It is distinctly laid down, “Eternity is Home for the righteous” and their characteristics have been variously pointed out from time to time by God, viz. (1) implicit faith in God, (2) in Divine Light, (3) bearing intense love to the Prophet’s Immaculate Family, (4) naturally this means hatred to the enemies of God, the Prophet and his Immaculate Family, (5) belief in future life, (6) preparation for it, (7) under self-sacrifice of life, property, and honour, (8) realization of Divine Justice being fulfilled, (9) this brings about penance for evil deeds, (10) ever remembrance of Divine gifts causes thanksgiving.

[Pooya/Ali Commentary 28:85]

شان نزول

کچھ مفسرین نے زیر نظر آیات میں س ے پہلی آیت کی شان نزول ابن عباس سے نقل کی ہے جس کا مضمون یہ ہے :۔ جس وقت جناب رسول خدا صلی اللہ علیہ و آلہ وسلم نے مکہ سے ہجرت فرماکر مدینہ کی طرف جارہے تھے ، توجب آپ مقام حجفہ پر ہ#پہنچے کہ جس کافاصلہ مکہ سے کچھ زیادہ نہیں ہے تو آپ کو اپنا وطن یاد آیا یعنی شہر مکہ ، کہ جوخدا کاحرم ہے . اور وہاں خانہ کعبہ بھی ہے جس سے آنحضرت صلی اللہ علیہ و آلہ وسلم ناقابل انقطاع قلبی اور روحانی تعلق تھا ۔ اس یاد وطن سے احساس غم آپ کے چہرے پر نمایا ہوا . اس مقام پرجبر ئیل نازل ہو ئے اور پوچھا : کہ واقعاآپ کواپنے شہر اور جائے پیدا ئش کابہت اشتیاق ہے ؟ آنحضرت صلی اللہ علیہ وآلہ وسلم نے فرمایا : ” ہاں ضرور ہے “ تب جبرئیل نے عرض کیاکہ خدا نے آپ کویہ پیغام بھیجا ہے : ان الذین فرض علیک القرآن لرادک الی معاد جس ذات نے اس قرآن کو تجھ پر فرض کیاہے وہ تجھے تیرے وطن میں بھی پہنچا دے گا (۱) ۔ ہم جانتے ہیں کہ آخر گار یہ عظیم و عدہ پورا ہوا . پیغمبراسلام ایک طاقتور فوج اور بڑی عظمت کے ساتھ مکہ کوفاتحانہ لوٹ اور حرم خدا جنگ اور خون ریزی کے بغیر آپ کے قبضے میں آگیا ۔ تاریخ کے اس عظیم انقلاب کے پیش نظر زیر نظر آیت قرآن کی اعجاز آمیز پیش گوئیوں میں س ے ہے کہ اس کے ذریعے آنحضرت کو حتمی طور پر کسی شرط کے بغیر ایسی خبر دی گء ی،جو قلیل مدت کے بعد درست ثابت ہوئی ۔

حرم امن خدا کی طرف باز گشت کا وعدہ

یہ سورہ ٴ قصص کی آخری آیات ہیں . ان میں پیغمبرالسلام صلی اللہ علیہ وآلہ وسلم کو مخاطب کیاگیا ہے . موسٰی بن عمران کی زندگی کے بعض گوشوں اور فرعون اوراس سکے رفقا ء سے جنگ کے حالا ت بیا ن کرنے کے بعد ان میں پیغمبر اسلام صلی اللہ علیہ وآلہ وسلم کوبشارت دی گئی ہے نیز انھین نہایت مستحکم دستور العمل دے گئے ہیں ۔ جیساکہ ہم نے سطور بالامیں ذکر کیا ... ان آیات میں سے پہلی آیت (جیسا کہ مشہور ہے ) مقام حجفہ پراس وقت نازل ہوئی ، جب آنحضرت صلی اللہ علیہ و آلہ وسلم مدینے کی طرف سفر کر رہے تھے ۔ ان کاارادہ تھا کہ یثرب جائیں اور اس بستی کو ” مدینة الرسول “ بنادیں . اس مقام پر اسلامی حوکومت کی بنیاد کی پہلی اینٹ رکھیں تاکہ پیام اسلام میں جو انقلابی صلاحیتیں ہیں ، انہیں عمل میں لائیں اوراس مقام کووسیع حکومت الہٰی اوراس کے مقاصد حاصل کرنے کے لیے مرکز قرار دیں ۔ اس عظیم منصوبے کے باوجود آپ کو مکہ سے جودل بستگی تھی وہ رنج وغم کاباعث بنی راہتی تھی اور آپ کواس حرم امن الہٰی سے دور ی سخت ناگوار تھی ۔ ا ن حالات میں آپ کے قلب مطہر پرنور وحی کی تابش ہوتی ہے اورآپ کووطن مالوف کی طرف پاز گشت کی بشارت ددی جاتی ہے ” باین الفاظ “ کہ : وہی ذات جس نے تم پر قرآن کوفرض کیا ، وہ تمہیں تمہارے وطن و مولد ِ کوواپس کردے گی :(ان الذین فرض علیک القرآن لرادک الی معاد ) ۔ تم رنجیدہ خاطرنہ ہو ... وہی خدا جس نے عالم طفولیت میں موسٰی علیہ السلام کو اس کے ماں کے پاس لوتادیا ،وہی خدا جس نے مصر سے دس سال کی جلاوطنی کے بعد اسے ،اس کے وطن کوواپس کردیاتا کہ و ہ چراغ توحید روشن کرے اور مستضعفین کی حکومت قائم کر ے . اور منکرین خدا فرعو نیوں کی طاقت کو بر باد کردے . وہی تم کو بھی پوری طاقت اور قوت کے ساتھ مکہ کو لوٹادے گا . اور تمہارے ہاتھ سے اس مقدس سرزمین میں چراغ توحید روشن کرائے گا ۔ وہی خدا جس نے تم پر قرآن نازل کیا ،اس کی تبلیغ فرض کی اور تم پراس کے احکامو کو واجب کیا . اس زمین و آسمان کے مالک قادر مطلق خدا کے لیے یہ امور آسان ہیں ۔ اس کے بعد اس مطلب کااضافہ ہے کہ : ان سر پھرے اور متکبر مخالفین سے کہہ دو کہ میر ا خدا ہی بہتر جانتاہے کہ اس کی طرف سے کون ہدایت لایا ہے او ر کون شخص گمراہی میں ہے : (قل ربی اعلم من جاء بالھدی ومن ھو فی ضلا ل مبین ) مقصد یہ ہے کہ راہ ہدایت روشن ہے اور مشرکین کی گمراہی آشکار ہے . یہ لوگ جو کچھ کر رہے ہیں عبث ہے خداان کے افعال سے خوب آگاہ ہے اور حق طلب قلوب بھی حقیقت کوخوب جانتے ہیں ۔ اس آیت کی واضح تفسیر یہی ہے کہ جو ہم نے سطور بالامیں بیا ن کی ہے بہت سے مفسرین نے کلمہ ” معاد “ کے متعلق دوسرے احتمالات کی طرف بھی روجو ع کیا ہے . ان کے خیالات یہ ہیں کہ : ۔ ” معاد “ سے مراد حیات بعد از موت ہے ، یاسرزمین محشر ، یا خود موت ، یا مقام شفاعت کبرای ، یابہشت یابیت المقدس ( جہاں سے آنحضرت صلی اللہ علیہ و آلہ و سلم معراج پرگئے تھے ) نیز اس طرح کے بہت سے خیالات ظاہر کیے گئے ہیں . لیکن آیت کے کلیة مطالعے اور سر گزشت مو سٰی علیہ السلام اور بنی اسرائیل پرغور کرنے کے بعد ، اور مذ کورہ شان نزول کے علم کے بعد یہ تمام معانی حقیقت سے بعید نظر آتے ہیں . اس لیے کلمہ ” معاد “ کی تفسیر (بمعنی مقام باز گشت ) سر زمین مکہ ہی درست ہے ۔ علاوہ بریں ، یہ امر بھی قابل لحاظ ہے کہ اگر کلمہ” معاد “ کے معنی روز قیامت لیے جائیں تو وہ روز صرف پیمبرصلی اللہ علیہ و آلہ وسلم ہی سے رو مخصوص نہیں ہے جب کہ آیت کارو ئے سخن صرف جناب پیمبرصلی اللہ علیہ و آلہ وسلم کی طرف ہے . نیز یہ کہ ماقبل آیت ( ۸۴ ) میں بروز قیامت اعمال کی جزا اور سزا کا بیان ہے اور یہ اس کے بعد ہے ، اس لیے بھی کلمہ معادہ کا وہ مفہوم نہیں ہو سکتا ہے . بلکہ اس کے برعکس مطلب کاقوی امکان ہے . کیونکہ آیت ماقبل ( ۸۴ ) میں س رائے آخرت میں جزائے ا عمال کاذکر ہے .تو سیاق ِ معانی کاتقاضا یہ ہے کہ اس آیت میں اس دنیا کی کا مرانیوں کاذکر ہو ۔ آیت مابعد (۸۶ ) میں پیغمبر اکرم صلی اللہ علیہ وآلہ وسلم کو خدا کی طرف سے ایک عظیم ترین نعمت کے عطاہونے کاذکر ہے . چنانچہ فرمایا گیا ہے : ” تمہیں ہرگز امید نہ تھی کہ یہ عظیم آسمانی کتاب تمہیں القاکی جائے گی لیکن یہ تمہارے رب کی رحمت کاتقاضاتھا “ : )وما کنت تر جواان یلقی الیک الکتاب الارحمة من ربک ) (۲)۔ اس وقت بہت سے لوگوں نے نئے دین کی آمد کی خوش خبری سن رکھی تھی . نیز ، شاید اہل کتاب میں س ے کچھ لوگ اس عنایت الہٰی کے منتظر تھے کہ وحی ان پر نازل ہوگی اورخداانھیںیہ ذمہ داری سپرد کرے گا لیکن اے پیغمبر تمہیں اس کا گما ن بھی نہ تھا .مگر خدانے تمہیں اس کام کے لیے سب سے زیادہ اہل سمجھا کہ یہ دین تمہارے ذریعے سے دنیا میں پھیلے بعض بزرگ مفسرین نے اس آیت کوان آیات سے مربوط سمجھا ہے جن میں پیغمبر اسلام صلی اللہ علیہ وآلہ وسلم سے داستان ِ موسٰی کے بارے میں خطاب کیاگیا ہے . وہ آیات یہ ہیں ۔ وما کنت بجانب الغربی اذ قضیناالی موسی الامر ... ( قصص ، ۴۴) ۔ وماکنت ثاو یافی اھل مدین ...( قصص ،۴۵) ۔ و ماکنت بجانب الطور اذ نادینا ولکن رحمة من ربک ... (قصص ، ۴۶) ۔ اے رسول تم ہر گز وادی ٴ طور میں موجود نہ تھے اس وقت بھی موجو نہ تھے جہاں ہم نے موسی پر وحی نازل کی تھی... تم نے اہل مدین میں زندگی نہیں گزاری ... اور جب ہم نے طور پر موسٰی کووحی کی تھی اس وقت سبھی مود نہ تھے . مگر یہ تمہا رے رب کی رحمت ہے کہ اس نے تمہیں ان حالات کی خبر دی ... اس تفسیر کے مطابق ” کتاب “ سے مراد سر گزشتِ انبیا ئے ماسبق ہے ۔ مگراس تفسیر اور تفسیر ماسبق میں کوئی تضاد نہیں ہے . بلکہ اسے اس تفسیر کا ایک حصہ ہی سمجھنا چاہیئے . اس کے بعد ان الفاظ کااضافہ ہے کہ : اب اس عظیم نعمت کاشکریہ یہ ہے کہ کافروں کی ہرگز مدد نہ کرنا : ( فلاتکونن ظھیرا الکافرین ) ۔ یہ حکم اس مطلب سے ہم آہنگ ہے جسے ہم آیات ماسبق میں حضرت موسٰی علیہ السلامکے متعلق پڑ ھ آئے ہیں کہ موسٰی نے کہا : ”پرورد گار ا ! ا نعمات کی وجہ سے جوتونے مجھے دی ہیں “ میں ہر گز مجرمین کامد د گار نہ بنوں گا ۔ ظالموں کی مدد کرنے کے بارے میں ، ہم نے سورہٴ قصص کی آیت ۱۷ کے تحت مفصل بحث کی ہے ۔ اس سورہ کے آخر میں مختلف استد لالا ت اور تعبیر ات کے ساتھ توحید کوواضح کیاگیا ہے . وہ توحید جو جملہ دینی مسائل کی اصل بنیاد ہے ، وہ توحید جو اصل بھی ہے اور فرع بھی ،جو کل بھی ہے اور جز بھی ۔ ا ن دو آیات میں پیغمبر اکرم صلی اللہ علیہ وآلہ وسلم کو چار احکامات دیئے گئے ہیں اور خدا کی چار صفات بیان کی گئی ہیں . نیز اس سورة میں جتنے بھی موضو عات پر بحث ہوئی ہے ، یہ آیات ان سب کا تکملہ ہیں : (ولا یصدنک عک ایات اللہ بعد اذ انزلت الیک ) ۔ اس آیت میں اگر چہ حرف نہی کامرجع کفا رہیں .لیکناس کا مفہوم یہ ہے کہ پیغمبر صلی اللہ علیہ وآلہ وسلم ا ن کی ساز شوں اور خلل اندازیوں سے متنبہ رہی جیسے کہ ہم کسی سے کہتے ہیں کہ : کوئی آدمی تمہیں بہکانے نہ پائے . اور مراد یہ ہوتی ہے کہ ان کے دھوکے میںنہ آجانا ۔ اس کے بعد جناب پیغمبرصلی اللہ علیہ وآلہ وسلم کوحکم دیاجاتاہے کہ جب کہ تم پر آیات الہٰی نازل ہوگئی ہیں توان احکامات پر باستقلال قائم رہو اور کسی قسم کے تردد اور شک کو دل میں نہ آنے دو . امراللہ کی تبلیغ میں جو رکا وٹیں بھی پیش آ ئیں انھیں راستے سے ہٹا دو اور محکم قدموں کے ساتھ مقصد کی طرف بڑھو کیونکہ خدا تمہارے ساتھ ہے اور تمہارا مدد گار ہے ۔ مفسرمعروف ابن عباس کے قول کے مطابق ،اس آیت کی مخاطب توذات پیغمبرصلی اللہ علیہ و آلہ وسلم ہے لیکن مراد ہیں عام لوگ جیسے کہ ایک عربی ضرب المثل ہے ” ایاک اعنی واسمعی یاجارہ “ میری مراد تو ہے مگر اے ہمسائی تو بھی سن لے . یہ حکم جو نفیکاپہلو رکھتاہے ، اس کے بعد اثباتی انداز سے حکم دیا ہے کہ اپنے پروردگار کی طرف دعوت دے ( وادع الی ربکہ ) ۔ وہ خدا جو تیرامالک ہے ،توجس کے اختیار میں ہے ، وہی تیرا مربی اور تیر ی پر ورش کرنے والا بھی ہے . اس حکم کے بعد کہ پیغمبرصلی اللہ علیہ وآلہ وسلم لوگو ں کو خدا کی طرف دعوت دین م ہر قسم کے شرک اور بت پرستی کی ممانعت کی گئی ہے . چنانچہ کہاگیا ہے کہ قطعا مشرکین میں س ے نہ ہونا . ( ولا یکونن من المشرکین ) ۔ یعنی راہ توحید قطعی آشکار ا اور نورانی ہے اور اس پر چلنے والے ہی راہ مستقیم پر ہیں ۔ بالا آخر چوتھا حکم ہر قسم کے شرک کی نفی پرایک تاکید مکرر ہے ، خدا فرماتاہے کہ خدا کے ساتھ بھی دوسرے معبود کومت پکار : ( ولا یدع مع اللہ الھا اخر ) ۔ الغرض یہ پے درپے احکام جن میں سے ہرایک دوسرے حکم کا موکد ہے ، اسلامی پروگرام میں عقیدہ ٴتوحید کی اہمیت کوروشن کرتے ہیں کیونکہ جب تک عقیدہ ٴ توحید پوری طرح دلنشین نہ ہو ،تمام عقائد و اعما ل بر باد ہیں ۔ قرآن میں ان چار احکامات کے ذکر کے بعد خداکی چار صفات کا ذکر ہے کہ وہ لوازم عقیدہ ٴ توحید میں س ے ہیں : ۱۔اول : یہ کہاگیا کہ ” اس کے سوا کوئی معبود نہیں ( لاالہ الا ھو ) ۔ ۲۔دوسرے : اس کی ذات پاک کے علاوہ ہر چیز فانی اور نابود ہونے والی ہے : ( کل شیٴ ھالک الا وجھہ ۹ ۔ ۳ ۔تیسرے : دنیا ئے تکوین و تشریع میں حکم اور حاکمیت اسی کی ذات سے مخصوص ہے :( لہ الحکم ) ۔ ۴۔ چوتھے : آخر الامر ہم سب کی باز گشت اسی کی طرف ہے :( والیہ ترجعون ) ۔ اس امر کا امکان عقلی موجو د ہے کہ آخر ی تین صفات اثبات توحید اور ہر قسم کی اس بت پرستی کوترک کرنے کی دلیل ہو جس کا ذکر صفت اول میں کیاگیا ہے ۔ کیونکہ ... ہم سب فانی ہیں اور بقاصرف اسی کی ذات کے لیے ہے ۔ کیونکہ ... نظام ہستی کی تدبیر اور کا ئنات کی حاکمیت صرف اسی کے لیے ہے ۔ کیونکہ ... قیامت میںہم سب کی باز گشت اسی کی طرف ہوگی . اس کے مقابلے میں معبود ان مجازی کی بھلا کیا حقیقت ہے اور سوائے اس کے اور کونسی چیز قابل پرستش ہے ؟ ” کل شی ء ھالک الا وجھہ “ کی تفسیر میں بڑ ے بڑے مفسرین نے گو ناں گوں خیالات کااظہا ر کیاہے . ا ن آرائے مختلف کامحور دوکلمات ” وجہ اور ھالک “ ہیں . کیونکہ لغوی اعتبار سے کلمہ ” وجہ “ انسان کے جسم کے اس احصہ کے لیے بولاجاتاہے جسے چہرہ کہتے ہیں یعنی انسانی صورت .لیکن جس وقت یہ کلمہ خدا کے لیے استعمال ہوتاہے تو اس سے مراد اس کی ذات ہوتی ہے ۔ کلمہ ” ھالک “ کامادہ ” ہلاک “ ہے جس کے معنی موت اور نابودی کے ہیں .ان معانی کے پیش نظر اس آیت کا مفہوم یہ ہے کہ ذات الہٰی کے سوا موجو د ات میں س ے ہر شے فنا ہوجائے گی . یہ ” فنا “ کائنات کے اختتام پر منحصر نہیں ہے بلکہ بحالت موجودہ بھی اس کے مقابلے میں ہر شے فانی اور معدو م ہے ... کیونکہ جملہ ممکنا ت اپنے وجو دکے لیے اسی کی محتاج ہیں . اور لحاظہ بہ لحاظہ اسی سے فیض و جود حاصل کرتی رہتی ہیں . ان کاقیام بذات خود نہیں ہے ، بلکہ یہ ارادہٴ الہٰی ہے ۔ اگر نازی کند یکدم فرد ریزند قالبہا اگر مشیت ایزدی مائل بہ فنائے ممکنات ہو تو وہ ایک لمحے میںفنا ہوجائیں ۔ علاوہ بریں ... کائنات میں تمام موجودات ہروقت متغیر ہورہی ہیں اور ا ن کی کیفیت بدلتی رہتی ہے . یہاں تک کہ ایٹمی نظر یے کے مطابق (یعنی حرکت جوہری ) ہرشے کی ماہیت تغیر اورحرکت ہی ہے . ہم جانتے ہیں کہ تغیر اورحرکت سے مراد ہے کہ پر شے ہر لمحہ فنا او ر وجو د تازہ مرحلے سے گزرتی رہتی ہے . یعنی موجودات جہاں ہر لحظہ مرتے اورزندہ ہوتے رہتے ہیں ۔ بنا بریں جملہ موجودات اپی کیفیت حالیہ میں بھی ” ھالک “ اورفانی ہیں .صرف ذات الہٰی وہ ہے جس میں تغیر وفنا کودخل نہیں ہے اور اس کی ذلت مقدس استقلال محض ہے ۔ ہم جانتے ہیں کہ جب اس دنیا کاوقت آخر آئے گا توہر موجود فنا اور نیستی کا تسلط ہوگا . جیساکہ قرآن میں فریایاگیا ہے : کل من علیھافان ویبقی وجہ ربک ذو الجلال و الا کرام زمین پررہنے ولاہر وجود فناہوجائے گا صرف خداکی ذات ذو الجلال ہی باقی رہ جائےگی(رحمن ،۲۶ ۲۷) ۔ صرف اہل زمین ہی نہیں بلکہ اہل آسمان بھی فنا ہوجائیں گے : ونفخ فی الصو ر فصعق من فی السموات ومن فی الارض اور جس وقت صور پھونک جائے گا تو وہ سب کہ جو آسمان میں زمین میں ہیں مرجائیں گے ( زمر ۔ ۶۸) ۔ یہ تفسیر اس آیت اور دیگر آیات کے ظاہر ی معنٰی سے ہم آہنگ ہے لیکن بعض مفسرین نے اس آیت کی اور تفاسیر بھی لکھی ہیں .ان میں سے بعض یہ ہیں : ۔ کسی نے کہا ہے کہ”وجہ “ سے مراد عمل صالح ہے اور آیت کا مفہوم یہ ہے کہ : انسان کے تمام اعمال ” اس عمل کے سواجو لوجہ اللہ کیاگیاہو “ضائع ہوجائیں گے ۔ بعض دیگر حضرات نے کہا ہے ” وجہ “ نہ معنی ٴ دین ہے . اہل اعتبار سے آیت کامفہوم یہ ہے کہ بروز قیامت جملہ شریعتیں باطل اور فنا ہوجائیں گی .بجز اللہ کے دین کے اور آیت میں کلمہ ” لہ الحکم “ کے معنی حاکمیت تشریعی سمجھے ہیں اور اسے اس مفہوم کے لیے کلمہ تاکید شمار کیاہے . اسی طرح جملہ ” وا لیہ ترجعون “ سے اخذ شریعت میں خد ا کی طرف رجوع کرنا مراد لیاہے اور یہ سمجھا ہے کہ یہ جملہ ا ن معنی پرایک مکرر تاکید ہے (۳) ۔ ہم نے اس آیت کی تفسیر میں ، سطور مافوق میں جو کچھ کہاتھا ، یہ تفاسیر جن کا ہم نے بعد میں ذکر کیااس کے منافی نہیںہیں کیونکہ جب ہمیںیہ علم ہوگیا کہ اس عالم جو چیز باقی رہ جائے گی وہ صرف ذات الہٰی ہوگی . تواس سے یہ نتیجہ اخذ ہوتاہے کہ جو شے کسی طرح بھی اس کی ذات سے متعلق ہے وہ بھی کیفیت بقا و ابدیت اختیار کرلے گی ۔ رہبر ان الہٰی ابھی بذات خدا مر بوط ہیں اس لیے وہ بھی جاو دانی ہیں . خلاصہ یہ ہے کہ کوئی شے بھی جوذات الہٰی سے تعلق اور ربط رکھتی ہے وہ فنا اور ہلاکت سے محفوظ رہے گی . ( یہ مقام غور فکر ہے ) ۱۔تفسیر مجمع البیان، تفسیر کبیر فخررازی ،تفسیر قرطبی ،تفسیر مجمع البیان اور دیگر تفاسیر ۔ ۲ ۔ بعد مفسرین نے اس مقام پر کلمہ ” الا “ کواستثنی کے معنی میں س مجھا ہے . اس بناء پر وہ مستثنی منہ کے حذف اور مقدر ہونے کے قائل ہوئے ہیں . دوسرے گروہ نے کہاہے کہ ” الا “ اس مقام پر ” لکن “کے معنی میں ہے اوران معنی میں استدراک کا پہلو نکلتا ہے اور یہ معنی سیاق کے قریب ترہیں ۔ ۳ ۔تفسیر نور ا ثقلین میں اس آیت کے ذیل میں متعدد روایات کا ذکر ہے .ان میں سے بعض میں ”وجہ “ سے مراد دین خدا ہے اور بعض میں مراد رہبر ان الہٰی اور بعض میں وہ چیزیں جو خدا سے منسوب ہیں ۔

۱۔ تمام اشیا کس طرح فناہوں گی ؟

آیات فوق کے ذیل میں جوسوالات پیدا ہوتے ہیں ا ن میں سے ایک یہ ہے کہ اگر دنیا کے آخرمیں سب چیزیں فناہوئیں گی تو اس مٹی کوبھی فنا ہوجاناچاہیئے جوانسان کے جسم کی بن گئی ہے . جب کہ قرآن میں بطور مکرر یہ صراحت موجود ہے کہ ہم جسم کی ان ہڈیوں کو جمع کرکے ان سے دوبارہ انسان پید کریںگے .یا ...بر وز قیامت انسان اپنی قبروں س ے نکلیںگے ۔ نیز جیسا کہ آیات قرآنی کے ظاہر معنی سے مترشح ہو تا ہے ، بہشت اور دوزخ بھی پید اکیے جاچکے ہیں جیساکہ کلمات” اعدت للمتقین “ یاان ہی جیسے اور کلمات سے یہ اشار ہ ملتاہے کہ ” بہشت پرہیز گاروں کے لیے ہے “ چنانچہ قرآن میں دو مقامات پر یعنی سورہ آل عمران کی آیت ۱۳۳ اور سورة حدید کی آیت ۲۱ میں یہ بیان ہے . اور دو مقامات پر دوزخ کاذکر ” اعدت للکافرین “ کے الفاظ میں کیاگیاہے . وہ ہیں سورہ بقرہ آیت ۲۴ اور سورہ آل عمران آیت ۱۳۱ ۔ ا ب سوال یہ ہے کہ اگر بہشت ودوزخ مخلوقات میں س ے ہیں تو کیا وہ بھی بروز قیامت فنا اور نابود ہوجائیں گی ؟ قطع نظر ا ن امور کے ہمارا عقیدہ بھی ہے کہ انسان کے لیے ایک حیات برزخی بھی ہے جیساکہ ” ارواح “ کے ذکر کے وقت ہم نے اسے آیات قرآنی سے ثابت کیاہے ،توکیا وہ ساکنان برزخ بھی فنا ہوجائیں گے ؟ ذیل کی توضیحات سے ان تمام سوالا ت کے جوابات واضح ہوجائیںگے : اکثر ایساہوتاہے کہ کلمات ” ہلاک“ نابودی اور فنا “ سے کسی نظم وترتیب کازیر زبر ہو جانامراد ہوتاہے نہ کہ اس شے کے موار اصلی کافنا ہو جانا . مثلا . اگر ایک عمارت زلزلہ کی وجہ سے مسمار ہوجائے تواس کیفت پر ہم کلمات ” وھلاک “ کااطلاق کرتے ہیں حالانکہ اس عمار ت کااصلی مواد موجود ہوتاہے .اس مواد کی صرف نظم و ترتیب درہم برہم ہوگئی ہوتی ہے ۔ نیز یہ کہ دنیا کے آخر وقت میں ... خورشید بے نور ، چاند تاریک اور پہاڑ زیزہ ریزہ ہوجائیں گے . اور زمین پر ہر زندہ موجود کو موت آجائے گی .اور پہلو سے ان اشیا کے لیے ہلاکت کامفہوم یہ ہے : دوسر ے پہلو سے ہلاکت اورفناکااطلاق دنیا اوراس کے مافیہاپر ہے ۔ لیکن بہشت اور دوزخ ( خواہم انھیں اسی دنیا میں سمجھیں ،خواہ اس دنیا سے باہر ) اس دنیا کاجز نہیں ہیں کہ انھیں فنا اور نابود ی کے حکم میں شامل کیاجاسکے .ان چیزوں کا تعلق آخرت اور دوسری دنیا سے ہے نہ کہ اس دنیا سے ۔ تیسرے بات یہ ہے کہ جیساکہ ہم نے سطور بالامیں کہاکہ موجودات امکانی کے لیے ہلاکت اورفنا کاانحصار صرف دنیا کے خاتمے پر ہی نہیں ہے بلکہ یہ مو جو دات بحالت موجودہ بھی فانی ہیں . کیونکہ اول توان کاوجود قائم بالذات نہیں ہیں بلکہ اپنے وجو د کے لیے دوسرے کی محتاج ہیں . دوسرے یہ کہ جملہ کا ئنات ہمہ وقت حالت تغیرااورحرکت میں ہے اورہم جانتے ہیں کہ حرکت کے معنی ہیں فنا ئے تدریجی. جس کے مطابق ہروقت وجود عد م کی دونو ں کیفیات موجود رہتی ہیں .ان توضیحات سے محولا بالا سوالات کو جواب واضح ہوجاتاہے ۔ ۲۔ ” ولا تدع مع اللہ الھا اکر “کی غلط تفسیر :وہابی لوگ جن کااس عقیدے پراصرار ہے کہ ” توسل اور شفاعت “ کامسئلہ حقیقت توحید سے ہم آہنگ نہیں ہے ، کبھی تووہ ّیت مافوق سے اور کبھی اسی کے مشابہ دوسری آیات سے استد لال کرتے ہیں .وہ لوگ کہتے ہیں کہ : قرآن میںصریحاغیر خداکی عبادت و پر ستش ، یا کسی غیر کا نام خدا کے نام کے ساتھ لینے سے نہی کی گئی ہے ” فلا تدعو امع اللہ احد ا .“ ( سورہ جن.۱۸ ) ۔ حقیقت یہ ہے کہ اس قسم کی آیات کا یہ مفہوم نہیں ہے کہ ہم کسی کو ہر گز نہ پکاریں . ایسی آیات کا مفہوم و ہی ہے جو کلمہ ” مع اللہ “سے سمجھا جاتا ہے . یعنی اگر کوئی شخص خداکے اختیااوراس کی صفت خلافی میں کسی او ر کو دخیل سمجھے اور مستقل طور پر یہ سمجھے کہ کوئی دوسری ذات بھی خدا کے کاموں کوانجام دے سکتی ہے ،تو مشرک ہے ۔ لیکن ...اگر ہم تمام اختیارات کو خدا سے مخصوص سمجھیں اور کسی کو بھی اس کی قدرت میں شریک یاموثر خیال نہ کریں... مگر یہ عقیدہ رکھیں کہ اولیاء اللہ اس کے اذن اور فرمان سے شفاعت کرتے ہیں اوراس نیت سے ہم ان سے متوسل ہوں کہ وہ خدا کے حضور میں ہماری شفاعت کریں گے تو یہ عین توحید ہے اور یہ ہی چیز ہے جس کی طرف قرآن میں مکرّ ر اشارہ ہوا ہے ۔ آیا ... جب براداران یوسف نے اپنے باپ سے کہاتھا کہ ” یاابانا استغفرلنا “ اے باپ تو ہمارے لیے خداسے مغفرت طلب کر (سورہ یوسف ، ۹۷) ۔تو کیایہ شرک تھا ؟ ! ی... جس مقام پرقرآن شریف میںیہ ذکر آتاہے : ولو انھم اذ ظلمو اانفسھم جا ء و ک فاستغفرو ا اللہ واستغفرلھم الر سول و جد واللہ توا با رحیما جس وقت اپنے نفوس پرظلم کر تے ہیں ،اگر وہ تیرے پاس آتے ہیں اور خدا سے مغفرت طلب کرتے ہیں . اور رسول بھی ان کے لیے مغفرت طلب کرے تو وہ خدا کوتواب اور رحیم پا ئیں گے ۔ ( سورہ نساء ، ۶۴ ) ۔ تو کیا یہ کفر کی طر ف دعوت ہے ؟ شفاعت اور توسل حقیت اس کے سوا کچھ اور نہیں ہے (1) ۔ ۴پروردگار ! ... تو ہمارے دلوں کو توحید اورمعرفت کے نو ر سے منوّ ر کر تاکہ ہم تیرے سوا کسی کو نہ دیکھیں ،تیرے سوا کسی کی جستجو نہ کریں اور تیرے سوا کسی کی آرزو نہ کریں ۔ خدا وندا ... تواپنی ذاتِ پاک سے ہمارے ارتباط کوروز بروز محکم کرتاجا . تاکہ اس طریقے سے ہماری روح پرتیری ذات کی بقائے جاو دانی کا پر تو پڑ ے ۔ بار الہٰا ... تو ہمارے دلو ں سے دنیا کی محبت ، بڑائی کو خواہش اورفساد فی الارض کو دوررکھ اور تو ہمیں ان پر ہیز گارون کی صف میں جگہ دے جن کے لیے ” عاقبت نیک “ ہے (والعاقبةللمتقین ) ۔ 1۔ اس مسئلے کی زیادہ توضیح کے لیے جلد چہارم میں سورہ مائدہ کی آیت ۳۵ کے ذیل میں اور جلد میں س ورہ بقرہ کی آیت کے ذیل میں رو جو ع کریں۔

سوره قصص / آیه 85 - 88

۸۵ ۔ إِنَّ الَّذی فَرَضَ عَلَیْکَ الْقُرْآنَ لَرادُّکَ إِلی مَعادٍ قُلْ رَبِّی اٴَعْلَمُ مَنْ جاء َ بِالْہُدی وَ مَنْ ہُوَ فی ضَلالٍ مُبینٍ ۸۶۔وَ ما کُنْتَ تَرْجُوا اٴَنْ یُلْقی إِلَیْکَ الْکِتابُ إِلاَّ رَحْمَةً مِنْ رَبِّکَ فَلا تَکُونَنَّ ظَہیراً لِلْکافِرینَ ۸۷ ۔وَ لا یَصُدُّنَّکَ عَنْ آیاتِ اللَّہِ بَعْدَ إِذْ اٴُنْزِلَتْ إِلَیْکَ وَ ادْعُ إِلی رَبِّکَ وَ لا تَکُونَنَّ مِنَ الْمُشْرِکینَ ۸۸ ۔وَ لا تَدْعُ مَعَ اللَّہِ إِلہاً آخَرَ لا إِلہَ إِلاَّ ہُوَ کُلُّ شَیْء ٍ ہالِکٌ إِلاَّ وَجْہَہُ لَہُ الْحُکْمُ وَ إِلَیْہِ تُرْجَعُونَ ترجمہ ۸۵ ۔ وہ ذات جس نے تجھ پر قرآن فرض کیاہے وہی تجھے تیرے انجام تک پہنچا دے گا . کہہ دے کہ میرار ب اسے بھی خوب جانتاہے جو ہدا یت لے کر آیا اوراسے بھی جو کھلی گمراہی میں ہے ۔ ۸۶ ۔ اور تجھے یہ توقع نہ تھی کہ یہ کتاب تجھ پر نازل کی جائے گی . مگر یہ محض تہرے رب کی رحمت سے تجھ پرنازل ہوئی ہے پس ہر گز کافروں کامدد گار نہ ہونا ۔ ۸۷۔ اور بعد از نزول وہ تجھے آیات خداکی تبلیغ سے روک نہ دیں . انھیں خداکی طرف دعوت دے اور مشرکوں میں سے نہ ہو ۔ ۸۸۔ اور خدا کے ساتھ کسی اور معبود کو مت پکارو کیونکہ اس کے سوا کوئی معبود نہیں . اس کی ذات کے سواہر شے فانی ہے . حکم اسی کا ہے اور سب کچھ اسی کی طرف لوٹ جائے گا ۔