[Pooya/Ali Commentary 48:28] After the advent of the Holy Prophet, as also mentioned in the former scriptures (see commentary of Baqarah: 40, 89 and 253) the religion of Allah, Islam, was promulgated, superseding all the previous religions and laws. Refer to the commentary of Baqarah: 253, 285; Bani Israil: 55; Ali Imran: 81 and Bara-at: 33. For the final victory of Islam see commentary of Bara-at: 32 and 33; when Imam Mahdi al Qa-im, the last of the twelve Imams (see commentary of Baqarah: 124) will appear to establish the rule of Allah over the world.

٢۔ اسلامی باہمی محبت :

اسلامی روایات میںجو آخری آ یہ کی تفسیر میں منقول ہوئی ہیں ، رحماء بینھم کی اصل پربہت زیادہ تاکید نظر آ تی ہے ،منجملہ ان کے ایک حدیث میں امام صادق علیہ السلام سے بیان ہوا ہے : المسلم اخوالمسلم، لا یظلمہ ،ولا یخذ لہ ، ولا یخوفہ ، ویحق علی المسلم الا جتھادفی التواصل ، والتعاون علی التعاطف ، والمواساة لاھل الحاجة ، وتعاطف بعضھم علی بعض ،حتی تکونوا کماامر کم اللہ عز وجل : رحماء بینکم متراخمین ، مغتمین لماغاب عنکم من امرھم ،علی ما مضی علیہ معشرالا نصار علی عہدرسول اللہ (ص) : مسلمان مسلمان کابھائی ہے ، اس پر ظلم نہیں کرتا، اُسے تنہا نہیں چھوڑ تا ، اُسے ڈ راتا دھمکاتانہیں ، اور ضر وری ہے کہ مُسلمان حاجت مندوں سے ربط ،تعلق ،تعاون ،محبت اوراُنسیت میں کوشش کرے ، اورایک دوسرے کے ساتھ مہربان ہو . تاکہ ارشاد ِ خدا وند ی رحماء بینھم کے مطابق ایک دوسرے سے محبت اور پیارکاسلوک رواج پائے ، یہاں تک کہ ان کے پیٹھ پیچھے ان کے امور کے بارے میں دل سوزی سے کام لیں .جیساکہ رسول اللہ (صلی اللہ علیہ وآلہ وسلم) کے زمانہ میں انصار تھے ( 1) ۔ لیکن تعجب کی بات یہ ہے کہ موجودہ زمانہ کے مسلمانوں نے اس آ یت کی مؤ ثر رہنمائی اوراُن خصوصیات سے ، جو سچے مومنین اوررسول اللہ کے صحابہ کی مثال بنتی ہیں ،دوری اختیار کرلی ہے ، اور بعض اوقات تواس طرح سے ایک دوسرے کے جان لیوابن جاتے ہیںاوایسی کینہ پروری اورخونریزی کرتے ہیں ،کہ دشمنانِ اسلام کے لیے بھی کبھی ایسی نہ کی ہوگی . بعض اوقات کفار کے ساتھ دوستی کاایسا قائم کرتے ہیں .جیسے کہ وہ ایک ہی اصل ونسب کے بھائی ہیں ۔ نہ اس رکوع وسجُود کاکوئی پتہ ہے ، نہ وہ پاکیزہ نیتیں اور ابتغاء فضل اللہ (اللہ کے فضل کاطالب ہونا)اور نہ ہی چہروں پرسجدوں کے وہ آثار نمایاں ہیں ، نہ وہ نشو ونما ، نہ کونپلیں نکالنا، نہ قوی ہونا اورنہ وہ اپنے پائوں پرکھڑا ہوناہے ۔ تعجب کی با ت یہ ہے ہم جتنا ان قرآنی اصولوں سے دُور ہوتے ہیں اتنا ہی زیادہ درد ورنج اورذلت و نبکت میں گرفتار ہوتے ہیں، لیکن پھر بھی توجہ نہیں کرتے کہ ہمیں یہ ضرب کہاں سے پڑی ہے ؟ پھر وہی جاہلیّت کی طرفدار یاںغور وفکر کرنے تجدید نظر اورقرآن کی طرف لوٹنے میں رکاوٹ بنی ہوئی ہیں ، خدایاہمیںاس گہری اور خطر ناک نیند سے بیدار کردے ۔ خدا وندا !ہمیں توفیق مرحمت فرماکہ ہم پیغمبر(صلی اللہ علیہ وآلہ وسلم)کے سچے اصحاب وانصار کی اخلاقی خصوصیات کو، جوان آیات میںآ ئی ہیں اپنے اندر زندہ کریں ۔ با ررالہٰا ! ہمیں دشمنوں کے مقابلہ میں شدّت ،دوستوں کے ساتھ محبت ،تیرے فرمان کے لیے تسلیم ورضا ،تیری خاص عنایات کی طرف توجہ ، اوراسلامی معاشرے کو بار ور کرنے کے لیے سعی وکوشش اوراس کوترقی دینے اورپھیلا نے کی توفیق عنایت فرما ۔ پروردگار ا!ہم تجھ سے فتح مبین کے طلب گار ہیں ،جس دکے سائے میں ہمارااسلامی معاشرہ حرکت میں آ جائے اوراس عصر اور زمانہ میں جس میں ہر دوسرے وقت سے زیادہ معنویت وروحانیّت کی احتیاج وضرورت ہے ،ہم اس دین کی حیات بخش تعلیمات کولوگوں کے سامنے پیش کریں اورہر روز نئے دلوں کواسلام کی تسخیر واطاعت میں داخل کرلیں اوردلوں کے ممالک میں سے ایک نیا مُلک فتح کرلیں ۔ 1۔""اصول کافی "" "" مطابق نقل نورالثقلین "" جلد ٥ ،صفحہ ٧٧ حدیث ٩١۔

دشمنوں کے مقابلہ میں سخت گیر اور دوستوں کے لیے مہربان

ان دوآ یات میں جوسُورہ فتح کی آ خری آ یات ہیں فتح المبین یعنی صلح حدیبیہ سے مربوط دو دوسرے ہم مسائل کی طرف اشارہ رکرتاہے ، جن میں سے ایک تواسلام کے عالمگیر ہونے کے ساتھ مربو ط ہے اور دوسرے میںپیغمبر(صلی اللہ علیہ وآلہ وسلم)کے اصحاب کے اوصاف اوران کی خصوصیات ، اوران کے بارے میں خدائی وعدہ کوبیان کرتاہے ۔ پہلے کہتاہے وہ وہی ہے جس نے اپنے رسول کوہدایت اور دین حق کے ساتھ بھیجا ہے ،تاکہ اُسے تمام دینوں پر غالب کردے اوراس بات کے لیے خدا کی گواہی کافی ہے ،: (ہُوَ الَّذی أَرْسَلَ رَسُولَہُ بِالْہُدی وَ دینِ الْحَقِّ لِیُظْہِرَہُ عَلَی الدِّینِ کُلِّہِ وَ کَفی بِاللَّہِ شَہیداً) ۔ یہ خدا وند قادر متعال کی جانب سے صریح اوردوٹوک وعدہ ہے .اسلام کے تمام دینوںپرغالب ہونے کے بارے میں یعنی اگرخدا نے پیغمبر کے خواب کے ذ ریعہ تمہیں کامیابی اور فتح کی خبر دی ہے کہ تم انتہائی امن اور امان کے ساتھ مسجد حرام میں داخل ہوگے اورمراسم عمرہ بجالائوگے ،اور کسی میں تم سے مزاحمت کرنے کی جرأت نہ ہوگی علاوہ ازیں اگرخداتمہیں فتح قریب (خیبر کی کامیابی ) کی خبردے رہاہے تواس پرتعجب نہ کرو ، یہ تو ابتداہے انجام کاراسلام عالمگیر ہوجائے گا اورتمام ادیان پر کامیا ب و کامران ہوگا۔ ایسا کیوں نہ ہو، جبکہ رسول خداکی دعوت کامطلب ہدایت ہے :( أَرْسَلَ رَسُولَہُ بِالْہُدی)اوراس کادین حق ہے : ،(وَ دینِ الْحَق)اورہر غیر جانب دار ناظر ا س کی حقانیت کو ، اس قرآن کی آ یات میں اوراسلام کے انفرادی واجتماعی اورقضا ئی وسیاسی احکام اوراسی طرح اس کی اخلاقی دانسانی تعلیمات میں دیکھ سکتاہے ، اوران دقیق وصریح پیشین گوئیوںسے جو مستقبل کے بارے میںہیں ، اور بالکل ٹھیک واقع ہوئی ہیں . اس پیغمبرکے خدا سے ارتباط کوقطعی طورپر جان سکتاہے ۔ ہاں اسلام کی قوی منطق اوراس کے با ر آور مطالب کاتقاضایہی ہے کہ آخرکاروہ تمام شرک آلود مذاہب کاصفایا کردے گا اورتحریف شدہ آسمانی دینوں کواپنے جُھکادے گا ،اوراپنی عمیق کشش کے ساتھ دلوں کواس خالص دین کی طرف کھینچ لے گا ۔ اس بارے میں کہ اس کامیابی سے منطقی کامیابی مراد ہے یافوجی ولشکر ی کامیابی مفسرین کے درمیان اختلاف ہے ۔ ایک جماعت کانظر یہ یہ ہے کہ یہ کامیابی صرف منطقی و استد لالی کامیابی ہے اوریہ امر حاصل ہوچکا ہے کیونکہ اسلام منطق اوراستد لال کی قدرت کے لحاظ سے تمام موجودہ ادیان پربر تری رکھتاہے ۔ جبکہ ایک دوسری جماعت کامیابی کو ظاہر ی غلبہ اور غلبۂ اقتدار کے معنی میں سمجھتی ہے،اور اس لفظ یظہر کاموقع استعمال بھی خارجی غلبہ کی دلیل ہے ، اور اسی بناء پر کہاجاسکتاہے ،کہ ان بہت سے وسیع علاقوں کے علاوہ جودُنیا کے مشرق ومغرب اور شمال وجنوب میں اسلام کی قلم رو میں داخل ہیں ، اوراس وقت بھی ٤٠ سے زیادہ اسلامی ممالک میں مجموعی طورپر تقریباً ایک ارب افراد پرچم اسلام کے زیر سایہ سانس لے رہے ہیں .ایک زمانہ ایساآ ئے گا کہ ساری دنیارسمی طورپر بھی اس پرچم کے نیچے آ جائے گی ، اوریہ امر قیام مہدی ( ارواحنا لہ الغدا)کے ذ ریعہ تکمیل کوپہنچے گا ۔ جیسا کہ ایک حدیث پیغمبرگرامی اسلام (صلی اللہ علیہ وآلہ وسلم)سے منقول ہوا ہے کہ آپ (صلی اللہ علیہ وآلہ وسلم)نے فر مایا: لا یبقی علی ظھر الارض بیت مدر ولا و بر الّااد خلہ اللہ کلمة الا سلام ۔ پورے روئے زمین پرکوئی پتھر اور مٹی کاگھریااون اوربالوں کاخیمہ باقی نہ رہے گا .مگر یہ کہ خدا اسلام کو اس میں داخل کردے گا ( ١) ۔ اس سلسلہ میں ہم سُورہ ٔتوبہ کی آ یہ ٣٣ میں جو اس آ یت کے مشابہ ہے ایک تفصیلی بحث کرچکے ہیں ( ٢) ۔ یہ نکتہ بھی قابل ِ توجہ ہے کہ بعض نے الھدٰی کی تعبیر کو عقائد اسلامی کے استحکام کی طرف اشارہ سمجھاہے ، جبکہ دین الحق کو فر وع دین سے متعلق جاناہے ،لیکن اس تقسیم بندی پرکوئی دلیل ہمارے پاس نہیں ہے ۔ ویسے ظاہر یہ ہے کہ ہدایت وحقا نیّت اصول میں بھی ہے اور فروع میں بھی ۔ اس بارے میں لیظھرہ کی ضمیر کامرجع اسلام ہے یا پیغمبر (صلی اللہ علیہ وآلہ وسلم)مفسرین نے دواحتمال دیئے ہیں . لیکن قرائن اچھی طرح گواہی دے رہے ہیں کہ اس سے مراد وہی دین حق ہے ، کیونکہ جُملہ بندی کے لحاظ سے بھی ضمیر کے ساتھ زیادہ نزدیک ہے اور دین کی دین پرکامیابی کے ساتھ بھی مناسبت رکھتاہے ،نہ کہ شخص کی دین پر ۔ آ یت کے بارے میں آخری بات یہ ہے کہ کفٰی باللہ شھیدً ا کاجُملہ اس واقعیّت کی طرف اشارہ ہے کہ اس پیشین گوئی کے لیے کسی شاہداور گواہ کی ضرورت نہیں ہے .کیونکہ اس کا شاہد اور گواہ اللہ ہے اوررسولِ خدا کی رسالت بھی کسی دوسرے گواہ کی محتاج نہیں ہے ، کیونک اس کا گواہ بھی اللہ ہی ہے اور سہیل بن عمر اوراس کے مانند دوسرے لوگ اس بات پرتیار نہ ہوں کہ محمد (صلی اللہ علیہ وآلہ وسلم)کے نام کے ساتھ رسول اللہ لکھا جائے تووہ خود اپنا نقصان کرتے ہیں اوراس میںہمارے لیے کوئی زحمت نہیں ! آخری آ یت میں قرآن پیغمبر(صلی اللہ علیہ وآلہ وسلم)کے مخصوص اصحاب وانصار کی اوران افراد کی جوآپ (صلی اللہ علیہ وآلہ وسلم)کے طریقہ پرتھے ،تورات وانجیل کسی زبان سے ایک بہت ہی واضح تصویر پیش کرتاہے ، اوراُن لوگوں کے لیے جنہوںنے حد یبیہ اور دوسرے مراحل میں پامردی دکھاتی ہے ، ایک فخر اورمباہات کی بات بھی ہے ، اوراتمام قرون اعصار میں تمام مسلمانوں کے لیے ایک سبق آموز درس بھی ہے ۔ ابتداء میں فر ماتاہے : محمد خدا کابھیجا ہوا رسول ہے (مُحَمَّد رَسُولُ اللَّہ) ۔ چاہے سہیل بن عمر و جیسی چمگادڑیں اسے پسند کریں یانہ کریں ؟اورخود کواس آفتاب عالمتاب سے پنہاں کرلیں یا نہ کریں ؟خدانے اس کی رسالت کی گواہی دی ہے اورتمام صاحبان علم وآگاہی بھی اس بات کے گواہ ہیں۔ اس کے بعد آپ (صلی اللہ علیہ وآلہ وسلم)کے اصحاب وانصار کی تعریف و توصیف کاآغاز کرتے ہُوئے ان کے ظاہروباطن اوصاف اورعواطف وافکار واعمال کوپانچ صفات کے ضمن میں بیان کرتاہے وہ لوگ جو اُس کے ساتھ ہیں کفار کے مقابلہ میں زیادہ سخت اورمحکم ہیں (وَ الَّذینَ مَعَہُ أَشِدَّاء ُ عَلَی الْکُفَّارِ) ۔ اور دوسری صفت یہ بیان کرتاہے : لیکن آپس میںرحم دِل اورمہر بان ہیں (رُحَماء ُ بَیْنَہُمْ) ۔ ہاں وہ اپنے بھائیوں ، دوستوں اورہم مذہب افراد کے لیے تو عطوفت ومحبت کامرکز اور خزا نہ ہیں اور دشمنوں کے مقابلہ میں سخت اورجلانے والی آگ اورمضبوط فولادی دیوار ہیں ۔ درحقیقت ان کے عواطف و رجمانات کاخلاصہ یہ قہر ہی ہیں ، لیکن ان دونوں کاان کے وجود میں جمع ہوناکو ئی تضاد نہیں رکھتا ، اوردشمن کے مقابلہ میں ان کاقہر ، اور دوستوں کیے لیے ان کامہر ومحبت اس بات کاسبب نہیں بنتا کہ وہ راہِ حق وعدالت سے قدم باہر رکھیں تیری صفت میںجوان کے اعمال کے بارے میں ہے مزید کہتاہے .توانہیں ہمیشہ رکوع وسجود کی حالت میں دیکھے گا اوروہ ہروقت عبادت خُدا میں مشغول رہتے ہیں (تَراہُمْ رُکَّعاً سُجَّدا ) ۔ یہ تعبیر خداکی عبادت و بندگی کو جواس کے دواصلی ارکان رکوع و سجود کے ساتھ بیان ہوئی ہے ،ان کی دائمی اور ہمیشہ کی حالت کے طورپر ذکر کرتی ہے ،ایسی عبادت ،جوحق تعالیٰ کے فرمان کے سامنے سرتسلیم خم کرنے ،اورکبرو غرُور اورخود خواہی کی ان کے وجود سے نفی کی رمز ہے ۔ چوتھی توصیف وتعریف میں جوان کی پاک اورخالص نیّت سے بحث کرتی ہے فرماتاہے وہ ہمیشہ خدا کے فضل اور اس کی رضا کوطلب کرتے ہیں ( یَبْتَغُونَ فَضْلاً مِنَ اللَّہِ وَ رِضْواناً ) ۔ نہ تو وہ دکھا وے اورریا کاری کے لیے قدم اُٹھا تے ہیں ، اورنہ ہی مخلوق خداسے اجرو پاداش کی توقع رکھتے ہیں . بلکہ ان کی نظر صرف اس کی رضا وفضل پرلگی ہوئی ہے ، اورتمام زندگی میں ان کے عمل کامحرک صرف یہی امرہے .اوربس،۔ یہاں تک کہ فضل کی تعبیریہ بتاتی ہے کہ وہ اپنی کوتاہی کے معترف ہیں، اوراپنے اعمال کوکمتر سمجھتے ہیں کہ ان کے مقابلہ میں خدا کااجر وپاداش طلب کریں، بلکہ وہ پوری سعی وکوشش کے باوجود پھر بھی یہ کہتے ہیں ، خدا وندا ! اگرتیرا فضل وکرم ہماری مدد ونصرت نہ کرے تووائے ہے ہم پر ۔ پانچویں اورآخری توصیف میں ان کے آراستہ اورنورانی پیکر ظاہر کے بارے میں بحث کرتے ہُوئے کہتاہے . ان کی نشانی ان کے چہرے میں سجدہ کے اثر سے نمایاں ہے (سیماہُمْ فی وُجُوہِہِمْ مِنْ أَثَرِ السُّجُود)(٣) ۔ سیما اصل میں علامت و ہیٔت کے معنی میں ہے .چاہے یہ علامت چہرے میں ہو یابدن کی کسی دوسری جگہ ،اگرچہ فارسی کے روزمرّہ کے استعمال میں چہرے کی نشانیوں اور چہرہ کی ظاہری وضع وکیفیت کے لیے بولا جاتاہے ۔ دوسرے لفظوں میں ان کا قیافہ اچھی طرح سے اس بات کی نشاندہی کرتاہے ، کہ وہ خدا ،حق قانون اورعدالت کے سامنے ایک خاضع انسان ہیں ، نہ صرف ان کے چہرے میں ہی بلکہ ان کے سارے وجُود اورزندگی میں یہ علامت منعکس ہوتی ہے ۔ اگرچہ بعض مفسرین نے پیشانی پرسجدہ کے ظاہر ی اثر یاسجدہ گاہ کی جگہ پرمٹی کے اثر سے تفسیر کی ہے . لیکن ظاہراً آ یت اس سے زیادہ وسیع مفہوم رکھتی ہے جوان مردانِ خداکے چہرہ کی مکمل طورپر تصویر کشی کرتی ہے ۔ بعض نے یہ بھی کہاہے کہ یہ آ یت قیامت میں ان کے سجدہ گاہ کی طرف اشار ہ ہے ،جوچودھویں کے چاند کی طرح چمکے گی ۔ البتہ مُمکن ہے کہ قیامت میں ان کی پیشانی اسی طرح ہو ،لیکن یہاں آ یت دنیاوی زندگی میں ان کی ظاہری وضع و کیفیّت کی خبردے رہی ہے ۔ ایک حدیث میں امام صادق علیہ السلام سے بھی آ یاہے کہ آپ (صلی اللہ علیہ وآ لہ وسلم ) نے اس جُملہ کی تفسیر میں فرمایا،: ھو السھر فی الصّلوٰة : اس سے مراد رات کونماز پڑھنے کے لیے بیدار رہنا ہے جس کے آثار دن کے وقت ان کے چہروں سے نمایاں ہوتے ہیں ( ٤) ۔ البتہ ان معانی کو جمع کرناپُورے طورپر ممکن ہے ۔ بہرحال قرآن ان تمام اوصاف کوبیان کرنے کے بعد مزید کہتاہے : یہ ان (اصحاب محمد )(صلی اللہ علیہ وآلہ وسلم)کی توصیف توارت میں ہے (ذلِکَ مَثَلُہُمْ فِی التَّوْراةِ ) ۔ یہ ایک ایسی حقیقت ہے . جس کابیان پہلے سے آچکاہے ،اورایسی توصیف وتعریف ہے جو ایک عظیم آسمانی کتاب میں ہے ،جو ایک ہزار سال سے پہلے نازل ہوئی تھی ۔ لیکن اس بات کونہیں بھولنا چاہیئے کہ والّذین معہ ( اور وہ جواس کے ساتھ ہیں ) کی تعبیر ایسے افراد کے بارے میں گفتگو کرتی ہے ،جوہرچیز میں پیغمبر(صلی اللہ علیہ وآلہ و سلم) کے ساتھ تھے ، فکرو نظرمیں ، عقیدہ واخلاق میں اور عمل میں ، نہ کہ صرف وہ لوگ جو آپ علیہ السلام کے ساتھ ہم عصر اورہم زبان تھے، چاہے ان کاطریقہ اور راستہ آپ (صلی اللہ علیہ وآلہ وسلم) سے جدا ہی کیوں نہ ہو ،۔ اس کے بعد ان کی ایک اور آسمانی عظیم کتاب یعنی انجیل میں، توصیف کوپیش کرتے ہُوئے اس طرح کہتا ہے : ان کی توصیف انجیل میں اس زراعت کی طرح ہے ، جس نے اپنی کو نپلون کو باہر نکالاہو، پھر انہیں تقویت دی ہو یہاں تک کہ وہ مضبوط اور مستحکم ہوکراپنے پائوں پرکھڑ ی ہے ، اور اس قدر نشو ونما کی ہے اورپُربرکت ہوئی ہے . کہ زراعت کرنے والوں کوتعجب میں ڈال دیتی ہے (وَ مَثَلُہُمْ فِی الِْنْجیلِ کَزَرْعٍ أَخْرَجَ شَطْأَہُ فَآزَرَہُ فَاسْتَغْلَظَ فَاسْتَوی عَلی سُوقِہِ یُعْجِبُ الزُّرَّاعَ)(٥) ۔ شطأ ہٹنی اورچوز ے کے معنی میں ہے .ایسی ٹہنیاں جوتنے کے نیچے اورجڑوں کے قریب سے باہر نکلتی ہیں ۔ اٰزر موازرہ کے مادہ سے معاونت کے معنی میں ہے ۔ استغلظ غلظت کے مادہ سے سخت اور مستحکم ہونے کے معنی میں ہے ۔ استوٰی علی سوقہ کے جملہ کامفہوم یہ ہے کہ وہ اس قدر مستحکم ہوگیاہے کہ وہ اپنے پائوں پرکھڑا ہے ،(اس بات پر توجہ رکھیے کہ سوق ساق کی جمع ہے ) ۔ یعجب الزراع کی تعبیر ، یعنی وہ اتنی تیزی کے ساتھ اُگی اوراتنی زیادہ ٹہنیاں اور شاخیں نکلیں اوراس کے پیدا وار اس حد کوپہنچی کوخود کسانوں تک کو،جو ہمیشہ ان مسائل سے سر وکاررکھتے ہیں ،بہت زیادہ حیرت اور تعجب ہورہاہے ۔ قابل توجہ بات یہ ہے کہ دوسری توصیف میں بھی ،جوانجیل میں آ ئی ہے ،مومنین اورمحمد کے صحابہ کے پانچ عمدہ اوصاف بیان ہُوئے ہیں (کوپنل نکالنا ، پرورش کے لیے مدد کرنا ،محکم ہونا، اپنے پائوں پرکھڑاہونا ، حیرت انگیزدکھائی دینے والی نشو ونما) ۔ حقیقت میںتورات میں جواوصاف ان کے لیے بیان ہُوئے ہیں وہ ایسے اوصاف ہیں ، جوحالات ،مقاصد ، اعمال اور ظاہری صورت کے لحاظ سے ان کے وجود کے پہلوئوں کوبیان کرتے ہیں .لیکن وہ اوصاف جوانجیل میں بیان ہُوئے ہیں وہ ان کے مختلف پہلوئوں میں ترقی اورنشو ونما کو بیان کرتے ہیں (غور کیجئے ) ۔ ہاں! وہ ایسے بلند صفات ہیں جوایک آن کے لیے بھی حرکت و عمل سے نہیں رُکتے ،وہ ہمیشہ کونپلیں نکالتے رہتے ہیں ، وہ کونپلیں پرورش پاتی ہیں .اور بار آ ور ہوتی ہیں ۔ وہ اپنے قو ل وعمل کے ذ ریعہ اسلام کو دُنیا میں پھیلاتے رہتے ہیں .اورروز بروز نئے دستوں کااسلامی معاشرے میںاضافہ کرتے رہتے ہیں ۔ ہاں ! وہ کبھی بھی بے کار ہوکر نہیں بیٹھتے ،اورہمیشہ آگے کی طرف بڑھتے رہتے ہیں ،عابد ہونے کے ساتھ مجاہد ہیں، اورجہاد کے ساتھ ساتھ عبادت کرتے ہیں ،ان کاظاہرآرا ستہ ہے اور باطن پیراستہ ہے ،ان کے عواطف قوی اور نیتیں پاکیزہ ہیں .حق کے دشمنوں کے مقابلہ میں خدا کے غضب کے مظہر ہیں ، اورحق کے دوستوں کے ساتھ اس کے لطف ورحمت کو نمایاں کرتے ہیں ۔ اس کے بعد آ یت کے آخر میں مز ید کہتاہے : یہ عالی اوصاف ، یہ تیزی کے ساتھ بڑھنے والی نشوونما ، اوریہ پربرکت حرکت وترقی جتنی دوستوں میں شوق اورنشاط پیداکرتی ہے ،اتناہی کفار کے لیے غیض وغضب کاسبب بنتی ہے : یہ اس بناء پر ہے تاکہ کافروں کاغصّہ دلائے (لِیَغیظَ بِہِمُ الْکُفَّار)(٦) ۔ اور آ یت کے آخر میں فرماتاہے ، : خدانے ان میں سے اُن لوگوں سے جوایمان لائے ہیں ، اور ساتھ میں عمل صالح انجام دیئے ہیں ،بخشش اوراجرِ عظیم کاوعدہ کیاہے (وَعَدَ اللَّہُ الَّذینَ آمَنُوا وَ عَمِلُوا الصَّالِحاتِ مِنْہُمْ مَغْفِرَةً وَ أَجْراً عَظیماً ) ۔ یہ بات واضح ہے کہ وہ اوصاف جوآ یت کی ابتداء میں بیان کئے گئے ہیں، ان میں ایمان اورعمل صالح جمع تھا ، اس بناء پران دواوصاف کی تکرار ان کے دوام اورہمیشہ برقرار رہنے کی طرف اشارہ ہے . یعنی خدانے یہ وعدہ صرف اصحاب محمد (صلی اللہ علیہ وآلہ وسلم)میں سے اس گروہ سے کیاہے جوآپ (صلی اللہ علیہ وآلہ وسلم)کے راستہ اور طریقہ پر باقی رہیں گے ، اورایمان وعمل صالح کودوام بخشیں گے ، ور نہ وہ لوگ جوایک دن تواس کے دوستوں اوراصحاب وانصار کے زمر ہ میں شامل تھے . اور دوسرے دن آنحضرت سے جدا ہوگئے ، اوران کے برخلاف راستے پر چل پڑے ، وہ اس قسم کے وعدہ میں ہر گز شاملِ نہیں ہیں ۔ منھم کی تعبیر ( اس نکتہ کی طرف توجہ کرتے ہُوئے کہ لفظ من ایسے مواقع پر تبعیض کے لیے ہوتاہے اور آ یت کاظاہر بھی یہی معنی دیتاہے ).اس بات کی دلیل ہے کہ آپ (صلی اللہ علیہ وآلہ وسلم)کے صحابہ دو گروہوں میں تقسیم ہوجائیں گے : ایک گروہ ایمان اور عمل صالح کوجاری رکھے گا ، اورحق تعالیٰ کی رحمت واسعہ اوراجرِ عظیم میں شامل ہوگا ،لیکن ایک گروہ اس سے الگ ہوکراس عظیم فیض وبرکت سے محروم ہوجائے گا۔ معلوم نہیں مفسرین کاایک گروہ اس بات پرکیوں اصرار کرتاہے .کہ اوپر والی آ یت میں منھم کا من حتماً بیانیہ ہے .حالانکہ بالفرض اگرہم خلاف ظاہر کے مرتکب بھی ہوں اور من کوبیان کے لیے ہی لے لیں ، توان قرائن عقلی کوجویہاں موجود ہیں ،انہیں کیسے ایک طرف کریں گے ،کیونکہ کوئی شخص بھی اس بات کا مدعی نہیں ہے کہ پیغمبر(صلی اللہ علیہ وآلہ وسلم)کے تمام صحابہ معصوم تھے تواس صُورت میں راہ ِایمان اورعمل صالح پر باقی نہ رہنے کااحتمال ان میں سے ہر ایک کے بارے میں جائے گا توان حالات میں یہ کیسے ممکن ہے کہ خدا مغفرت اوراجرِ عظیم کاوعدہ بغیر کسِی قید وشرط کے اُن سب کودے دے ، عام اس سے کہ وہ ایمان وصلاح کی راہ طے کریں یاآدھی راہ سے پلٹ جائیں اورمنحرف ہوجائیں ۔ یہ نکتہ بھی قابلِ توجہ ہے کہ : والذین معہ (وہ لوگ جو اس کے ساتھ ہیں)کے جُملہ کامفہوم آپ (صلی اللہ علیہ وآلہ وسلم)کے پاس بیٹھنا اور آپ (صلی اللہ علیہ وآلہ وسلم)سے جسمانی مصاحبت نہیں ہے ،کیونکہ ایسی مصاحبت تومنافقین بھی رکھتے تھے ، بلکہ معہ سے مراد قطعی طورپراصول ایمان اور تقوٰی کے لحاظ سے ہمراہ ہونا ہے ۔ اس بناء پر ہم اوپر والی آ یت سے پیغمبر(صلی اللہ علیہ وآلہ وسلم)کے تمام ہم نشینوں اور معاصرین کے لیے ہرگزایک حکم کلی کا استفادہ نہیں کرسکتے ۔ ١۔"" تفسیرمجمع البیان " " جلد ٥،صفحہ ٢٥ ،"" قر طبی "" نے بھی اس روایت کوپیغمبر (صلی اللہ علیہ وآلہ وسلم)اسلام سے سُورہ ٔ نور کی آ یہ ٥٥ کے ذیل میں نقل کیاہے (جلد ٧،صفحہ ٤٦٩٢) ۔ ٢۔ تفسیر نمونہ جلد ٤،صفحہ ٥٧٦۔ ٣۔ "" سیماھم "" مبتدااور"" فی وجوھھم"" اس کی خبر ہے اور "" من اثر السجود"" یا"" سیما "" کابیان ہے یا"" سیما"" کے لیے حال ہے ،لیکن بہتر یہ ہے کہ "" من "" کو""نشویہ "" جانیں اورجُملہ کامعنی اس طرح ہوگا ان کی علامت ان کے چہرے میں ہے اور یہ علامت سجود کے اثر سے ہے ۔ ٤۔ "" من لایحضرہ الفقیہ"" روضة الواعظین "" مطابق نقل تفسیر نورالثقلین ،جلد٥ ،صفحہ ٧٨۔ ٥۔ اس بارے میں کہ "" ومثلھم فی الانجیل "" ایک مستقل جُملہ ہے اوراصحاب پیغمبر(صلی اللہ علیہ وآ لہ وسلم) کی ایک الگ توصیف وتعریف کرتاہے جواس تعریف کے علاوہ ہے جوتورات میں آ ئی ہے یایہ ذالک ،مثلھم فی التّو راة "" کے جملہ پرعطف ہے اس طرح سے کہ دونوں اوصاف کی دونوں آسمانی کتابوں سے خبردیتاہے ، مفسرین کے درمیان اختلاف ہے .لیکن آ یت کاظاہر یہ ہے کہ یہ دونوں اوصاف الگ الگ جدا گانہ طورپر ان دو آسمانی کتابوں میں لکھے ہُوئے موجود تھے ،اسی لیے لفظ "" مثل "" کا تکرار ہواہے ،درحالیکہ اگر یہ ایک دوسرے پرعطف ہوتے تو فصاحت کا تقاضا یہ تھا کہ یوں کہاجاتا :( ""ذالک مثلھم فی التوراة والا نجیل "" ) ۔ ٦۔ "" لیغیظ "" کے جمُلہ میں جو"" لام "" ہے بہت سے مفسرین اسے علت کا"" لام "" سمجھتے ہیں ،اس بناء پر اس جملہ کامفہوم یہ ہوگا "" پیش رفت کی یہ قوت و قدرت خدانے اصحاب محمد (صلی اللہ علیہ وآلہ وسلم) کونصیب کی ہے تاکہ کفار کی غصّہ میں لے آ ئے ""۔

سوره فتح/ آیه 28- 29

٢٨۔ہُوَ الَّذی أَرْسَلَ رَسُولَہُ بِالْہُدی وَ دینِ الْحَقِّ لِیُظْہِرَہُ عَلَی الدِّینِ کُلِّہِ وَ کَفی بِاللَّہِ شَہیداً ۔ ٢٩۔ مُحَمَّد رَسُولُ اللَّہِ وَ الَّذینَ مَعَہُ أَشِدَّاء ُ عَلَی الْکُفَّارِ رُحَماء ُ بَیْنَہُمْ تَراہُمْ رُکَّعاً سُجَّداً یَبْتَغُونَ فَضْلاً مِنَ اللَّہِ وَ رِضْواناً سیماہُمْ فی وُجُوہِہِمْ مِنْ أَثَرِ السُّجُودِ ذلِکَ مَثَلُہُمْ فِی التَّوْراةِ وَ مَثَلُہُمْ فِی الِْنْجیلِ کَزَرْعٍ أَخْرَجَ شَطْأَہُ فَآزَرَہُ فَاسْتَغْلَظَ فَاسْتَوی عَلی سُوقِہِ یُعْجِبُ الزُّرَّاعَ لِیَغیظَ بِہِمُ الْکُفَّارَ وَعَدَ اللَّہُ الَّذینَ آمَنُوا وَ عَمِلُوا الصَّالِحاتِ مِنْہُمْ مَغْفِرَةً وَ أَجْراً عَظیماً۔ ترجمہ ٢٨۔ وہ وہی ہے جس نے اپنے رسُول کوہدایت اور دین حق کے ساتھ بھیجا .تاکہ اُسے تمام دینوں اورکامیابی دے . اوراس بات کے لیے خدا کی گواہی کافی ہے ۔ ٢٩۔محمد (صلی اللہ علیہ وآلہ وسلم)خدا دکے رسُول ہیں، اورجولوگ اُس کے ساتھ ہیں وہ کفّار کے مقابلہ میںسخت اور آپس میں مہر بان ہیں تو انہیں ہمیشہ رکوع اورسجدے میں دیکھتاہے .وہ ہمیشہ خدا کے فضل اوراس کی رضا کوطلب کرتے ہیں ، ان کی نشانی ان کے چہرے پہ سجدہ کے اثر سے نما یاں ہے ،یہ تعریف وتوصیف توان کی تورات میں ہے اورانجیل میں ان کی توصیف یہ ہے کہ و ہ ایسی زراعت کے مانند ہیں .جس نے اپنی کونپلیں نکالی ہیں . پھر وہ قوت حاصل کرکے مضبوط اورمحکم ہوگئی اوراپنے پائوں پرکھڑ ی ہوگئی ،اوراس قدر نشو ونما کی کہ زراعت کرنے والوں کو حیران کردیا. یہ اس بناء پر ہے کہ کافروں کوغصّہ دلائے ،خدانے ان میں ایسے لوگوں سے جو ایمان اور عمل صالح بجا لائے بخشش اوراجر عظیم کاوعدہ کیاہے ۔

١۔ تنز یہ صحابہ کی داستان :

اہل سُنّت کے علماء اور دانشمندوں میں مشہور یہ ہے کہ صحابۂ رسُول (صلی اللہ علیہ وآلہ وسلم)اُمت کے تمام دوسرے افراد سے ایک خاص امتیاز رکھتے ہیں کہ وہ سب کے سب پاک و پاکیز ہ ہیں، اور وہ آ لود گیوں سے دُور ہیں ، اور ہمیں ان میں سے کسی پر تنقید واعتراض کاحق نہیں ہے ،اورانہیں بُرا بھلا کہنا مطلقا ممنُوع ہے ، یہاں تک کہ بعض کے قول کے مطابق موجب کُفر ہے ،اوراس مقصد کوثابت کرنے کے لیے انہوںنے قرآن مجید کی کُچھ آ یات سے استناد کیاہے ،منجملہ ان کے ایک زیر بحث آ یت ہے جویہ کہتی ہے کہ :خدانے اُن میں سے اُن لوگوں سے جوایمان لائے ہیں اورجنہوںنے عمل صالح انجام دیا ہے مغفرت اوراجرِ عظیم کاوعدہ کیاہے اوراسی طرح سورۂ توبہ کی آ یہ ١٠٠جو مہاجرین و النصار کاذکر کرنے کے بعد کہتی ہے : رضی اللہ عنھم ورضو اعنہ ۔ خدا ان سے خوش ہوگیا اوروہ خدا سے خوش ہوگئے ۔ لیکن اگر ہم اپنے آپ کو پہلے سے کئے ہُوئے فیصلوں سے خالی کرلیں توایسے واضح قرائن ہمارے سامنے موجود ہیں جواس مشہور عقیدہ اورنظر یہ کو متز لزل کردیتے ہیں ۔ ١.سورۂ تو بہ میں رضی اللہ عنھم ورضوعنہ کاجُملہ صرف مہاجرین وانصار کے ساتھ مخصوص نہیں ہے .کیونکہ اس آ یت میں مہاجرین وانصار کے ساتھ لذین اتبعوھم باحسانکاجُملہ بھی موجُود ہے ،جس کامفہوم تمام ان افراد کوشامل ہے ،جودامن قیامت تک نیکی میں ان کی پیروی کریں گے ۔ جس طرح سے تابعین اگرایک دن خط ایمان واحسان میں ہوں اور دوسرے دن کُفر و اساء (بدی کرنے ) کے خط میں قرار پاتے ہیں تووہ رضا یت الہٰی کے چتر کے نیچے سے نکل جائیں گے ،بعینہ یہی مطلب صحابہ کے بارے میںبھی ہوگا ،کیونکہ انہیں بھی سُورہ ٔ فتح کی آخری آ یت میں ایمان وعمل صالح کے ساتھ مقید کیاہے کہ اگرکسی دن یہ صفت اُن سے سلب دہوجائے تووہ رضایت الہٰی کے دائرہ سے باہر نکل جائیں گے ۔ دوسرے لفظوں میں احسان کی تعبیر تابعین کے لیے بھی ہے ،اور متبوعین کے بارے میں بھی ،اور متبو عین کے بارے میں بھی ، اس بناء پر ان دونوں میں سے جوکوئی بھی خط احسان کوچھوڑ دے گا وہ رضایت خدا میں شامل نہیں رہے گا ۔ ٢۔روایات اسلامی سے یہ معلوم ہوتاہے کہ اصحابِ پیغمبر(صلی اللہ علیہ وآلہ وسلم)اگرچہ آنحضرت (صلی اللہ علیہ وآلہ وسلم)کی مصاحبت کااعزازوامتیاز رکھتے تھے .لیکن وہ لوگ جو بعد کے زمانوں میں آ ئیں گے ، اورایمان راسخ اورعمل صالح سے متصف ہوں گے وہ ایک لحاظ سے صحابہ سے افضل ہیں ۔ جیساکہ ایک حدیث میں پیغمبراکرم (صلی اللہ علیہ وآلہ وسلم)سے بیان ہؤ ا ہے ،کہ صحابہ نے آپ (صلی اللہ علیہ وآلہ وسلم )سے عرض کیا: نحن اخوانکم یارسول اللہ ؟! قال :لاانتم اصحابی ، واخوانی الّذ ین یأ تون بعدی ، اٰمنوابی ولم یرونی ،وقال : للعامل منھم اجرخمسین منکم، قا لوابل منھم یارسول اللہ ؟ قال : بل منکم ! ردّ وھا ثلا ثا ثم قال :لانّکم تجدون علی الخیر اعوانا !: یارسول اللہ !کیاہم آپ کے بھائی ہیں ؟فرمایا : نہیں ! تم تو میر ے اصحاب ہو، لیکن میرے بھائی تووہ لوگ ہیں جومیرے بعد آئیں گے ، اورمُجھ پرایمان لائیں گے حالانکہ انہوںنے مجھے نہیں دیکھا ! اس کے بعد آپ (صلی اللہ علیہ وآلہ وسلم)نے مزید فرمایا: ان میں سے وہ افراد جوعمل صالح کرنے والے ہوں گے وہ تم میں سے پچاس افراد کااجر رکھتے ہیں ،صحابہ نے عرض کیا: یارسول اللہ !کیاوہ اپنے میں سے پچاس افراد کا (اجر رکھیں گے )فر مایا نہیں: تم میں سے پچاس افراد کا اورانہوںنے اس بات کوتین مرتبہ دہرایا ، ( اور پیغمبر نے تینوںمرتبہ یہی کہا) اس کے بعد آپ (صلی اللہ علیہ وآلہ وسلم)نے فر مایا،یہ اس بناپر ہے کہ تمہارے پاس ایسے شرائط وحالات موجود ہیں جوتمہاری اچھے کاموں میں مدد کرتے ہیں ( 1) ۔ صحیح مسلم میں بھی رسول خداسے اس طرح نقل ہواہے کہ ایک دن آپ (صلی اللہ علیہ وآلہ وسلم)نے فرمایا: وددت انا قد رأ ینا اخواننا ۔ میں دوست رکھتاہوں کہ ہم اپنے بھائیوں کودیکھتے ۔ قالو ا!ولسنا اخوانک یارسول اللہ؟!: انہوں نے کہا: یارسو ل اللہ ! کیاہم آپ کے بھائی نہیں ہیں ؟ ! آپ (صلی اللہ علیہ وآلہ وسلم)نے فرمایا: انتم اصحابی واخواننا الّذین لم یأ توابعد : تم تومیرے اصحاب ہولیکن ہمارے بھائی ابھی تک نہیں آ ئے ( 2) ۔ عقل ومنطق بھی یہی کہتی ہے ،کہ دوسرے لوگ جوشب وروز پیغمبر(صلی اللہ علیہ وآلہ وسلم)کی دائمی تعلیمات کے سایہ میں نہیں تھے لیکن اس کے باوجود وہ پیغمبر(صلی اللہ علیہ وآلہ وسلم)کے صحابہ کے مانند یاان سے زیادہ ایمان وعمل صالح رکھتے تھے . وہ ان سے برتروافضل ہیں ۔ ٣۔ یہ بات تاریخی طورپر بھی صحیح نہیں ہے ،کیونکہ بعض صحابہ کوہم دیکھتے ہیں کہ انہوںنے پیغمبراکرم (صلی اللہ علیہ وآلہ وسلم)کے بعد یاخود پیغمبر کے زمانہ میںہی غلط راستہ اختیار کرلیا تھا ۔ ہم ان لوگوں کوجنہوںنے جنگ ِ جمل کی آگ بھڑ کائی ، اوراتنے سارے مسلمانوں کوقتل کرایا ،اورپیغمبر(صلی اللہ علیہ وآلہ وسلم)کے برحق خلیفہ کے سامنے تلوار کھینچی ،گناہ سے کیسے بری قرار دے سکتے ہیں ؟ یا وہ لوگ جو صفین و نہروان میں کھٹے ہونے اور پیغمبر(صلی اللہ علیہ وآلہ وسلم)کے وصی وجانشین اور مسلمانوں کے منتخب خلیفہ کے مقابلہ جنگ کھڑی کردی ، اور بے حساب خون بہائے ،انہیں رضائے خدا کا مشمول جان لیں ،اور کہنے لگیں کہ گناہ وعصیان کاگرد وغبار بھی ان کے دامن پر نہیں بیٹھا ۔ اوراس سے بھی عجیب تران لوگوں کاعذر ہے جوان تما م مخالفتوں کواس عنوان سے کہ وہ مجتہد تھے اور مجتہد معذ ور ہے توجیہ کرتے ہیں ۔ اگراس قسم کے عظیم گناہوں کی اجتہاد کے ذریعہ توجیہ کی جاسکتی ہوتو پھر کسی قاتل کوملامت نہیں کی جاسکتی ،یاحدودِ الہٰی کااس میں اجراء نہیں ہوسکتا .کیونکہ ممکن ہے کہ اس نے اجتہاد کیاہے ۔ دوسرے لفظوں میں میدان جمل یاصفین یانہروان میں دو گر وہ ایک دوسرے کے مقابلہ میں کھڑے ہُوئے ہیں، اور یقینی طورپر وہ دونوں کے دنوں حق پرنہیں تھے ، کیونکہ ضدین کاجمع ہونامحال ہے .اس حالت میں دونوں کورضا ئے خُدا کا مشمول کیسے سمجھا جاسکتاہے ،جبکہ یہ مسئلہ کوئی مشکل اورایسے پیچیدہ مسائل میں سے نہیں تھا ، جس کی تشخیص ممکن نہ ہو؟کیونکہ سب کومعلوم تھاکہ علی علیہ السلام یاتوپیغمبر(صلی اللہ علیہ وآ لہ وسلم)کی نص کے مطابق اوریامسلمانوں کے انتخاب کے ذ ریعہ برحق خلیفہ تھے ، اس کے باوجود ان کے خلاف تلوار کھینچی ، اس کام کی اجتہاد کے طریقہ سے کیسے توجیہ کی جاسکتی ہے ؟! اصحابِ ردہ کی شورش کوجو ابو بکر کے زمانہ میں ہوئی اس کی طریق اجتہاد سے توجیہ کیوں نہیں کرتے ، اورانہیںرسمی وقانونی طورپر مرتد کیوں شمار کرتے ہیں ،لیکن جمل وصفین و نہر وان کے شور ش کرنے والوں کوہر قسم کے گناہ سے مبّراسمجھتے ہیں ۔ بہرحال ایسامعلوم ہوتاہے کہ تنز یہ اصحاب کامسئلہ مُطلق طورپر ایک سیاسی مسئلہ تھا ، ایک گروہ نے پیغمبر(صلی اللہ علیہ وآلہ وسلم)کے بعد اپنی حیثیت کی حفاظت کے لیے اس پر تکیہ کیاتا کہ اپنے آپ کوہرقسم کی تنقید واعتراض سے بچالے اورمحفوظ کرلے ، اور یہ ایک ایسامطلب ہے جو نہ توعقل کے ساتھ سازگار ہے اور نہ ہی مُسلمہ اسلامی تاریخوں کے ساتھ ، اور یہ ایک ایساشعر ہے جو ہمیں اپنے قافیہ میں گرفتار کرلے گا ۔ کیاہی اچھا ہو کہ ہم صحابۂ رسول خدا (صلی اللہ علیہ وآلہ وسلم)اوران لوگوں کاجوہمیشہ آپ (صلی اللہ علیہ وآلہ وسلم)کے طریقہ اور راستہ پرچلتے رہے ، احترام کرنے کے باوجود ان کے بارے میں معیارِ حیات ، ان کی زندگی میں آغاز سے لے کر انجام تک ان کے عقائد واعمال کواُسی معیار سے سمجھیںجومعیار کہ ہمیں قرآن سے معلوم ہواہے ،یعنی وہی معیار کہ جس کے ساتھ پیغمبر(صلی اللہ علیہ وآلہ وسلم)اپنے صحابہ کوپرکھتے تھے ۔ 1۔"" تفسیر رُوح البیان "" جلد ٩،صفحہ ٦١۔ 2۔""صحیح مُسلم"" جلد اوّل کتاب الطہارة حدیث ٣٩۔