٢۔ قرآن وطہار ت

مندرجہ بالاآ یت میں ہم نے پڑھاہے کہ قرآن کوپاک لوگوں کے علاوہ کوئی مَس نہیں کرتا اور ہم نے بتایاہے کہ اس آ یت کی مس ظاہری سے بھی تفسیر ہوئی ہے مس معنوی سے بھی اور دونوں تفسیریں آپس میں تضاد بھی نہیں رکھتیں ، اور آ یت کے مفہوم کلی میں موجود ہیں ۔ پہلے حصّہ میں روایت ِ اہل بیت میں حضرت ابوالحسن امام علی ابن ِ موسیٰ رضا علیہ السلام سے منقول ہے : المصحف لاتمسہ علی غیر طھر ولا جنبا ولاتمس خطہ ولا تعلقہ ان اللہ تعالیٰ یقول:لایمسہ الّا المطھرون۔ قرآن کووضو کے بغیر مُس نہ کر اورجنابت کی حالت میں بھی مَس نہ کر اوراس حالت میں اس کی تحریر کومَت چھُواوراسے حمائل نہ کرکیونکہ خداوند تعالی نے فر مایا ہے سوائے پاکیزہ لوگوں کے اسے کوئی مَس نہیں کرتا ( 1) ۔ یہی معنی ایک اورحدیث میں امام محمد باقر علیہ السلام سے مختصر فرق کے ساتھ منقول ہے (2) ۔ منابع اہل سُنّت میں بھی آ یا ہے اورمختلف طرق سے بھی نقل ہواہے کہ پیغمبر (صلی اللہ علیہ وآلہ وسلم)نے فرمایا: لایمس القراٰن الّاطاھر ۔ قرآن کوپاکیزہ افراد کے علاوہ کوئی مَس نہ کرے ( 3) ۔ مِس معنوی کے بارے میں ابن ِ عباس کے ذ ریعے پیغمبرگرامی (صلی اللہ علیہ وآلہ وسلم)سے منقول ہے کہ آپ (صلی اللہ علیہ وآلہ وسلم) نے فرمایا: انہ لقراٰن کریم فی کتاب مکنون قال : عنداللہ فی صحف مطھرة لایمسہ الّا المطھرون قال: المقربون ۔ یہ قرآن کریم ہے جوپوشیدہ (لوح محفوظ)کتاب میں ہے ، خدا کے پاس پاکیزہ صفحات میں ہے اور سوائے پاکیزہ لوگوں کے اسے کوئی مَس نہیں کرتا ،پاک لوگوں سے مراد مقربین ہیں ( 4) ۔ یہ مطلب ازرُوئے عقل بھی مدلل ہے کیونکہ قرآن مجید اگرچہ سب لوگوں کی ہدایت کے لیے ہے لیکن ہم جانتے ہیں کہ بہت سے ایسے لوگ تھے جوقرآن کوپیغمبر(صلی اللہ علیہ وآلہ وسلم)کے لب ہائے مبارک سے سُنتے تھے اوراس آب زلالِ حقیقت کوسرچشمہ وحی میں دیکھتے تھے لیکن چونکہ تعصّب ،عناد اورہٹ دھرمی کاشکارتھے انہوں نے اس سے کوئی فائدہ نہیں اُٹھا یا لیکن جن لوگوں نے تھوڑا سااپنے آپ کوپاک کیااورحق کے جذبے اورتحقیق کی رُوح کے ساتھ اس کی طرف آ ئے وہ ہدایت پاگئے ،اس بناپر جس شخص میں جس قدرانسانی پاکیز گی زیادہ ہوگی اورتقویٰ زیادہ ہوگاوہ قرآن مجید سے زیادہ عمیق مفاہیم حاصل کرسکے گا ،لہٰذا یہ آ یت اس طرح جسمانی اوررُوحانی دونوں جہتوںسے منطبق ہوتی ہے ، بغیر کہے یہ امرواضح ہے کہ ذات ِپیغمبر(صلی اللہ علیہ وآلہ وسلم)ایٔمہ معصومین اورملائکہ مقربین اس کے زیادہ واضح مصداق ہیں اور وہ حقائق قرآن کاسب سے بہتر ادراک کرتے ہیں ۔ 1۔وسائل الشیعہ جلد ١ ،صفحہ ٢٦٩۔حدیث ٣ ۔اس حدیث کے مطابق اوپر والی آ یت میں نفی نہی سے کنایہ ہے ۔ 2۔وسائل الشیعہ ،جلد ١ ،صفحہ ٢٧٠ ۔حدیث ٥۔ 3۔یہ حدیث دراالمنثور میں عبداللہ ابن عمر ، معاذ ابن جبل اورابنِ جزم کے واسطے سے پیغمبر سے منقول ہے جلد ٦ ،صفحہ ١٦٢ ۔ 4۔درالمنثور ،جلد ٦ ،صفحہ ١٦٢۔

١۔ قرآن مجید کی خصُوصیت

ان چار اوصاف سے جومندرجہ بالاآ یتوں میںقرآن کے بارے میں بیان ہوئے یہ نتیجہ اخذ کیاجاسکتاہے کہ قرآن کی عظمت ایک تواس کے موضوعات ومضامین کی وجہ سے ہے،دوسرے اس کے معانی کے عمق کی وجہ سے ہے ،تیسرے اس پاکیزگی کی وجہ سے ہے کہ نیک اورپاک افراد کے سواکوئی اس تک رسائی حاصل نہیں کرسکتا، اور چوتھے اس وجہ سے کہ یہ حد سے زیادہ تربیّتی پہلولیے ہوئے ہے ۔ اس لیے کہ ربّ العالمین کی طرف سے نازل ہوا ہے ۔ان چار وں موضوعات میں سے ہرموضوع مفصل بحث کامحتاج ہے جسے ہم نے مناسب آ یات کے ذیل میں بیان کیاہے ۔

صِرف پاکیزہ افراد حریم قرآن تک رسائی حاصل کرسکتے ہیں

اِن بہت سے مباحث کے بعد جوگزشتہ آیات میںقیامت کے بارے میں سات دلیلوں کے ساتھ آ ئے اِن آیات میںگفتگو قرآنِ مجید کی اہمیّت کے بارے میں کیونکہ مسئلہ نبوّت اور مسئلہ نزولِ مبداء ومعاد کے مسائل کے بعداہم ترین اعتقادی ارکان کوتشکیل دیتے ہیں ۔علاوہ ازیں قرآن مجید توحید ومعاد جیسے دواصولوں کے پس منظر کے لیے عمیق بحث پیش کرتاہے اورمسئلہ نبوّت ونزول قرآن کے مرتبہ کااستحکام توحید ومعاد کااستحکام شمار ہوتاہے ۔سب سے پہلے ایک بڑاقسم کے ساتھ گفتگو شروع کرتے ہوئے فرماتاہے: قسم ہے ستاروں کی جگہ کی اوران کے محل طلوع وغروب کی (فَلا أُقْسِمُ بِمَواقِعِ النُّجُومِ ) ۔ بہت سے مفسّرین کایہ عقیدہ ہے کہ لا یہاں نفی کے معنی میں نہیںہے کہ بلکہ زائدہ ہے اورتاکید کے لیے ہے ، جیساکہ قرآن کی دوسری آ یات میںیہی تعبیر روزِ قیامت ،نفسِ لوّامہ ، مشرقوں اورمغربوں کے پروردگار کاشفق کی قسموں کے سلسلہ میں آئی ہے ، بعض دوسرے مفسّرین لا کویہاں نفی کے معنوں میں لیتے ہیں اوراس طرف اشارہ سمجھتے ہیں کہ موضوع قسم اس سے زیادہ اہمیّت رکھتاہے کہ اس کی قسم کھائی جائے۔ جیساکہ روز مرّہ ہم دیکھتے ہیں کہ میںفلاں چیز کی قسم نہیں کھاتا۔ لیکن پہلی تفسیر زیادہ مناسب نظرآتی ہے کیونکہ قرآن میں خدا کی پاک ذات کی صراحت کے ساتھ قسم کھائی گئی ہے توکیا ستارے خداسے بہتر وبرتر ہیں کہ ان کی قسم نہ کھائی جائے ۔ مفسرین نے مواقع النجوم کے بارے میںمتعدد تفسیریں پیش کی ہیں، پہلی وہی جوہم نے ابھی بیان کی یعنی ستاروں کی جگہ اوران کے مدار وگزر گاہ کی قسم ۔ دوسرے یہ کہ مرادان کامحل طلوع وغروب ہے ۔ یہ بھی ہوسکتاہے کہ اس سے ستاروں کاقیامت میں گرنامراد ہو، بعض نے اس کی صرف ستاروں کے غروب کے ساتھ تفسیر کی ہے اور بعض نے ،چند روایات کی پیروی کرتے ہوئے ،اسے قرآن کے مختلف حصّوں کے مختلف زمانی فاصلوں کے ساتھ نزول کی طرف اشارہ سمجھاہے (کیونکہ نجوم ،جونجم کی جمع ہے وہ تدریجی کاموں کے بارے میں استعمال ہوتی ہے ،اوران سب معانی کے درمیان منافات بھی نہیں ہے )ہوسکتاہے کہ یہ سب معانی زیربحث آ یت کی تفسیر میں شامل ہوں ، لیکن پہلی تفسیر سب سے زیادہ مناسب نظر آتی ہے ۔ کیونکہ ان آیات کے نزول کے وقت اکثر لوگ اس قسم کی اہمیّت کونہیں جانتے تھے لیکن اِس زمانہ میں ہم پریہ واضح ہوگیاہے کہ آسمان کے ستارون میںسے ہرایک کی ایک معیّن جگہ ہے اوراس کامدار قانون ِ جاذبہ ودافعہ کے مطابق معیّن ومقرر ہے اور بہت ہی دقیق حساب کے مطابق ہے اور ان میں سے ہرایک کی سُرعت رفتار ایک معیّن پروگرام کے مطابق طے پاتی ہے ،جوکُرّے سے زیادہ دُورواقع ہیں ان کابالکل ٹھیک حساب لگانا اگرچہ ممکن نہیں ہے لیکن نظام ِشمسی ، جوہم سے قریب کے ستاروں کاخاندان تشکیل دیتاہے ،اس میں صحیح مطالعہ بروئے کار لایا جاسکتاہے اس کے مداروں کانظام اس حد تک قطعی اورصحیح حساب ہے کہ انسان کے دماغ کوحیران کردیتاہے ۔ جس وقت ہم اس نکتہ کی طرف توجہ کریں کہ ماہرین کی گواہی کے مطابق صِرف ہماری کہکشاں میں تقریباً ایک ہزارملین ستارے موجود ہیں اورعالم میں اس کے علاوہ اور بہت سی کہکشائیں ہیںجن میں سے ہرایک کی ایک مخصوص سمت ہے ،تو ہمیں قرآن کی اس قسم کااندازہ ہوتاہے اللہ والعلم الحدیثنامی کتاب میں ہم پڑھتے ہیں کہ ماہرین علم الا فلاک کانظر یہ ہے کہ یہ ستارے جواربوںسے زیادہ تعداد میںہیں ان سے بعض کو،بغیر کسی مددگار آلے کے ،صرف اپنی آنکھ سے دیکھا جاسکتاہے اوران میں سے بہت زیادہ حصّہ کوسوائے ٹیلیسکوپ کی مدد کے نہیں دیکھاجا سکتابلکہ ان ستاروں کاایک حصّہ توٹیلیسکوپ کے ذریعہ بھی نہیں دیکھا جاسکتاہے ۔صرف مخصوص قسم کے وسائل سے ان کی تصویر لی جاسکتی ہے ۔ یہ سب اپنے مخصوص مدار میںتیرتے ہیں اوراس بات کاکوئی بھی احتمال نہیں ہے کہ ان میں سے ایک کسِی دوسرے کے ایسے علاقہ میں، جہاں اس کی کشش کام کررہی ہو ،موجود ہو،یایہ کہ یہ ستارے ایک دوسرے اس جہاز سے جودوسرے بڑے سمندر میںہوٹکراجائے جب کہ دونوںجہازایک ہی سمت میں اورایک ہی رفتار سے چل رہے ہوں۔اس قسم کااحتمال اگرمحال نہیں توبعید ضرور ہے (١) ۔ ستاروں کی کیفیّت اوروضع کے سلسلہ میں ان علمی انکشافات کی طرف توجہ کرتے ہوئے مذ کورہ بالاقسم کی اہمیّت اور زیادہ واضح ہوجاتی ہے،اسی بناپر بعدوالی آ یت میں پروردگار ِ عالم مزید فرماتاہے : یہ بہت ہی بڑ ی قسم ہے اگرتم جان لو (وَ ِنَّہُ لَقَسَم لَوْ تَعْلَمُونَ عَظیم) لوتعلمون (اگرتم جان لو)کے الفاظ اچھی طرح گواہی دیتے ہیں کہ انسان کاعلم اوراس کی دانش اُس زمانے میں اس حقیقت کامکمل طورپر ادراک نہیں کرسکتے تھے اور یہ خود قرآن کاایک علمی اعجاز شمارہوتاہے کہ ایسے زمانے میں جب کہ شاید ایک گروہ یہ خیال کرتاتھا کہ ستارے چاندی کی میخیںہیں جوآسمان کی چھت میںٹھونکی گئی ہیں ۔اس قسم کابیان، اوروہ بھی ایسے ماحول میں جو فی الحقیقت جہالت ونادانی سے مملوتھا،ممکن نہیں تھا کہ ایک عام انسان سے صادر ہو۔اَب ہمیںدیکھناہے کہ یہ عظیم قسم کِس مقصد کے لیے بیان ہوئی ہے ،بعدوالی آ یت اس کے رُخ سے پردہ اُٹھاتی ہے اورکہتی ہے :جوکچھ محمد (صلی اللہ علیہ وآلہ وسلم)لے کر آئے ہیں وہ قرآن کریم ہے (ِنَّہُ لَقُرْآن کَریم)اوراس طرح ان کج فہم اورضدی مشرکین کوجن کاہمیشہ یہ اصرار تھا کہ یہ آیتیں ایک قسم کی کہانت ہیں، یانعوذ باللہ جنون آمیز باتیں ہیں ،یا شعراء کے اشعار کی طرح ہیں ، یاپھر شیاطین کی طرف سے ہیں، یہ جواب دیتاہے کہ یہ وحی آسمانی ہے اورایساکام ہے جس کی عظمت کے آثار بالکل نمایاںہیں اور اس کے موضوعات ومضامین اس کے مبداء نزول کی ترجمانی کرتے ہیں ۔ یہ صورت ِ حال اتنی واضح ہے کہ محتاج ِ بیان نہیںہے ، قرآن کی تعریف لفظ کریم کے ساتھ (اس طرف توجہ کرتے ہوئے کہ کرم جب خدا سے متعلق ہوتواس کے معنی احسان وانعام کے ہیں اورانسان سے متعلق ہو توقابل ِ تعریف اخلاق واعمال کے حامل ہونے کے معنی میں ہے )مجموعی طورپر عظیم اوصاف کی طرف اشارہ ہے (٢) ۔ اورقرآن کے فصیح وبلیغ لفظوں اورجملوں کے اعتبار سے اس کی ظاہر ی خوبصورتیوں اورپُرکشش موضوعات ومضامین کی طرف بھی اشارہ ہے ۔ یہ اس لیے کہ یہ خداکی طرف سے نازل ہوا ہے اوروہ ہرجمال وکمال اورخُوبی و زیبائی وخُوبصورتی کامبداء ومنشاہے ۔ جی ہاں قرآن جس کاکلام ہے وہ بھی کریم ہے اورخود قرآن بھی کریم ہے اوراس کولانے والابھی کریم ہے اوراس کے مقاصد بھی کریم ہیں ، اس کے بعد اس آسمانی کتاب کی دوسری صفت کوپیش کرتے ہوئے فر ماتاہے: یہ آ یات ایک مستور اورپوشیدہ کتاب میں ہیں (فی کِتابٍ مَکْنُون) ۔اس لوح ِ محفوظ (علم ِ خدا)میں جو ہرقسم کی خطا و لغزش اورتغیّر وتبدّل سے مصئون ہے ۔واضح ہے کہ وہ کتاب جس کااس قسم کاسرچشمہ ہے اوراس کااصلی نسخہ وہاں ہے وہ ہرقسم کی تبدیلی، خطا اور شک وشبہ سے محفوظ ہے ۔ تیسری صفت کے سلسلہ میں فرماتاہے : اس کتاب کوپاکیزہ افراد کے علاوہ کوئی مَس نہیں کرسکتا۔(لا یَمَسُّہُ ِلاَّ الْمُطَہَّرُونَ)(٣) ۔ بہت سے مفسّرین نے ان روایات کی پیروی کرتے ہوئے جوآئمہ معصومین سے منقول ہیں ،اس آ یت کی تفسیر یہ کی ہے کہ غسل ووضوکے بغیر قرآن کی تحریر کوہاتھ نہ لگایاجائے جب کہ دوسراگروہ اس آ یت کوایک ایسااشارہ سمجھتاہے جواُن پاک وپاکیزہ فرشتوں کی طرف ہے جو قرآن سے آگاہی رکھتے ہیںیاوہ قلب پیغمبر پرنزول وحی کاذریعہ تھے ، مشرکین جوکہتے تھے کہ یہ کلمات شیاطین نے آنحضرت (صلی اللہ علیہ وآلہ وسلم)پرنازل کیے ہیں ان کے نقطۂ نظر کے مقابل بعض مفسّرین اسے اس طرف اشارہ سمجھتے ہیں کہ قرآن کے بلند حقائق ومفاہیم کاپاکیزہ افراد کے علاوہ کوئی ادارک نہیں کرسکتا، جیساکہ سُورہ بقرہ کی آ یت ٢ میں پڑھتے ہیں ۔(ذلِکَ الْکِتابُ لا رَیْبَ فیہِ ہُدیً لِلْمُتَّقین)اس کتاب میں کوئی شک نہیں یہ پرہیزگاروں کے لیے سبب ہدایت ہے دوسرے لفظوں میں یوں سمجھیے کہ پاکیزگی کی کم سے کم حد، جو حقیقت جوئی کہ رُوح ہے ،وہ قرآن کے کمترین ادراک کے لیے لازمی ہے اورجس قدر پاکیزگی اور طہارت زیادہ ہوگی موضوعات ومفاہیم قرآن کاادراک اِنسان کے لیے اتناہی زیادہ ممکن ہوگا ۔اِن تینوںتفسیروں میں کوئی منافات نہیں ہے لہٰذا ممکن ہے مفہوم آیت میں یہ سب شامل ہوں۔ پروردگار ِ عالم قرآن مجید کی چھوتھی اورآخری توصیف کے سلسلہ میں فرماتاہے : قرآن عالمین کے پروردگار کی طرف سے نازل ہواہے (تَنْزیل مِنْ رَبِّ الْعالَمینَ )(٤) ۔ و ہ جو تمام اہل جہاں کامربّی ومالک ہے اُس نے اس قرآن کوانسانوں کی تربیّت کے لیے پیغمبر(صلی اللہ علیہ وآلہ وسلم)کے پاکیزہ دل پر نازل کیاہے اور جس طرح عالم ِ تکوین میں وہی مالک ومربی ہے عالم ِ تشریع میں بھی جوکچھ ہے اسی کی طرف سے ہے ۔اس کے بعدمزید فرماتاہے ۔ : کیااس قرآن کوان اوصاف کے ساتھ جوبتائے گئے ہیں کمزور اور چھوٹا شمار کرتے ہو، آسان ہے تواس کی تکذیب کرتے ہو (أَ فَبِہذَا الْحَدیثِ أَنْتُمْ مُدْہِنُون) ۔جب کہ اس سے صِدق وحقانیت کی نشانیاں اچھی طرح واضح ہوتی ہیں ۔تو چاہیے کہ تم کلام خدا کواتنہائی کاوش کے ساتھ قبول کرو اورایک حقیقت واقعی سمجھ کراس کے سامنے جاؤ ۔ ھٰذاالحدیث یہ بات قرآن کی طرف اشارہ ہے اور مدھنون دھن کے مادّہ سے ہے جس کے معنی روغن اورتیل کے ہیں، چونکہ بدن کی کھال یادوسری چیزوں کونرم کرنے کے لیے روغن ملتے ہیں اس لیے لفظ ادھان نرمی سے پیش آنے کے معنی میں اِستعمال ہوتاہے ۔ کبھی سستی اورمقابلہ نہ کرنے کی کیفیّت کے لیے بھی آتاہے۔چونکہ منافقین اورجھوٹے افراد کی عام طورپر ملائم زبان ہوتی ہے ،اس بناپریہ لفظ کبھی کبھی تکذیب وانکار کے معنی میں بھی استعمال ہوتاہے ،مندرجہ بالاآ یت میں ان دونوںمعانی کااحتمال ہے ۔اصولی طورپر انسان جس چیزکوباور کرتاہے اسے پُوری قوّت اور مضبوطی سے پکڑاتاہے اوراگر مضبُوطی سے نہ پکڑے تو یہ اس بات کی دلیل ہے کہ وہ ا سے باور نہیں کرتا ،زیربحث آیات میں سے آخری آ یت میں فرماتاہے : تم بجائے اس کے کہ خدا کی دی ہوئی نعمتوں ، خصوصاً قرآن جیسی عظیم نعمت، کاشکر اداکرو تم اس کی تکذیب کرتے ہو (وَ تَجْعَلُونَ رِزْقَکُمْ أَنَّکُمْ تُکَذِّبُونَ )(٥) ۔ بعض مفسّرین نے کہاہے کہ قرآن میں سے تمہارا حصّہ صرف یہ ہے کہ تم اس کی تکذیب کرتے رہویاتم تکذیب کواپنا ذریعہ معاش قرار دے دلیاہے (٦) ۔لیکن آخری دوتفسیروںمیں سے پہلی تفسیرگزشتہ آ یات کے ساتھ زیادہ مناسب رکھتی ہے اوراس شان ِ نزول کے ساتھ بھی زیادہ ہم آہنگ ہے جواس آ یت کے لیے بیان ہوئی ہے کیونکہ بہت سے مفسّرین نے ابن ِ عباس سے نقل کیاہے کہ وہ ایک سفر میں پیغمبراسلام (صلی اللہ علیہ وآلہ وسلم)نے سُنا کہ ایک شخص کہہ رہا ہے کہ فلاں ستارے کے طلوع کی وجہ سے بارش ہوئی (عرب زمانہ ٔ جاہلیت میں انوائ کاعقیدہ رکھتے تھے اس سے ان کی مراد ایسے ستارے تھے جومختلف فصلوں میں آسمان پرظاہر ہوتے تھے ۔ان کاعقیدہ تھاکہ ان میں سے ہر ستارے کے ظہور کے ساتھ بارش ہوتی ہے اس لیے وہ کہتے ہیں :(مطرنابنو فلاں) یہ بارش فلاں ستارے کے طلوع کی برکت کی وجہ سے ہے اوریہ بھی شرک وبُت پرستی وستارہ پرستی کاایک ادنیٰ مظاہرہ تھا(٧) ۔ قابل ِتوجہ بات یہ ہے کہ بعض روایات سے معلوم ہوتاہے کہ پیغمبراسلام (صلی اللہ علیہ وآلہ وسلم)نے بہت کم آیتوں کی تفسیر کی ہے منجملہ ان چند آیتوں کے جن کی آپ نے تفسیر کی ہے ایک آ یت یہ ہے وَ تَجْعَلُونَ رِزْقَکُمْ أَنَّکُمْ تُکَذِّبُونَ۔آپ نے فرمایا : اُس سے مراد یہ ہے کہ اپنی روزی کے شکر کی بجائے تم تکذیب کرتے ہو ( ٨) ۔ ١۔اللہ والعلم الحدیث ،صفحہ٣٣۔ ٢۔راغب کے مفردات میں مادہ کرم ۔ ٣۔"" لایمسّہ "" جملہ خبریہ ہے کہ جونہی یانفی کے معنی میں ہوسکتاہے ۔ ٤۔تنزیل یہاں مصدر ہے اسم مفعول کے معنی میں یعنی منزل کے معنی میں اور مبتدائے محذوف کی خبرہے یاخبر کے بعد خبرہے ۔ ٥۔اِس تفسیرکے مطابق یہاں شکر کالفظ محذوف ہے اورتقدیر عبارت یوں ہے (""تجعلون""شکررزقکم انکم تکذبون )یاشکر کنایہ ہے شکر رزق کا ۔ ٦۔ان دونوں تفسیروں کے مطابق کوئی چیز مقدر نہیںہے ۔ ٧۔اس حدیث کوطبرسی نے مجمع البیان میں نقل کیاہے تفسیر درالمنثور جلد ٦ ،صفحہ ١٦٣ ،قرطبی جلد ٩ صفحہ ٦٣٩٨۔ مراغی جلد ٢٧ ،صفحہ ١٥٢۔ اور رُوح المعانی ،جلد ٢٧ صفحہ ١٣٥ نے بھی مختصر سے فرق کے ساتھ زیربحث آیات کے ذیل میں اسے نقل کیاہے ۔ ٨۔ تفسیر درالمنثور ،جلد ٦ ،صفحہ ١٦٣ ۔نورالثقلین ،جلد ٥ ،صفحہ ٢٢٧۔

سوره واقعه/ آیه 75- 82

٧٥۔ فَلا أُقْسِمُ بِمَواقِعِ النُّجُومِ۔ ٧٦۔ وَ ِنَّہُ لَقَسَم لَوْ تَعْلَمُونَ عَظیم۔ ٧٧۔ ِنَّہُ لَقُرْآن کَریم۔ ٧٨۔ فی کِتابٍ مَکْنُونٍ۔ ٩ ٧۔لا یَمَسُّہُ ِلاَّ الْمُطَہَّرُونَ۔ ٠٨۔تَنْزیل مِنْ رَبِّ الْعالَمینَ۔ ٨١۔ أَ فَبِہذَا الْحَدیثِ أَنْتُمْ مُدْہِنُونَ۔ ٨٢۔وَ تَجْعَلُونَ رِزْقَکُمْ أَنَّکُمْ تُکَذِّبُون۔َ ترجمہ ٧٥۔قسم ہے ستاروں کی جگہ اوران کے محِل طلوع وغروب کی ۔ ٧٦۔اوراگرتم سمجھو تو یہ بہت بڑی قسم ہے ۔ ٧٧۔کہ وہ قرآن کریم ہے۔ ٧٨۔جوایک محفوظ ومکنون کتاب میں ہے ۔ ٧٩۔سوائے پاکیزہ لوگوں کے کوئی اسے مُس نہیں کرسکتا۔ ٨٠۔یہ ایسی چیزہے جوپروردگار عالمین کی طرف سے نازل ہوئی ہے ۔ ٨١۔کیا اس بات (اس قرآن کوان اوصاف کے ساتھ جوبتائے گئے ہیں )کمزور اورچھوٹا سمجھتے ہو؟ ٨٢۔اور جورزق اس نے تمہیں دیاہے بجائے شکرکے اس کی تکذیب کرتے ہو؟

[Pooya/Ali Commentary 56:77] All shades of meanings associated with the word "karim" are applicable. The Quran gives out, imparts, makes available openhandedly knowledge, justice, mercy, awareness of laws made by Allah, relationship between man and God, and interrelation among all that has been created, in all directions, covering every aspect and dimension. The maknun (hidden, precious, well-guarded) Quran in the lawh mahfuz is beyond the reach of earthly understanding, based upon empirical conclusions. Only the thoroughly purified, mentioned in Azhab: 33, come in contact or achieve real contact with its true meaning (refer to Ali Imran: 7), sense, grasp and handle (various meanings of the word mass) the real purport of the word of Allah. Refer to the commentary of Ahzab :33. The Quran is amidst the people, sent by the beneficent Lord, to give guidance to whosever seeks it as promised in verse 69 of Ankabut, but in the light of hadith al thaqalayn (on page 6) the Holy Prophet made it clearly known that unless the seeker of guidance comes to his Ahl ul Bayt, he will not find it. Verse 78 says that the Quran is treasured and preserved in a well guarded book (maknun) implying that it is the recitation which is in our hands, not the actual book. In support verses 3 and 4 of Zukhruf say: "Verily, We have made it an Arabic Quran that you may haply understand. Verily it is in the mother (of the) book with Us, the most exalted, full of wisdom." According to Shu-ara: 192 to 194 it was sent down to the heart of the Holy Prophet through the trusted spirit. It was taught to the Holy Prophet by Allah as per Najam: 5. Ankabut: 49 says that the Quran, a collection of clear or manifest signs or verses, is treasured in the hearts of those who are endowed with divine wisdom-the Holy Prophet and his thoroughly purified Ahl ul Bayt. Therefore the well-guarded book preserved in the lawh mahfuz (also described in Anam: 59) was known to the Holy Prophet, and from the heart of the Holy Prophet this heavenly treasure was transferred to the twelve Imams of the Ahl ul Bayt, the thoroughly purified. Aqa Mahdi Puya says: (i) According to Buruj: 21 and 22 the Quran has a pre-revealed existence in the lawh mahfuz (the preserved tablet). (ii) This existence is not material or physical, knowable to human senses. (iii) The nature of this existence is spiritual and intellectual, so the word mass cannot refer to the sense of touch. It implies intellectual grasp because the inseparable pronoun in objective case (yamassuhu) either refers to the maknun book or the Quran which is hidden in the maknun book. (iv) The clause la yamassuhu should be taken as purely of indicative and not of imperative significance. (v) If there is a tradition which prohibits impure persons to touch the revealed version of the Quran, it should be taken as an imperative based on the indicative preposition as has been pointed out in the commentary of Saffat: 102-Ibrahim told Ismail his dream in an indicative form but Ismail treated the indicative as imperative. (vi) The phrase al mutahharun (the purified) does not refer to those who purify themselves by a material purifying agent or by embracing Islam. In Abasa: 13 to 16 and Bayyinah: 2 and 3 this phrase has been used for purifying the book by Allah Himself. In Baqarah: 25 it is used to describe the wives purified by Allah. (vii) The physical touch is partial because the surface of one thing touches the surface of another thing. In the case of intellectual touch the knower grasps the known in such a way that the known, the knowing and the knower become identifiable with each other. It is a total touch. (viii) As the term touch requires, the toucher and the touched should be of the same class, otherwise the touch or grasp would be not possible. (ix) Taking into consideration all these arguments, many commentators have said that the word mutahharun refers to the angels, accepting the principle that touching of the Quran in its original state of "well guarded tablet" is possible only if the toucher has been purified. Now if the application of the term is confined to the angels, the superior status given to man by Allah-He has appointed him as His vicegerent and commanded the angels to prostrate before him (see commentary of Baqarah: 30 to 39)-will be brought low which amounts to rebellion against Allah; particularly when Allah has thoroughly purified a group of human beings, the Ahl ul Bayt of the Holy Prophet, by His will and command in verse 33 of Ahzab. These verses are inseparably linked with Ahzab: 33. On the basis of all these verses the Holy Prophet joined the Quran and his Ahl ul Bayt together (see hadith al thaqalayn on page 6) so that guidance, mercy and knowledge be available to mankind in all ages. The Quran and sunnah, in unequivocal terms, have asserted the infallibility of the Ahl ul Bayt as well as the book of Allah.