا کوئی ہے جو اس بیمار کو موت سے نجات دے ؟! 28- اور دنیا سے فراق کو یقین پیدا کرے۔ 29- اور پاؤں کی پنڈلیاں (جان کنی کی شدت سے)ایک دوسرے کے ساتھ پیچ کھائیں۔ 30- (ہاں) اس دن سب کا راستہ تیرے پروردگار (دادگاہ) کی طرف ہی ہوگا۔

موت کا دردناک لمحہ

ایک نکتہ موت کا دردناک لمحہ جیسا کہ ہم جانتے ہیں قرآن باربار موت کے مسئلہ کی بات کرتا ہے اور انسانوں کو خبردار کرتا ہے کہ ان کو اس قسم کا لمحہ درپیش ہے کبھی تو اسے "سکرۃ الموت" (موت کی حالت کی مستی اور تنگی) سے تعبیر کیا ہے۔ ؎ 1 اور کبھی "غمرات الموت" یعنی "موت کے شدائد" سے تعبیر کیا ہے۔ ؎2 کبھی "روھ کے حلق تک پہنچے" کی تعبیر کی ہے۔ ؎ 3 اور کبھی "روح کی تراقی تک پہنچے کی توبیر ہے، یعنی گلے کے گرد ہڈیوں تک۔" ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ؎1 وجاءت سکرۃ الموت بالحق۔ (ق ـــــــــــ 19) ؎2 سورہ انعام 93 ؎3 فلولا اذا بلغت الحلقوم ۔ (واقعہ ــــــــــــــ 83) ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ (زیرِ بحث آیات)۔ ان تمام باتوں سے اچھی طرح معلوم ہوجاتا ہے کہ وہ لمحہ ــــــــــ بعض مادئیین کے کہنے کے برخلاف ــــــــــــ سخت اور درد ناک لمحہ ہے اور ایسا کیوں نہ ہو کیونکہ وہ اس جہان سے دوسرے جہان کی طرف انتقال کا لمحہ ہوگا۔ یعنی جس طرح انسان کے عالم جنین (شکمِ مادر) سے عالمِ دنیا کی طرف انتقال کا لمحہ بہت زیادہ درد اور تکلیف وابستہ ہوتا ہے، دوسرے جہان کی طرف انتقال بھی طبعی طور پر ایسا ہی ہوگا۔ لیکن اسلامی روایات سے معلوم ہوتا ہے کہ یہ لمحہ سچے مومنین پر آسانی سے گزر جاۓ گا، جبکہ نے ایمان افراد کے لیے سخت دردناک ہوگا یہ اس بناء پر ہوگا کہ پروردگار کی لقاء اور اس کی بےپایاں رحمت اور نعمتوں کا شوق پہلے گروہ کو اس طرح اپنے آپ سے بے خود کردے گا کہ وہ انتقال کے لحمہ کی تکلیف کو محسوس ہی نہیں کرےگا۔ جبکہ دوسرے گروہ کے لیے سزا کی وحشت ایک طرف سے اور اس دنیا کے فراق کی مصیبت ، جس سے اس نے دل لگایا ہوا تھا، دوسری طرف سے دنیا کے انتقال کے لمحہ کی تکلیفوں کو کئی گنا کردےگا۔ ایک حدیث میں امام علی بن حسینؑ سے آیا ہے، جب آپ سے موت کے بارے میں سوال ہوا تو آپ نے فرمایا: "موت مومن کے لیے میلے کچیلے جوؤں سے بھرے لباس کو اتارنے اور سنگین اور وزنی طوق اور زنجیروں کو کھولنے، اور انھیں بہترین لباسوں ، خشبو ترین عطروں، تیز رو سواریوں اور مرفہ ترین مکانوں سے تبدیل کرنے کےمانندہے اور کافر کے لیے ایک فاخرہ لباس اتارنے، مرفہ مکانوں سے نقل مکانی کرنے اور اس کے کثیف ترین اور سخت ترین لباسوں،وحشت ناک ترین مکانوں اور عظیم ترین عذابوں میں بدل جانے کے مانند ہے"۔ ؎1 ایک اور حدیث میں امام صادق سے آیا ہے کہ ایک شخص نے آپ سے موت کی تعریف کرنے کی درخواست کی، تو آپ نے فرمایا: للمؤمن کالطیب ریح یشمہ فینعس لطیبہ و ینقطع التعب والا لم کلہ عنہ، وللکافر کلسع الا فاعی ولد غ العقارب اواشد! "مومن کے لیے تو بہت ہی خسبودار عطر کے مانند ہے ، جسے سونگھنے سے ننید کے مانند کیفیت اس پر طاری ہو جاتی ہے اور درد اور تکلیف کلی طور پر اس سے منقطع ہوجاتا ہے اور کافر کے لیے سانپوں اور بچھوؤں کے کاٹنے کی مانند ہے یا اس سے بھی زیادہ شدید"۔ ؎2 بہرحال موت عالمِ بقاء کے لیے ایک درچہ ہے، جیسا کہ ایک حدیث میں علیؑ سے آیا ہے کہ آپ نے فرمایا: لکل دار باب و باب دار الاٰخۃ الموت "ہر گھر کا ایک دروازہ ہوتا ہے اورآخرت کے گھر کا دروازہ موت ہے"؎3 ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ؎1 بحارالانوار ، جلد 6 ص 155 ؎2 وہی مدرک ، ص 156 ؎3 "شرع نہجالبلاغہ ابن ابی الحدید" جلد 20 ص 345 ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ہاں! موت کی طرف توجہ، شہوت کے توڑنے ، لمبی چوڑی آرزوؤں کو توڑنے ، اور آئینۂ دل سے غفلت کا زنگ اتارنے میں ایک گہرا اثر رکھتی ہے، اسی لیے ایک حدیث میں امام صادقؑ سے آیا ہے: "ذکرالموت یمیت الشھوات فی النفس و یقلع منابت الغفلۃ، ویقوی القلب بموا عداللہ و یرق لطبع ، و یکسرا علام الھوٰی ، ویطفئ نار الحرص ، ویحقر الدنیا ، وھو معنی ماقال البنی (ص) فکر ساعۃ خیر من عبادۃ سنۃ" "موت کی یاد انسان کے اندر سرکش شہوتوں کو مار دیتی ہے اور غفلت کی جڑوں کو دل سے اکھاڑ دیتی ہے، دل کو خدائی وعدوں کے ساتھ تقویت بخشتی ہے ، اور انسان کی طبیعت میں نرمی اور لطافت پیدا کرتی ہے ہواپرستی کی نشانیوں کوتوڑدیتی ہے،حرص کی آگ کوبجھادیتی ہے اوردنیاکوانسان کی نظروں میں حقیربنادیتی ہے اور اس بات کا مطلب جو پیغمبرؐ نے فرمائی تھی یہی ہے: ایک ساعت کی فکر ایک سال کی عبادت سے بہتر ہے"۔ ؎1 البتہ اس سے مراد غوروفکر کرنے کےایک واضح مصداق کو بیان کرنا ہے، نہ یہ کہ غوروفکر کرنے کو موضوع بس اسی میں منحصر ہے۔ اس سلسلہ میں ایک اور بحث جلد 22 ص 235 پر (سورہ ق کی آیہ 19 کے ذیل میں) گزر چکی ہے۔ ـــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ؎1 بحارالانوار جلد 6 ص 133

[Pooya/Ali Commentary 75:30] (see commentary for verse 27)