[Pooya/Ali Commentary 53:31]

٣۔"" خود ستائی اورتز کیہ نفس

اس کام کی برائی اس حد تک ہے کہ یہ مطلب ایک ضر المثل کی صورت اختیار کر گیاہے کہ:تز کیة المرء نفسہ قبیحہ خود ستائی قبیح اور ناپسند یدہ کام ہے۔ اس ناپسند عمل کا اصلی سرچشمہ اپنے اپ کوناپہچاننا ہے ، کیونکہ اگرانسان اپنے آپ کواچھی طرح پہچان لے، پروردگارکی عظمت کے مقابلہ میں اپنے چھوٹے پن کو، اوراپنے ذمہ سنگین ذمہ داریوں کے مقابلہ میں اپنے اعمال کے ناچیز ہونے کو، اور ان عظیم نعمتوں کوجوخدا نے اُسے بخشی ہیں جان لے ،توپھروہ ہرگز خودستائی کی راہ میں قدم نہیں رکھے گا ۔ غروروغفلت ،اورخود کوبڑا سمجھنا، اورزمانہ جاہلیت کے افکار بھی اس قبیح کام کے لیے دوسرے اسباب ومحرکات ہیں ۔ خودستائی چونکہ اپنے کامل ہونے کے عقیدہ کوبیان کرتی ہے ،لہٰذا پیچھے رہ جانے اور پسماندگی کا سبب بن جاتی ہے ،کیونکہ تکامل وارتقاء کارمزاپنی تقصیر وکوتاہی کا اعتراف، اورنقائص اورکمزوریوں کے وجود کوقبول کرناہے ۔ اسی بناپر اولیائے خداہمیشہ خدائی وظائف اورذمہ داریوں کے مقابلہ میں اپنی تقصیر وکو تاہی کے معترف رہتے تھے اورلوگوں کوخود ستائی اوراپنے اعمال کوبڑا سمجھنے سے منع کیا کرتے تھے ۔ ایک حدیث میں امام باقر علیہ السلام سے زیربحث آیت (فلا تز کواانفسکم) کی تفسیر میں آیاہے : لایفتخرا حد کم بکثرة صلاتہ وصیامہ وزکوٰتہ ونسکہ لان اللہ عزوجل اعلم بمن اتقیٰ: تم میں سے کوئی بھی شخص اپنی نماز وروزہ زکوٰة اورمناسک حج وعمرہ کے زیادہ ہونے پرفخر نہ کرے کیونکہ خداتم میں سے پرہیزگاروں کوسب سے بہتر جانتاہے(۱) ۔ امیر المؤ منین علیہ السلام ،معاویہ کے نام اپنے ایک خط میں،جس میں بہت ہی اہم مسائل تحریر کئے تھے ،فرماتے ہیں: ولولا مانھی اللہ عنہ من تزکیة المرء نفسہ لذ کرز اکرفضائل جمة ،تعرفھا قلوب المؤ منین ، ولا تمجھااٰذان السامعین اگر یہ بات نہ ہوتی کہ خدانے خود ستائی سے منع کیاہے،توبیان کرنے والا اپنے بہت سے ایسے فضائل کوشمار کرتاجن سے آگاہ مؤ منین کے دل آشنا ہیں اور سننے والوں کے کانوںکوان کے سننے سے انکار نہیں ہے ، (بیان کرنے والے سے مراد خودامام علیہ السلام ہیں)(۲) ۔ اس سلسلہ کی ایک تفصیلی بحث جلد ٣سورئہ نساء کی آ یت ٤٩ کے ذیل میں بھی آچکی ہے ۔ یہاں یہ بات واضح کئے بغیر نہیں رہا جاسکتا کہ بعض اوقات ضرور تیں اس بات کاتقاضا کرتی ہیں کہ انسان اپنے تمام امتیازات وخصوصیات کے ساتھ جواس میں پائی جاتی ہیں اپناتعارف کرائے کیونکہ اس کے بغیر مقدس اہداف ومقاصد پامال ہوجاتے ہیں اس قسم کی باتوں اورخودستائی اور تز کیہ نفس کے درمیان بہت زیادہ فرق ہے ۔ اس بات کانمونہ امام سجاد علیہ السلام کامسجد (دمشق) کاوہ خطبہ ہے ،جبکہ آپ یہ چاہتے تھے کہ اپنااوراپنے خاندان واہل بیت کا شام کے لوگوں میں تعارف کرائیں تاکہ شہدائے کربلا خارجی ہونے کے سلسلہ میں بنی امیہ کاسازشی منصوبہ ناکام ،اوران کے شیطانی منصوبے نقش برآب ہوجائیں ۔ ایک روایت میں امام صادق علیہ السلام سے بھی منقول ہواہے کہ جب لوگوں نے آپ سے خودستائی اوراپنی تعریف آپ کرنے کے بارے میںسوال کیا توآپ علیہ السلام نے فرمایا: بعض اوقات کچھ ضرورتوں کی وجہ سے لازمی ہوجاتی ہے ۔ اوراس کے بعد آپ علیہ السلام نے ابنیاء کے کلام سے دومواقع جوقرآن میں آ ئے ہیں، استد لال میں پیش کئے ۔ پہلے یوسف علیہ السلام جنہوں نے عزیز مصر کو یہ تجویز پیش کی ،کہ وہ انہیں ملک مصر کاخزانہ دار بنائے ،توانہوں نے کہا: انی حفیظ علیم( یوسف۔ ٥٥) ۔ میں ایک آگاہ اورصاحب علم نگہبان ہوں۔ اور دوسراخدا کے عظیم پیغمبرھود کے بارے میں جنہوںنے اپنی قوم کومخاطب کرتے ہوئے فرمایا: انا لکم ناصح امین(اعراف،٦٨) ۔ میں تمہارے لیے امین خیر خواہ ہوں۔ ۱۔ "" نوالثقلین""جلد٥،صفحہ ١٦٥۔ ۲۔نہج البلاغہ خط ٢٨۔

٢۔ کبائر الاثم کیاہے؟

گناہان ِ کبیرہ کے بارے میں جس کی طرف چند آ یاتِ قرآن میں اشارہ ہواہے (۱)ایک طرف تومفسرین نے اور دوسری طرف فقہ اورمحدثین نے بہت اختلاف کیاہے ۔ بعض توسب گناہوں کوہی کبیرہ کہتے ہیں ،کیونکہ خداتعالیٰ کے مقابلہ میں ہرگناہ بڑا ہے ۔ جب کہ بعض دوسروں نے کبیرہ اورصغیرہ کوایک امرنسبتی گرداناہے ،اوروہ ہرگناہ کوزیادہ اہم گناہ کے مقابلہ میں صغیہ سمجھتے ہیں، اور چھوٹے گناہ کی نسبت کبیرہ جانتے ہیں ۔ بعض نے کبیرہ ہونے کامعیار، اس کے لیے متن قرآن میں عذاب الہٰی کوسمجھاہے ۔ بعض اوقات یہ بھی کہاگیاہے، کہ وہ ہرگناہ گناہ کبیر ہے ،جس کے لیے شرعی حد جاری ہوتی ہے ۔ لیکن سب سے بہتر بات یہ ہے ،کہ یہ کہاجائے ، کہ اس بات کی طرف توجہ کر تے ہوئے،کہ کبیرہ کی تعبیر عظمت گناہ کی دلیل ہے،لہٰذا ہروہ گناہ جس میں ذیل کی شرائط پائی جاتی ہوں ،گناہ کبیرہ شمار ہوگا: ١لف:وہ گناہ جواہل شرعی کی نظرمیں اور روایات کی زبان میں کبیرہ کہے گئے ہیں ۔ ب:وہ گناہ جومنابع شرعی میں ان گناہوں سے بڑے شمار ہوئے ہیں جو کبائر کاحصہ ہیں ۔ ج: وہ گناہ جومنابع شرعی میں ان گناہوں سے بڑے شمارہوئے ہیں جو کبائر کاحصہ ہیں۔ د:اور آخر میں وہ گناہ جن کے کبیرہ ہونے کی معتبر روایات میں تصریح ہوئی ہے ۔ اسلامی روایات میں کبائر کی تعداد مختلف بیان کی گئی ہے ، بعض میں ان کی تعداد سات گناہ ہیں،(قتل نفس، عقوق والدین ، سُود خوری ،ہجرت کے بعد دار الکفر کی طرف پلٹ جانا، پاک دامن عورتوں کی طرف زنا کی نسبت دینا ، یتیم کامال کھانا، اور جہاد سے فرار کرنا(۲) ۔ اوربعض دوسری روایات میں اس کی تعداد ، اس فرق کے ساتھ ،سات گناہ شمارہوئی ہے ،کہ عقوق والدین کی جگہ کلما اوجب اللہ علیہ النار(ہروہ گناہ جس پرخدا نے جہنم واجب کی ہے)ذکر ہواہے ۔ بعض دوسری روایات میں اس کی تعداد دس شمارہوئی ہے ،اور بعض میں انیس ،اوربعض میں بہت زیادہ تعداد نظر آتی ہے(۳) ۔ کبائر کی تعداد کے شمار کرنے میں یہ فرق اس بناپر ہے ، کہ تمام گناہان کبیرہ بھی یکساں نہیں ہیں، بلکہ ان میں سے بعض زیادہ اہمیت کے حامل ہیں ،دوسرے لفظوں میں وہ اکبر الکبائر ہیں، اس بناپر ان کے درمیان کوئی تضاد نہیں ہے ۔ ۱۔ نساء کی آ یت ٣١ شورٰی آ یت ٣٧ اور زیربحث آیات ۔ ۲۔"" وسائل الشیعہ"" جلد ١١"" ابواب جہاد النفس"" باب ٤٦ حدیث ١۔ ۳۔مزیدتوضیح کے لیے اوپروالے مدرک ( باب ٤٦ از ابواب جہاد النفس )کی طرف رجوع کریں دباں کبائرکے تعین کے بارے میں ٣٧ احادیث ذکرہوئی ہیں ۔

خود ستائی نہ کروہ تمہیں اچھی طرح پہچانتاہے

چونکہ گزشتہ آ یات میں گمراہوں اور ہدایت یافتہ لوگوں کی نسبت علم خداکے بارے میں گفتگو تھی ،زیربحث میں اسی گفتگو کو جاری رکھتے ہوئے مزید کہتاہے ، جوکچھ آسمانوں میں ہے اور جوکچھ زمین میں ہے ،سب خدا کے لیے ہی ہے (وَ لِلَّہِ ما فِی السَّماواتِ وَ ما فِی الْأَرْضِ ) ۔ عالم ہستی میں مالکیت مطلقہ اسی کے لیے ہے ،اورحاکمیت مطلقہ بھی اسی کے لیے ہے ،اسی بناپرعالم ہستی کی تدبیر بھی اسی کے ہاتھ میں ہے اور جب یہ بات ہے توپھر اس کے علاوہ اورکوئی عبودیت وشفاعت کے لائق نہیں ہے ۔ اس وسیع مخلوق کی خلقت سے اس کا سب سے بڑا ھدف اورمقصد یہ ہے کہ انسان یعنی عالمِ ہستی کے گل سرسبد کوتکوینی اور تشریعی پروگراموں اورانبیاء کی تعلیم وتربیت کے ذ ر یعہ تکامل وارتقاء کی راہ میں آ گے لے جائے ۔ لہٰذاآ یت کے آخرمیں اس مالکیت کے نتیجہ کے عنوان سے فرماتاہے : غرض ومقصدیہ ہے کہ بدکاروں کوان کے بُرے اعمال کی بناپر سزااور عذاب دے اور نیکو کاروں کوان کے اچھے اعمال کے لیے اجرو پاداش عطاکرے (لِیَجْزِیَ الَّذینَ أَساؤُا بِما عَمِلُوا وَ یَجْزِیَ الَّذینَ أَحْسَنُوا بِالْحُسْنَی)(١) ۔ اس کے بعد نیکوکار وں کے اس گروہ کی توصیف وتعریف کرتے ہوئے اس طرح کہتاہے ،: وہ وہی لوگ ہیں جو گناہانِ کبیرہ اور برے اعمال سے دوری اختیار کرتے ہیں، اوراگران سے کوئی گناہ ہوتابھی ہے تووہ صرف صغیرہ ہوتاہے (الَّذینَ یَجْتَنِبُونَ کَبائِرَ الِْثْمِ وَ الْفَواحِشَ ِلاَّ اللَّمَمَ) ۔ کبائر جمع ہے کبیرہ کی اور اثم اصل میں اس عمل کو کہتے ہیں جوانسان کوخیروثواب سے دور کردیتاہے ،لہٰذا عام طورپرگناہوں کے لیے بولا جاتاہے ۔ لمم(بروزن قلم)مفرداتمیں راغب کے قول کے مطابق ، گناہ سے قریب ہونے کے معنی میں ہے ،اورگناہانِ صغیرہ کوبھی لمم کہاجاتاہے ،اصل میں یہ لفظ المام کے مادہ سے لیاگیاہے ،جوکسی چیز کوانجام دیتے بغیراس کے قریب ہونے کے معنی میں ہے ، اور بعض اوقات قلیل اور کم اشیاء پربھی اس کااطلاق ہواہے ، (گناہ صغیرہ پراطلاق بھی اسی بناپر ہے ) ۔ مفسرین نے بھی لمم کے لیے تقریباً اسی قسم کی تفسیریں بیان کی ہیں، بعض نے اس کی گناہ صغیرہ کے ساتھ اوربعض نے اسے مصیب کی نیت اسے انجام دیئے بغیر، اوربعض نے کم اہمیت معاصی کے ساتھ اس کی تفسیر کی ہے ۔ بعض اوقات یہ بھی کہاگیاہے کہ لمم ہرقسم کے گناہ کوشامل ہے ،چاہے وہ چھوٹاہویابڑا ،لیکن اس کی عادت نہ پڑگئی ہو، اوروہ کبھی کبھار سرزد ہوجاتاہو، اورانسان متذ کرہو کراس سے توبہ کرلے ۔ اسلامی روایات میں بھی اس لفظ کے لیے گوناں گوں تفسیر یں آئی ہیں،ایک حدیث میں امام صادق علیہ السلام سے منقول ہواہے کہ آپ علیہ السلام نے اس آ یت کی تفسیرمیں فرمایا: ھوالذنب یلم بہ الرجل فیمکث ماشاء اللہ ،ثم یلم بہ بعد اس سے مراد وہ گناہ ہے جسے انسان کوبیٹھتا ہے پھر ایک مدت تک اس سے رکارہتاہے،اورپھر دوبارہ اس سے آلودہ ہوجاتاہے ،(لیکن یہ اس کاہمیشہ کاعمل ہرگز نہیں ہے )(٢) ۔ ایک او ردوسری حدیث میں اُسی امام علیہ السلام سے یہ منقول ہواہے کہ : اللمم الرجل یلم بہ الذنب فیستغفر اللہ منہ لمم یہ ہے کہ انسان کوئی گناہ کربیٹھے اورپھراس سے استغفار کرے (٣) ۔ اور دوسری روایات بھی اسی مفہوم کی نقل ہوئی ہیں ۔ آ یت میں موجود قرائن بھی اس بات کی گواہی دیتے ہیں کہ لمم ان گناہوں کے معنی میں ہے جوکبھی کبھار انسان سے سرزد ہوجاتے ہیں ،پھروہ متوجہ ہوکرانہیں چھوڑ دیتاہے ۔ کیونکہ کبائر سے لمم کااستثناء (اس بات کی طرف توجہ کرتے ہوئے استثناء کاظاہر ،استثناء متصل ہے)اس معنی پرایک گواہ ہے ۔ علاوہ ازیں قرآن بعد والے جملہ میں کہتاہے ، تیرے پروردگارکی بخشش بہت وسیع ہے (انَّ رَبَّکَ واسِعُ الْمَغْفِرَةِ) ۔ یہ بھی اس بات کی دلیل ہے کہ اس سے کوئی گناہ سرزد ہواہے جس کے لیے پروردگار کے غفران کی ضرورت ہے ،نہ کہ صرف قصد ونیت ، اور گناہ سے اس کامرتکب ہوئے بغیر قریب ہونا ۔ بہرحال مراد یہ ہے کہ ممکن ہے نیکو کاروں سے کوئی لغزش ہوگئی ہو ،گناہ ان کی طبیعت اور عادت کے برخلاف ہے ، ان کی روح اورقلب ہمیشہ پاک رہتے ہیں، اورآ لودگیاں عارضی قسم کی ہوتی ہیں ،لہٰذا گناہ کرتے ہی پشیمان ہوجاتے ہیں ،اور خداسے بخشش کی التجا کرتے ہیں، جیساکہ سورئہ اعراف کی آ یت ٢٠١ میں آ یاہے ۔:ِانَّ الَّذینَ اتَّقَوْا ِذا مَسَّہُمْ طائِف مِنَ الشَّیْطانِ تَذَکَّرُوا فَِذا ہُمْ مُبْصِرُون پرہیز گار جس وقت ان شیطانی وسوسوںمیں گرفتار ہوجاتے ہیں، جوان کے وجود کے گردگردش کررہے ہیں ،تووہ خدا کو یاد کرتے ہیں، اوربینا ہوجاتے ہیں(اور تو بہ کرلیتے ہیں)۔ اسی معنی کی نظیر سورئہ آل عمران کی آیت ١٣٥ میں بھی آ ئی ہے ،جہاں وہمتقین اورمحسینکی تعریف وتوصیف میں فر ماتاہے : وَ الَّذینَ ِذا فَعَلُوا فاحِشَةً أَوْ ظَلَمُوا أَنْفُسَہُمْ ذَکَرُوا اللَّہَ فَاسْتَغْفَرُوا لِذُنُوبِہِمْ : وہ وہی لوگ توہیں کہ جس وقت وہ کسی برے کام کاارتکاب کر لیتے ہیں،یااپنے آپ پر کوئی ظلم کرلیتے ہیں ،تووہ خداکویاد کرتے ہیں،اوراپنے گناہوں کے لیے مغفرت طلب کرتے ہیں۔ یہ سب باتیں اس تفسیر پرگواہ ہیں جولمم کے لیے بیان کی گئی ہیں ۔ یہاں ہم صادق علیہ السلام کی ایک دوسری حدیث کے ساتھ اس بحث کوختم کرتے ہیں، جوآپ نے زیربحث آیت کی تفسیر کے بارے میں سوال کے جواب میں فر مائی۔ اللمام العبد الذی یلم بالذنب بعد الذنب لیس ما سلیقتہ ، ای من طبیعتہ لمم کوانجام دینے والا وہ بندہ ہے جس سے کبھی کبھارگناہ سرزد ہوجاتاہے لیکن اس کی طبیعت اورعادت ایسی نہیں ہوتی (٤) ۔ آیت کے آخرمیں اجروثواب اورسزا وعذاب کے مسئلہ میں عدالت پروردگار کی تاکید کے لیے،اس کے علم بے پایاں کے بارے میں ،جوتمام بندوں اوران کے اعمال کومحیط ہے گفتگو کرتاہے،اورفرماتاہے: وہ تمہاری نسبت سب سے زیادہ آگاہ ہے،اسی وقت سے جب اس نے تمہیں زمین سے پیدا کیا، اور جس وقت کہ تم جنینوںکی صورت میں اپنی ماؤں کے شکم میں تھے(ہُوَ أَعْلَمُ بِکُمْ ِذْ أَنْشَأَکُمْ مِنَ الْأَرْضِ وَ ِذْ أَنْتُمْ أَجِنَّة فی بُطُونِ أُمَّہاتِکُمْ)(٥) ۔ انسا ن کی زمین سے خلقت یاتواس کی پہلی خلقت کیاعتبارسے ہے ،جوحضرت آدم کے طریقہ سے ہوئی کہ وہ مٹی سے پیدا ہوئے تھے ، یااس اعتبار سے ہے کہ انسانی وجود کے تشکیل دینے والے تمام مادے زمیں سے لئے گئے ہین، جوتغذیہ کے طریق سے نطفہ کی ترکیب بندی میں ،اوراس کے بعد جنیں کی پرورش کے مراحل میں بھی اثر رکھتے ہیں، اوربہرحال مقصد یہ ہے کہ خدا اسی وقت سے ،جب تمہارے وجود کے ذرات زمین کی مٹی کے درمیان تھے ،اوراسی دن سے ، جب کہ تم رحم مادر میں ،رحم کے تاریک ظلمانی پردوں کے اندر، ایک ناچیز نطفہ تھے ، تمہارے وجودکے تمام جزئیات سے آگاہ تھا، تو ان حالات میں کس طرح ممکن ہے کہ وہ تمہارے اعمال سے بے خبر ہو؟ یہ تعبیر ضمنی طور سے بعد والی گفتگو کے لیے ایک مقدمہ ہے ،جس میں وہ فر ماتاہے : پس تم خود ستائی نہ کرواوراپنے پاک اورظاہر ہونے کے بارے میں باتیں نہ بناؤ ،کیونکہ وہ پرہیزگاروں کوسب سے بہترطورسے جانتاہے (فَلا تُزَکُّوا أَنْفُسَکُمْ ہُوَ أَعْلَمُ بِمَنِ اتَّقی) ۔ نہ تواسے تمہارتعارف کی ضرورت ہے ،اور نہ ہی تمہارے نیک اعمال کی تشریح وتفصیل کی ،وہ تمہارے اعمال سے بھی آگاہ ہے ،اورتمہاری نیت کے خلوص کی میزان سے بھی ، یہاں تک کہ وہ تمہیں خود تم سے بہترطورپر پہچانتاہے،اورتمہارے اندرونی صفات اوربیرونی اعمال سے بخوبی آگاہ ہے ۔ بعض مفسرین نے بیان کیاہے کہ یہ آ یت ایسے گروہ کے بارے میں نازل ہوئی ہے ،جونماز وروزہ کوانجام دینے کے بعداپنی تعریف کرنے لگتے تھے اورکہا کرتے تھے ،:ہماری نمازاس طرح کی تھی ،اورہمارا روزہ ایساتھا!تواوپر والی آ یت نازل ہوئی اورانہیں اس کام سے منع کیا(٦) ۔ ١۔" "لیجزی""میں"" لام"" "" لام غایب"" ہے ، تواس بناپر جزا وسزا خلقت کی غایت ومقصد ہے اگرچہ بعض نے اسے گزشتہ آ یت کے لفظ"" اعلم"" کے متعلق سمجھاہے ،اور(لِلَّہِ ما فِی السَّماواتِ وَ ما فِی الْأَرْضِ )کے جملہ کوجملہ معترضہ جانتے ہیں ،لیکن یہ احتمال بعید نظر آتاہے ۔ ٢۔"" کافی"" جلد ٢ کتاب الایمان والکفر باب اللمم(صفحہ ٣٢٠) ۔ ٣۔"" کافی"" جلد ٢ کتاب الایمان والکفر باب اللمم(صفحہ ٣٢٠) ۔ ٤۔ ""کافی "" جلد ١،باب لمم صفحہ ٣٢١۔ ٥۔ ""اجنة "" جمع جنین، اس بچے کے معنی میں ہے جوشکم مادر میں ہے ۔ ٦۔ "" روح المعانی"" جلد ٧،صفحہ٥٥۔

١۔ خدا کاعلم بے پایاں

ان آیات میں علم خدا اور اس کی بے انتہاوسعت کی طرف پھراشارہ ہواہے ،لیکن یہ تعبیرایک نئی تعبیر ہے ،کیونکہ اس میں وہ نکتوں پرتکیہ کیاگیاہے،جوانسان کے حفی ترین اورپیچیدہ ترین حالات میں سے ہے :مٹی سے انسان کی خلقت کی حالت جس میں ابھی تک ماہرعلماء کی عقلیں حیران ہیں، کہ ایک زندہ موجود کابے جان موجود سے وجود آناکس طرح ممکن ہے؟اس قسم کاکوئی امرگزشتہ زمانہ میں قطعی اوریقینی طورپر واقع ہواہے ،خواہ انسان کے بارے میں ہوا ہو یادوسرے جانداروں کے بارے میں ،لیکن کن حالات میں ایساہوا یہ معلوم نہیں ہے،یہ مسئلہ اس قدرپیچیدہ اورپراسرار ہے ،کہ ابھی تک اس کے اسرار نوع بشر کے علم ودانش سے پوشیدہ چلے آرہے ہیں ۔ دوسرامسئلہ جنینی دور میں وجو دانسانی کی اسرار آمیز تبدیلیوں کاہے ،وہ بھی انسان کی خلقت کی کیفیات میں سے پراسرار ترین حالت ہے ، اگرچہ انسان کے علم ودانش کے لیے اس کاایک ہیولا ساکشف ہوچکاہے ،لیکن جنین کے بارے میں اسرار آمیز مسائل ،اور جواب کے بغیر رہے ہوئے سوالات تاحال بھی کم نہیں ہیں ۔ وہ ہستی جوانسان کے وجود کی ان دونوں حالتوں کے تمام اسرار ، اوراس کی تبدیلیوں اور تغیرات سے آگاہ ہے ،اوراس کی ہدایت ورہبری اور تربیت کرتی ہے ،کیسے ممکن ہے کہ وہ اس کے اعمال وافعال سے باخبرنہ ہو اورہرکسی کواتنی جزانہ دے جو اُس کے لیے لازم ہے؟ پس یہ علم بے پایاں اس کی عدالت مطلقہ کاسہاراہے

سوره النجم/ آیه 31- 32

٣١۔وَ لِلَّہِ ما فِی السَّماواتِ وَ ما فِی الْأَرْضِ لِیَجْزِیَ الَّذینَ أَساؤُا بِما عَمِلُوا وَ یَجْزِیَ الَّذینَ أَحْسَنُوا بِالْحُسْنَی۔ ٣٢۔ الَّذینَ یَجْتَنِبُونَ کَبائِرَ الِْثْمِ وَ الْفَواحِشَ ِلاَّ اللَّمَمَ ِنَّ رَبَّکَ واسِعُ الْمَغْفِرَةِ ہُوَ أَعْلَمُ بِکُمْ ِذْ أَنْشَأَکُمْ مِنَ الْأَرْضِ وَ ِذْ أَنْتُمْ أَجِنَّة فی بُطُونِ أُمَّہاتِکُمْ فَلا تُزَکُّوا أَنْفُسَکُمْ ہُوَ أَعْلَمُ بِمَنِ اتَّقی۔ ترجمہ ٣١۔جوکچھ آسمانوں میں ہے وہ بھی اور جوکچھ زمین میں ہے وہ خداہی کے لیے ،تاکہ بدکاروں کو ان کے بُرے اعمال کی بنا پرسزادے، اور نیکوکاروں کوان کے نیک اعمال کے لیے اجروپاداش عطاکرے ۔ ٣٢۔وہی لوگ جوگناہانِ کبیرہ اوربُرے اعمال سے ،سوائے صغیرہ کے ، دوری اختیار کرتے ہیں، تیرے پروردگار کی بخشش وسیع ہے ۔وہ تمہاری نسبت سب سے زیادہ آگاہ ہے ،اس وقت سے جب اس نے تمہیں زمین سے پیداکیا، اور جس وقت کہ تم جنینوں کی صورت میں اپنی ماؤں کے شکم میں تھے ،پس تم خود ستائی نہ کرو کیونکہ وہ پرہیزگاروں کوبہتر طور سے جانتاہے ۔