[Pooya/Ali Commentary 67:28] Aqa Mahdi Puya says: As pointed out in Ma-idah: 17 Allah has the absolute authority over the entire universe.

ایک نکتہ

جو روایات کے ائمہ اہل بیت علیہم السلام سے ہم تک پہنچی ہیں، ان میں اس آخری آ یت کی حضرت مہدی علیہ السلام کے ظہور اوران کے وسیع عالمی عدل کے ساتھ تفسیر ہُوئی منجملہ ایک حدیث میں امام باقر علیہ السلام سے اس آیت کی تفسیر میں آ یاہے : نزلت فی الام القائم(ع)یقول ان اصبح امامکم غائباًعنکم لا تدرون این ھو؟فمن یأتیکم بامام ظاھر یأ تیکم باخبار االسماوات والار ض وجلال اللہ وحرامہ،ثم قال واللہ ماجاء تأ ویل ھٰذہ الاٰ یة ولا بد ان یجی ء تأیلھا۔ یہ آ یت اس امام علیہ السلام کے بارے میں نازل ہُوئی ہے جوعدلِ الہٰی کے ساتھ قیام کرے گا (حضرت مہدی ) علیہ السلام وہ کہتا ہے کہ اگر تمہاراامام غائب ہوجائے اور تمہیںمعلوم نہ ہو کہ وہاں کہاںہے توکون تمہارے لیے امام کو بھیجے گاجو آسمانوںاور زمین کی خبریںاورخدا کے حلال وحرام کوتمہارے لیے بیان کرے اس کے بعد فرمایا خدا کی قسم اس آ یت کی تاویل ابھی تک نہیں آ ئی اوربآ لا خر یہ آکر رہے گی ( ۱)۔ اِس سلسلہ میں روایات بہت زیادہ ہیں لیکن اس بات پر توجّہ رکھنی چاہیے کہ یہ سب تطبیق کے طورپر ہیں دوسرے لفظوں میں آ یت کاظاہر توجاری پانی کے ساتھ ہی مربوط ہے جوزندہ موجودات کی حیات و زندگی کاباعث ہے مگر آ یت کاباطن امام کے وجُود اوران کے وسیع عالم و عدالت کے ساتھ مربوط ہے کیونکہ وہ بھی انسانی مُعاشرے کی حیات کاسبب ہے ۔ ہم نے بارہا کہا ہے کہ آ یات ِقرآنی کے متعدّدمعانی اوران کاظاہر و باطن ہوتاہے لیکن ہم اس نکتہ کابھی تاکید کے ساتھ تکرار کرتے ہیں کہ بطونِ آ یات کی طے تک پہنچنااورانہیں معلوم کرنا سوائے پیغمبر(صلی اللہ علیہ وآلہ وسلم)اورامام معصُوم کے ممکِن نہیں اور کسِی شخص کویہ حق نہیں ہے کہ کسِی چیز کو آ یت کے باطن کے عنوان سے اپنی طرف ،سے پیش کرے .ہم جوکچھ کہتے ہیں وہ آ یات کے ظواہر کے ساتھ مربُوط ہے اورجو چیز بطون آ یات کے ساتھ مربُوط ہے وہ ہمیں صرف معصُوم مین علیہم السلام ہی سے سننا چاہیے ۔ سورہ ملک خدا کی حاکمیت و مالکیت سے شروع ہوئی اوراس کی رحمانیّت پر کہ جواس کی حاکمیّت اور مالکیّت کی ایک شاخ ہے ، ختم ہورہی ہے ،اِس طرح سے اس کا آغازوانجام مکمل طورپر ہم آہنگ ہے ۔ خداوندا !ہمیں اپنی عام اورخاص رحمت کامشمول قرار دے اوراپنے اولیاء کی ولایت کے آبِ حیات سے سیراب فرما۔ پروردگار ا!حضرت مہدی علیہ السلام کاظہور جلد فرما کہ جوآبِ حیات کاسرچشمہ ہے . ہاں ان کے جمال کے متوالوںکوان کے ظہور سے سیراب کردے ۔ بار الہٰا !تونے ہمیں دیکھنے والی آنکھ ،سننے والے کان اورسمجھنے والی عقلی مرحمت فر مائی ہے .پس خودخواہی اور غرور کے پر دوں کوان کے سامنے سے ہٹادے تاکہ ہم حقیقت کے چہرے کو جس طرح کاوہ ہے اسی طرح سے دیکھ سکیں اورتیری ہدایت کے صراط مستقیم میں راست قامت ہو کر قدم بڑھائیں ۔ ۱۔نورالثقلین ،جلد ٥،صفحہ ٣٨٧۔ آمین یارب العالمین سورہ ملک کا اختتام

سوره ملک/ آیه 28- 30

٢٨۔ قُلْ أَ رَأَیْتُمْ ِنْ أَہْلَکَنِیَ اللَّہُ وَ مَنْ مَعِیَ أَوْ رَحِمَنا فَمَنْ یُجیرُ الْکافِرینَ مِنْ عَذابٍ أَلیمٍ ۔ ٢٩۔قُلْ ہُوَ الرَّحْمنُ آمَنَّا بِہِ وَ عَلَیْہِ تَوَکَّلْنا فَسَتَعْلَمُونَ مَنْ ہُوَ فی ضَلالٍ مُبینٍ ۔ ٣٠۔ قُلْ أَ رَأَیْتُمْ ِنْ أَصْبَحَ ماؤُکُمْ غَوْراً فَمَنْ یَأْتیکُمْ بِماء ٍ مَعینٍ۔ ترجمہ ٢٨۔ کہہ دیجئے : اگرخدامجھے اوران تمام لوگوں کوجومیرے ساتھ ہیں ہلاک کردے یا ہم پررحم کردے تو بھی کافروں کودرد ناک عذاب سے کون پناہ دے گا ؟ ٢٩۔کہہ دیجئے : وہ خدا رحمن ہے ، ہم اس پر ایمان لائے ہیں اوراسی پر ہم نے توکّل کیاہے ، اورعنقریب تم جان لوگے کہ کون شخص واضح گمراہی میں ہے ۔ ٣٠۔کہہ دیجئے : مجھے بتائو اگرتمہاری ( سرزمین کے )پانی زمین کے اندر چلے جائیں تو کون تمہارے لیے جاری پانی لا سکتاہے ؟

جاری پانی تمہارے اختیار میں کون دیتاہے ؟

اورپر والی آ یات جوسورةملک کی آخری آ یات میں اوروہ سب لفظ قل جو پیغمبر (صلی اللہ علیہ وآلہ وسلم)کوخطاب ہے شروع ہوتی ہیں ، انہیں باتوں کو جاری رکھے ہُوئے جوگزشتہ آ یات میںکفّار کے ساتھ ہُوئی ہیں اوران کے دُوسرے پہلُوان آ یات میں بیان ہُوئے ہیں ۔ سب سے پہلے ان لوگوںکے بارے میں جوغالباً پیغمبر(صلی اللہ علیہ وآلہ وسلم)اوران کے اصحاب کی موت کے انتطار میں تھے .وہ یہ گُمان کرتے تھے کہ آپ کی وفات سے آپ کادین ختم ہوجائے گا اور باقی کچھ نہ رہے گا ، (عام طورپر شکست خُوردہ دشمن سچّے رہبروںکے بارے میںہمیشہ یہی توقع رکھتے ہیں)فرماتاہے : کہہ دیجیے اگرخُدا مجھے اوران تمام کو جومیرے ساتھ میں ختم کردے یاہم پر رحم کرے تو بھی کفّار کو درد ناک عذاب سے کون پناہ دے گا؟ (قُلْ أَ رَأَیْتُمْ ِنْ أَہْلَکَنِیَ اللَّہُ وَ مَنْ مَعِیَ أَوْ رَحِمَنا فَمَنْ یُجیرُ الْکافِرینَ مِنْ عَذابٍ أَلیمٍ )۔ بعض روایات میں آ یاہے کہ کفار مکہ پیغمبر اسلام (صلی اللہ علیہ وآلہ وسلم)اورمُسلمانوںکے لیے بددعا (نفرین)کیاکرتے اوران کی موت کی دعائیں مانگا کرتے تھے ،ان کاگمان یہ تھاکہ اگرآنحضرت (صلی اللہ علیہ وآلہ وسلم) دنیا سے چلے جائیں توآپ کی دعوت بھی ختم ہوجائے گی ، تب اوپر والی آ یت نازل ہُوئی اورانہیں جواب دیا۔ اس معنی کے مشابہ سورة طُور کی آ یت ٣٠ میں بھی آ یاہے ،جہان کہتاہے کہ: ام یقولون شاعر نتر بص بہ ریب المنون وہ کہتے ہیں کہ محمد (صلی اللہ علیہ وآلہ وسلم )ایک شاعر ہے جس کی موت کاہم انتظار کررہے ہیں ۔ وہ اس بات سے غافل ہیں کہ محمد مصطفٰے (صلی اللہ علیہ وآلہ وسلم)سے الطاف حق تعالیٰ کاوعدہ ہے کہ اگر وہ مر بھی جائیں تواس سے حق کاپیغام نہیں مر ے گا . ہاں !اس دین کی کامیابی اور تمام جہان پر اس کے غلبہ کاانہیںوعدہ دیاگیاہے ،اورپیغمبر اکرم (صلی اللہ علیہ وآلہ وسلم)کی حیات اورموت کسِی چیز کونہیں بدلے گی۔ بعض نے اس آ یت کی ایک اور تفسیر بیان کی ہے کہ خداپیغمبر (صلی اللہ علیہ وآلہ وسلم)سے یہ فرمارہا ہے : کہہ دیجئے ، ہم خدا پرایمان رکھنے کی بناء ، پر خوف ورجاء کے درمیان ہیں، تم اپنے بارے میں کیا سوچتے ہو ؟ لیکن پہلی تفسیر زیادہ صحیح نظر آ تی ہے ۔ اسی بات کوجاری رکھتے ہُوئے مزیدکہتاہے : ان سے کہہ دیجئے کہ وہ خدا رحمن ہے ہم اس پر ایمان لا ئے ہیں اوراسی پر ہم اس پر ایمان لائے ہیں اوراسی پر ہم نے توکّل کیاہے ،اورعنقریب تم جان لو گے کہ واضح گمراہی میں کون ہے (قُلْ ہُوَ الرَّحْمنُ آمَنَّا بِہِ وَ عَلَیْہِ تَوَکَّلْنا فَسَتَعْلَمُونَ مَنْ ہُوَ فی ضَلالٍ مُبین)۔ یعنی اگرہم خداپر ایمان لے آئے ہیں اوراسے اپناولی ، وکیل اور سر پرست سمجھا ہے تو اس کی دلیل واضح ہے ، وہ خدا ئے رحمن ہے .اس کی رحمت عمومی ہرجگہ پہنچتی ہُوئی ہے اوراس کے انعام کے فیض نے دوست اور دشمن سب کو گھیر رکھاہے کہ عالم ہستی اور صفحہ ٔزندگی پر مختصر سی نگاہ اس مُدّعاکی شاہد ہے . لیکن تمہارے معبودوں نے کون ساکام کیاہے ؟اگرچہ تمہاری ضلالت و گمراہی اسی سے واضح ہے لیکن آخرت میں اورزیادہ واضح ہوجائے گی،یااس دنیامیں جب اسلام خُدائی امدادوںسے لشکرِکفر پر کامیاب ہوجائے گا تواس معجزانہ کامیابی سے حقیقت اور زیادہ واضح ہوجائے گی ۔ یہ آ یت حقیقت میں پیغمبر اسلام اورمومنین کے لیے ایک قسم کی تسلّی ہے کہ وہ یہ خیال نہ کریں کہ وہ حق وباطل کے اس مبارزہ میں تنہا ہیں ، بلکہ بخشنے والا اورمہر بان خداان کایارومددگار ہے ۔ آخری آ یت میں خداکی رحمت ِ عامّہ کے ایک مصداق کے ذکر کے عنوان سے کہ جس سے لوگ ف غافل ہیں،کہتاہے : کہہ دیجئے : مجھے بتائو وہ پانی جس سے تم استفادہ کررہے ہو، اگر وہ زمین کے اند ر دُورتہ میں چلاجائے توکون تمہارے لیے جاری پانی لاسکتا ہے (قُلْ أَ رَأَیْتُمْ ِنْ أَصْبَحَ ماؤُکُمْ غَوْراً فَمَنْ یَأْتیکُمْ بِماء ٍ مَعینٍ )۔ ہم جانتے ہیں کہ زمین دوقسم کے مختلف قشروں سے بنی ہے نفوذ پذیر قشرجوپانی کواپنے اندرلے جاتاہے اوراس کے نیچے نفوذناپذیر قشر ہے جوپانی کو وہیں محفوظ رکھتاہے . تمام چشمے ،کنوئیں،ندی، نالے اسی خاص ترکیب کی برکت سے وجودمیں آ ئے ہیں.کیونکہ اگرتمام روئے زمین زیادہ گہرائیوں تک نفوذ پذ یرقشر ہوتی تو پانی اتنا نیچے چلا جاتاکہ ہرگز اس تک کسِی کی رسائی نہ ہوتی .اگروہ ساری کی ساری نفوذ ناپذیر ہوتی تو رُوئے زمین کے تمام پانی اس کے اوپر ہی کھڑے رہتے اور دلدل اورکیچڑ میں تبدیل ہوجاتے یاجلدی سمندر وں میں جاپڑ تے اوراس طرح سے پانی کے زیر زمین ذخیرے ہاتھ سے نکل جاتے ۔ خداکی رحمت کایہ ایک چھوٹا سانمونہ ہے کہ جس سے انسان کی موت وحیات شدّت کے ساتھ وابستہ ہے معین معن (بروزن طعن )کے مادہ سے پانی کے جاری ہونے کی معنی میں ہے اور بعض یہ کہتے ہیںکہ یہ عین سے لیاگیاہے اوراس کی میم زائدہ ہے .اِسی لیے بعض مفسّرین نے معین کواس پانی کے معنی میں لیا ہے جوآنکھ سے دیکھا جاسکے اگرچہ وہ جاری نہ ہو ۔ لیکن اکثر نے اس جاری پانی کے معنی میں ہی تفسیر کی ہے ۔ اگرچہ وہ پانی جو پیاجاتا ہے وہ جاری پانی میں مُنحصر نہیں ہے ،لیکن اس میں شک نہیں کہ جاری پانی ان کی بہترین قسم شمار ہوتاہے،چاہے وہ دریا ، نہروں،ندی ،نالوںاور ابلنے والے کنو ؤں کی صورت میں ہو۔ بعض مفسّرین نے نقل کیاہے کہ جب ایک کافر نے یہ آ یت سُنی جویہ کہتی ہے : اگرتمہارے استعمال میں آ نے والاپانی زمین کی تہ میں چلا جائے توکون تمہارے لیے آبِ جاری لادے گا تو اس نے کہا رجال شداد ومعاول حداد !(طاقتور مرد اورتیز کدال )پانی کوزمین کی گہرائیوں میں سے نکال لائیں گے .لیکن رات کوجب وہ سویاتواس کی آنکھ میں آبِ سیاہ ( کالاموتیا)اتر آ یا، اس حال میں اس نے ایک آوازاسُنی جوکہہ رہی تھی : ان قوی پنجرمردوںاور تیز کدالوںکو لے آ تاکہ وہ اس پانی کوتیر ی آنکھ سے باہر نکالیں ۔ لیکن موجودہ زمانہ میں ہم جانتے ہیںکہ اگر زمین کا نفوذ ناپذیر قشر ختم ہوجائے توکوئی قوی پنجہ انسان اورتیز کدال پانی کونہیں نکال سکتا (١)۔ ١۔ابو الفتوح رازی ، جلد ١١ ،صفحہ ٢١٩۔