In this there is a proof of hiding faith when life is in danger, for declaring when there is no go with an apology for previous behaviour unto Almighty Who is merciful to him for penance offered.

1. جادوکی حقیقت کیاہے ؟

جادوکی حقیقت کیاہے ؟ اگرچہ ہم اس سے پہلے تفصیل کے سا تھ اس سلسلے میں بحث کرچکے ہیں ک،لیکن ہم اس مقام پربھی ،مختصر و ضاحت کے طورپر ،چندجملے بیان کرنامناسب سمجھتے ہیں” سحر “ دراصل ہر اس چیز اور پر اس کام کے معنی میں ہے کہ جس کاماء خذ مخفی اور پہناں ہو لیکن روزمرہ کی زبان میں ایسے غیرمعمولی کاموں کو کہاجاتاہے جومختلف وسائل سے استفادہ کرتے ہوئے انجام پاتے ہیں ۔ کبھی تواس میں مخض چالاکی ، دھوکہ ، فریب نظر اور ہاتھ کی صفائی ہوتی ہے ۔ کبھی بعض اجسام و مواد کے طبیعاتی وکیمیائی غیر معلوم خواص سے استفادہ کرتاہے اور کبھی شیاطین سے مدد لی جاتی ہے اوریہ سب مفہوم اس جامع لغوی مفہومیں داخل ہیں ۔ تاریخ میں ہمیں جادواورجادوگروں کے بارے میں بہت سے واقعات ملتے ہیں اور آج بھی ہمارے اس زمانے میں،ایسے اشخاص کہ جواس قسم کے کاموں میں مشغول ہیں کم نہیں ہیں لیکن چونکہ موجودات کے بہت سے خواص جو گزشتہ زمانے میںعام لوگوں سے مخفی تھے ہمارے زمانے میںواضح اور آشکار ہوگئے ہیں،یہاں تک کہ مختلف موجودات کے تعجبّ انگیز آثار کے بارے میں بہت کتابیں لکھی گئی ہیں، لہذا جادوگروں کے جادو کابہت ساحصّہ ان کے ہاتھ سے چھن گیاہے ۔ مثلاً آج ہم علم کیمیاکے ذریعے بہت سے ایسے اجسام کوجانتے ہیں کہ جن کاوزن ہواہواسے بھی زیادہ ہلکاہے اوراگرانہیں کسی جسم کے اندر رکھاجائے توممکن ہے کہ اس جسم میں حرکت پیداہوجائے اورکسی کواس سے تعجب بھی نہ ہوگا یہاں تک کہ موجودہ زمانے کے بچّو ک بہت سے کھلونے شاید گزشتہ زمانے میں جادوکی کوئی قسم معلوم ہوتے ہوں ۔ آج کل سرکسوں میں ایسی نمائشیں دکھائی جاتی ہیں ،کہ جو گزشتہ زمانے کے جادوگروں کے جادوکے مشابہ ہیں،آئےنے،طبیعاتی اور کیمیائی اجسام کے خواص ،روشنی کی چمک سے ،کئی طرح سے استفادہ کرتے ہوئے عجیب وغریب منظر پیش کیے جاتے ہیں،کہ جنہیں دیکھ کربعض اوقات دیکھنے والوں کے منہ کھلے کے کھلے رہ جاتے ہیں ۔ البتہ ریاضت کرنے والوں کے غیر معمولی اعمال انے مقام پر خود ایک علیحدہ داستان ہیں جو بہت ہی حیرت انگیز اور تعجب خیز ہیں ۔ بہر حال جادواور سحر کوئی ایسی چیز نہیں کہ جس کاانکار کیاجائے یااسے خرافات اور فضول باتوں سے نسبت دی جائے چاہے گزشتہ زمانے میں ہویاموجودہ زمانہ میں ۔ قابل توجہ نکتہ یہ ہے کہ جادواسلام میں ممنوں اور گناہ ہان کبیرہ میں سے ہے کیونکہ بہت سے موقعوں میں،لوگوں کے گمراہ ہوجانے ،حقائق کی تحریف کرنے اور سادہ لو ح افراد کے مقائد کی بنیاد کو متنرلزل کرنے کاباعث ہوجاتاہے البتہ اس اسلامی حکم میں،بہت سے دوسرے احکام کی مانند ،استثنائی صورتیں بھی ہیں منجلہ ان کے نبوّت کاجھوٹا دعویٰ کرنے والے کے دعوے ٰ کوباطل کرنے کے لیے جادوکے اثر کوان لوگوں سے دور کرنے کے لیے کہ جو اس سے تکلیف اٹھارہے ہوں ،جادوکاسیکھنامستثنیٰ ہے ۔ سورة بقرہ کی آیت ۱۰۲ ، ۱۰۳ کے ذیل میں بھی ،اس تفسیر کی پہلی جلد میں،ہم اس بارے میں تفصیل کے ساتھ بات کرچکے ہیں ۔

سوره طه / آیه 65 - 69

۶۵۔ قالو ایٰا موسٰی امّآ ان تلقی وامّا ٓ ان نکون اوّل من القٰی ۶۶ ۔ قال بل القوا فاذ حبالھم وعصیھم یخیل الیہ من سحرھم انھا تسعٰی ۶۷۔ فاوجسافی نفسہ خیفة موسٰی ۶۸۔ قلنالاتخف انک انت الاعلیٰ ۶۹۔ والق مافی یمینک تلقف ماصنعو ا انما صنعو اکید سٰحر ولایفلح الساحر حیث اتٰی ترجمہ ۵۶۔ (جادوگروں نے ) کہااے موسٰی ! کیاتو پہلے (اپنے عصاکو ) پھنکے گا یاپہلے ہم پھینکیں ؟ ۶۶۔ (موسٰی نے )کہاپہلے تم پھنکو ں،تو فوراًہی ان کی رسیاں اور لاٹھیاں ان کے جادو کے وجہ سے اسے ایسی نظر آنے لگیں جیسے وحرکت کر رہی ہوں ۔ ۶۷۔ موسٰی ۔اس وقت اپنے دل میں کچھ ڈرے ۔ ۶۸۔ ہم نے کہاڈرو نہیںیقیناکامیاب تو تم ہی ہوگے ۔ ۶۹۔ اور چیز تمہارے دائیں ہاتھ میں ہے (زمین پر ) ڈال دو ، یہ ان تمام چیزوں کو جنہیں انہوں نے بنایاہے نگل جائے گی کیونکہ وہ توصر ف جادوگر کامکرو فریب ہی ہیں اور جادو گرجہاں بھی جائے گافلاح نہیں پائے گا ۔

موسٰی بھی میدان میں آجاتے ہیں

موسٰی بھی میدان میں آجاتے ہیں : جادوگر ظاہر اً متحد ہوگئے اور انہونے عزم بالجبر م کرلیاکہ موسٰی کے ساتھ مقابلہ کریں گے جس وقت میدان میں قدم رکھاتو انہونے کہا : ” اے موسٰی ! کیاتوپہلے جادوکے آلات پھینکے گایاہم پہلے پھنیکیں(قالوایاموسٰی اماان تلقی واماان نکون اوّل من القٰی ) ۔ بعض مفسرین کے یہ بیان کیاہے کہ جادو گروں کی یہ تحویز کہ موسٰی پہلے اقدام کریںیاوہ پہل کریں ،ان کی طرف سے یہ موسٰی کاایک قسم کااحترم تھااورشاید یہی چیز تھی ،کہ جس نے اس قصّہ کے بعد انہیں ایمان لانے کی توفیق فراہم کی ۔ لیکن یہ بات بہت بعید نظر آتی ہے کیونکہ وہ پوری قوّت کے ساتھ یہ کوشش کررہے تھے کہ موسٰی (علیه السلام) اور ان کے معجزے کو درہم بر ہم کردیں بنابریںیہ تعبیر اس لیے ہوکہ وہ عوام پر اپنی خود اعتمادی ظاہرکریں ۔ لیکن موسٰی (علیه السلام) نے جلد بازی نہ کی کیونکہ انہیں اپنی کامیابی کاپوری اطمینان تھااوراس سے قطع نظر ،اس قسم کے مقابلوں میںعموماً وہ بازی لے جاتاہے کہ جو پیش قدمی نہ کرے ۔انہوں نے ان سے کہا ”تم پہلے پھینکو“ ( قال بل القوا ) ۔ اس میں شک نہیں کہ حضرت موسٰی (علیه السلام) کی طرف سے ان کویہ دعوت ِ مقابلہ ،حق کے آشکار ہونے کی تمہید تھی اورجناب موسٰی (علیه السلام) کی نظر میںیہ کام نہ صرف یہ کہ کوئی امرقبیح نہیں تھا بلکہ ایک امرواجب کامقدمہ تھا ۔ جادوگر وں نے بھی اس بات کو قبول کرلیااور جتنی لاٹھیاں اور سیاںوہ جادوکرنے کے لیے اپنے ہمراہ لائے تھے ،ان سب کوایک ہی بار میدان میں ڈال دیا،اور اگرہم اس روایت کوکہ جس میںیہ بیان ہواہے کہ : وہ ہزاروں آدمی تھے ،قبول کرلیں ،تو اس کامفہوم یہ ہوگا،کہ انہوں نے ہزاروں لاٹھیاں اور سیاں کہ جن کے اندر ایک خاص قسم کامواد بھر اہواتھاایک لمحہ کے اندر میدان میں پھینک دیں ۔ ”اچانک ان کی رسیاں اورلاٹھیاں ان کے جادوسے اس طرح نظر آئیں جیسے وہ حرکت کررہی ہوں،( فاذاحبالھم وعصیھم یخیل الیہ من سحرھماانھاتسعٰی ) ۔ ہاں ! چھوٹے بڑے ،رنگ برنگے مختلف شکلوں کے سانپ اچھلنے کودنے لگے۔قرآن کی دوسری آیات میں اس سلسلے میں ہے : سحروااعین النّاس واسترھبوھم وجآء و بسحر عظیم (اعراف ،۱۱۶) ۔ انہوں نے لوگوں کی آنھکوں پرجادوکردیااور انہیںوحشت و گھبراہٹ میں ڈال دیا اور یہ ان کابہت ہی بڑا جادو تھا ۔ اور سوہ شعراء کی آیہ ۴۴ کی تعبیر کے مطابق : جادو گروں نے پکارکرکہا : وقالوا بعذّة فرعون انا لنحن الغالبون فرعوب کی عزّت کی قسم ہم کامیاب ہیں ۔ بہت سے مفسرین نے لکھاہے کہ انہوں نے بہت ساایسامواد جیسے ”پارہ “ ان رسیوں اورالاٹھیوں کے اندر بھراہواتھا،کہ جس سے سورج کی دھوپ میں اس مادہ کے گرم ہوجانے کی وجہ سے ،غیر معمولی دوڑبھاگ،اور مختلف قسم کی تیزحرکتیں ان میں شروع ہوگئیںیقینایہ حرکتیںچلنے بھرنے کی نہیں تھیں ،لیکن وہ بات جوجادوگروں نے لوگوں کو پہلے سے سمجھائی ہوئی تھی ،اس کے ساتھ یہ خاص منظر جووہاں وجود میں آیااس سے لوگوں کویوں لگاجیسے ان موجودات میں جن آگئی ہے اوروہ چل پھررہے ہیں” سحروااعین لناس “ کی تعبیر یعنی ”لوگوں کی آنکھوں پر جادوکردیا‘ ‘ بھی اسی معنی کی طرف اشارہ ہے اوراسی طرح ” یخیل الیہ “ یعنی موسٰی کویوں لگابھی ہوسکتاہے ، کہ اسی معنی کی طرف اشارہ ہو ۔ بہر حا ل بہت ہی عجیب منظر تھا ، جادوگرکہ جن کی تعداد بھی زیادہ تھی اوراس فن سے ان کی آگاہی بھی کمال درجہ کی تھی اور وہ اجسام کے طبعیاتی وکیمیائی خواص سے اس تفادہ کرنے کے طریقوں سے بھی اچھی طرح واقف تھے ،لہذا وہ حاضرین پراس طرح اثر انداز ہونے کے قابل ہوگئے کہ انہیںیہ یقین دلادیں کہ یہ تمام بے جان چیز یں ، جانداربن گئی ہیں ۔ خوشی کاایک شورفرعونیوں کی طرف سے بلند ہواکچھ لوگ خوف اور کھبرہٹ کی وجہ سے چیخنے لگے اور پیچے کی طرف ہٹ گئے ۔ ” اس موقع پر موسٰی نے ایک خفیف ساخوف اپنے دل میں محسوس کیا“ : (فاوجس فی نفسہ خیفةً موسٰی ) ۔ ”اوجس“ ”ایجاس “ کے مادہ سے اصل میں ” وجن “ (بروزن”حبس“) سے ہے جوایک پوشیدہ آواز کے معنی میں سے لیاگیاہے ، اس بناپر ” ایجاس “ ایک پوشیدہ اور اندرونی احساس کے معنی میں ہے ،اور یہ تعبیر اس بات کی نشاندہی کرتی ہے کہ موسٰی کایہ اندرونی خوف ،بالکل معمولی اور خفیف ساتھا،اور وہ بھی اس وجہ سے نہیں تھا،کہ وہ جادوگروں کے جادوکے اثر سے ،جورعب انگیز منظر وجودمیں آیااتھااس کی کسی اہمیت کے قائل ہوئے تھے بلکہ انہیںخوف اس بات کاتھاکہ کہیں لوگ ا س منظر سے متاثر نہ ہوجائیںاس طرح سے کہ انہیںواپس لوٹاناآسان نہ رہے ۔ یایہ کہ اس پہلے کہ موسٰی کواپنی معجزہ دکھانے کی مہلت ملے ،کچھ لوگ اس میدان سے ہی چلے جائیں ،یا انہیںیہاں سے باہر نکال دیاجائے اور حق واضح نہ ہو سکے ۔ جیساکہ نہج البلاغہ کے چھٹے خطبے میں ہے : لم یوجس موسٰی (ع) خیفة علی نفسہ بل اشفق من غلبة الجھال ودول الضلال موسٰی نے ہر گز اپنے دل میں اپنے لیے خوف محسوس نہیں کیاتھابلکہ وہ اس بات سے ڈرے کہ جاہل غالب آجائیں اور گمراہ حکومت کامیاب ہوجائے (۱) ۔ جوکچھ بیان ہوچکاہے ،اب اس کے بعد میں،حضرت موسٰی (علیه السلام) کے خوف کے بارمیں جو دو سرے جوابات ذکر ہوئے ہیں،ہم ان کو بیان کرنے کی کوئی ضرورت نہیں سمجھتے ۔ بہرحال اس موقع پرخداکی مدد اور نصرت موسٰی (علیه السلام) کے پاس آپہنچی اوروحی کے فرمان نے ان کی ذمّہ داری واضح کردی جیسا کہ قرآن کہتاہے :ہم نے اس سے کہا : خوف کواپنے قریب بھی نہ آنے دو یقینا تم ہی غالب رہوگے : ( قلنالاتخف انک انت الاعلیٰ) ۔ یہ جملہ پوری قاطیعت کے ساتھ موسٰی کواس کی کامیابی کے بارے میں دلی اطمینان دلارہاہے،(لفظ ” ان “ اور ضمیر کاتکراردونوں اس معنی میں پر ایک مستقل تاکید ہیں،اور اسی طرح اس جملے کاجملئہ اسمیہ ہونابھی ) اوراس طرح سے موسٰی نے اپنی قوّت قلب کوجولمحہ بھر کے لیے متزلزل ہوئی تھی ،پھر سے مجتمع کیا ۔ پھر ان سے فرمایاگیاجو کچھ تیرے دائیں ہاتھ میں ہے اسے نیچے ڈال دے جوکچھ انہونے بنایاہے یہ ان سب کونگل جائے گا (والق مافی یمینک تلقف ماصنعو ا ) ۔ چونکہ ان کاکام تو صرف جادوگرکامکروفریب ہے ۔(انماصنعو اکیدساحر) ۔ اور جادو گر جہاں کہیں بھی جائے گاکامیاب نہ ہوگا ۔( ولایفلح الساحرحیث اثی ) ۔ ”تلف “ ” لقف “ کے مادہ سے (جو”وقف “ کے وزن پرہے ) نگلنے کے معنی میں ہے لیکن راغب نفردات میںیہ کہتاہے ،کہ یہ لفظ اصل میں کسی چیز کومہارت کے ساتھ پکڑ نے کے معنی میں ہے منہ کے ساتھ ہویاہاتھ کے ساتھ اور بعض ارباب نعت نے اسے “ تیزی کے ساتھ پکڑنے “ کے معنی میں سمجھا ہے جیسے فارسی میں اس جگہ ” ربودن “ استعمال ہوتاہے (۲) ۔ یہ بات خاص طور پرقابل توجہ ِ ہے کہ : یہ نہیںفرمایاکہ کہ ” اپناعصا پھینکو“ بلکہ فرمایا : ” جوکچھ تمہارے ہاتھ میں ہے اسے پھینکوں“ ۔یہ تعبیرشایدعصاسے بے اعتبائی سے ہواوراس بات کی طرف اشارہ ہوکہ عصاکی کوئی اہمیت نہیں ہے جوبات اہم ہے وہ خداکاارادہ اور اس حکم ہے اگر اس کا ارادہ ہوتو عصاتو آسان ہے ،اس سے چھوٹی اور حقیر چیزبھی اس قسم کی قدرت نمائی کرسکتی ہے۔ یہ نکتہ بھی قابل ِ ذکر ہے کہ زیربحث آیت،میں لفظ ”سحر “ پہلی مرتبہ نکرہ کی شکل میں اوربعد میں اسم معرفہ کی صورت میں الف لام جنس کے ساتھ آیاہے یہ فرق شایداس بناپرہوکہ پہلی مرتبہ تو مقصد یہ ہے کہ ان جادوگروں کے کام سے بے اعتنائی برتی جائے اورجملے کامفہوم یہ ہے کہ جو کام انہوں نے کیاہے وہ کسی جادوگرکے مکرسے زیادہ کچھ نہیں ہے لیکن دوسری مرتبہ اس حقیقت کوسمجھاناچاہتاہے کہ نہ صرف یہ جادو گر بلکہ ہرجادوگر،جس زمانے،اورجس جگہ پیداہو ، وہ کامیاب اورفلاح یافتہ نہیں ہوگا ۔ ۱۔ حضرت علی علیہ اسلام نے یہ بات اس وقت فرمائی ہے جبکہ وہ لوگوں کے انحرا ف سے پریشان تھے و ہ اس حقیقت کی طرف اشارہ فرمارہے ہیں کہ میری پریشانی بھی اس بناء پر نہیں ہے کہ مجھے حق کے متعلق کچھ شک و شبہ ہے کیونکہ میں نے تو جس دن حق کودیکھا ہے ذرّہ بھر بھی مجھے شک اس میں نہیں ہوا ،بلکہ میں لوگوں کے انحراف کی وجہ سے پریشان ہوں ۔ ۲۔اوردو میں اسے ” اچک لینا“کہتے ہیں ۔

۲۔ جادوگر،کبھی بھی کامیاب نہیں ہوتا ؟

۲۔ جادوگر،کبھی بھی کامیاب نہیں ہوتا ؟ بہت سے لوگ پوچھتے ہیں کہ اگر جادوگر خارق عادت کام ۔جومعجزہ سے مشابہ ہیں ۔انجام دے سکتے ہیں توپھر ان کے کاموں اور معجزہ میں کس طرح فرق کیاجاسکتاہے ؟ اس وال کا جواب ایک نکتے کی طرف توجہ کرنے سے واضح ہوجاتاہے اور وہ یہ ہے کہ جادوگرکاکام ایک محدود انسانی قوّت کے سہارے سے ہوتاہے اور معجزہ خداکی بے پایاں اورلازوال قدرت سے معرض ِ وجود میں آتاہے ۔ لہذاجادوگرکچھ محدود کام ہی سرانجام د ے سکتاہے اور اگر وہ ان کے علاوہ کچھ اور کرناچاہے توعاجز ہوتاہے وہ صرف انہی کاموں کوانجام دے سکتاہے جن کی اس نے پہلے سے مشق کی ہو اوران کاماہر ہواور ان کے پیچ وخم سے آگاہ ہولیکن ا ن کے علاوہ دوسرے کاموں میںوہ بالکل عاجز ولاچار ہوگاجبکہ انبیاء ومرسل چونکہ خداکی لازوال قدرت سے مدد لیاکرتے تھے ،وہ زمین و آسمان میں ہر طرح اورہر قسم کاخارقِ عادت کام انجام دینے پرقادرتھے ۔ جادو گر لوگوں کی فرمائش کے مطابق خارق عاد ت کاانجام نہیں دے سکتاہے، مگریہ کہ اتفاقیہ طورپر اس کے کا م کے مطابق اہوجائے (اگر چہ وہ بعض اوقات اپنے ایسے دوستوں کو جنہیں لوگ پہچانتے نہیں ہیںیہ بات سکھادیتے ہیں کہ وہ لوگ ں کے درمیان میں سے اٹھ کھڑے ہوں،اور وہ فرمائشیں کریں جوپہلے سے معین شدہ ہیں) ۔ لیکن انبیاء بارہااور کسی اہم معجزات کہ جو حق کے متلاشی لوگ ان سے نبوّت کے طور پر طلب کیاکرتے تھے انجام دیتے رہے ہیں جیساکہ ہم حضرت موسٰی (علیه السلام) کی اسی سرگزشتہ میں مشاہدہ کریں گے ۔ اس کے علاوہ جادوچونکہ ایک انحرف کام ہے اورایک قسم کادھوکا اور فریب ہے لہذافطری طورپرایسی طبیعتیںچاہتاہے کہ جواس سے ہم آہنگ ہوں اورجادو گربلااستثناء دھوکاباز مکار اور فریبی قسم کے لوگ ہوتے ہیں،جنہیں ان کے مزاج اور اعمال و کردار کے مطالعے اور تحقیق سے ، بہت جلد پہچاناجاسکتاہے جبکہ انبیاء کااخلاص و پاکیزگی اور پاکبازی ایک ایسی سند ہے کے اعجاز کے ساتھ مل کر اس کے اثر کوکئی گناکردیتی ہے ،(غورکیجئے گا ) ۔ اورشایدیہی وجہ ہے کہ زیر نظر آیت کہتی ہے : ولایفلح الساحرحیث اتیٰ جادوگرکہیں بھی ہو، اور جن حالات اور جس زمانہ میں ہوفلاح اورکامیابی حاصل نہیں کرسکتا ۔ بقول معروف بہت جلد اس کابھانڈاپھوٹ جاتاہے ،کیونکہ اس کی قوّت محدود ہوتی ہے اوراس کے افکار و صفات انحرافی ہوتے ہیں ،یہ بات صر ف انہی جادوگرں کے ساتھ مخصوص نہیں ہے کہ جو انبیاء کے مقابلے میں آتے تھے ،بلکہ تمام جادوگروں پرپوری طرح صادق آتی ہے کہ وہ جلد ی ہی پہچان لیے جاتے ہیں اور کبھی کامیاب نہیں ہوتے ۔

[Pooya/Ali Commentary 20:67] (see commentary for verse 9)